Edukira salto egin | Salto egin nabigazioara

Tresna pertsonalak

Saioa hasi

Eibarko peoria, San Blasa baino hobia

Hemen zaude: Hasiera / Blogak / Ingelesen hilerria / Margaret Atwood-en zientzia-fikzio feminista

Ingelesen hilerria

Margaret Atwood-en zientzia-fikzio feminista

Luistxo Fernandez 2004/09/01 18:55

Margaret Atwood-en zientzia-fikzio feministak engantxatu nau aurtengo abuztuan. Oryx and Crake irakurri dut gaztelaniaz (Oryx y Crake), eta orain The Handmaid's Tale daukat esku artean ingelesez ( El Cuento de la Criada hartuta zegoen liburutegian).

Nik uste dut Atwooden liburuak gustatu zaizkiola Scarpetta doktorearekin dabilen beste irakurle fin honi...

Atwoodek liburu gehiago idatzi ditu. Baina ez nonbait zientzia-fikziokoak. Susmoa dut beste horiek ez zaizkidala hainbeste gustatuko. Aurreiritzi bat, bistan da. Akaso probatu beharko dut. Eskerrak liburutegi guztietan ez didaten oraindik kultura doan kontsumitzeko aukera debekatu.

Abuztuko liburu irakurketak komentatzen dizkigu Joxe Aranzabalek gaur bertan berritutako Sustatun eta harako idatzi dut mezutxo hau.

erral dio:

2004/09/02 01:52

Kontuan hartuko dut gomendioa. Kasualitatea izango da baina gaur joan naiz liburutegira eta Scarpetta doktorearen beste liburu bat hartu dut: "Identidad desconocida", eta beste bat ere "zain daukat".

Portzierto, liburuekin filmeekin bezala egiten dute, aipatutako liburuaren ingelesezko izenburua "Black Notice" da ...

Iban Zaldua dio:

2004/09/03 13:37

Imajinatzen dut ezagutuko duzu(e)la, baina Atwood-en ZF feminista gustatu bazaizu(e), gomendagarria da Ursula K. Leguin-en obra, genero eta ekologismo kontuez oso fin aritzen dena (baita kontu sozialez ere); ZFko idazle handienetarikoa da (Atwood, ordea, Luistxok ondo azaldu duen bezala, ez du soilik ZFa idazten; antzeko kasu bat Doris Lessing-ena da, ZFko nobela bat bederen idatzi zuena). LeGuin-en eleberririk gomendagarrienak, nire ustez, hauek dira: The left hand of darkness (`La mano izquierda de la oscuridad', genero eta sexu kontuei buruz) eta The dispossessed ('Los desposeÃdos', planeta "anarkista" baten antolakuntza sozialaren inguruan, besteak beste), biak Minotaurok argitaratuak (Espainian). Duela gutxi ipuin-bilduma bat argitaratu diote ('El cumpleaÃ±os del mundo y otros relatos'), narrazio benetan on batzuekin.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Zenbat dira hiru ken lau (idatzi zenbakiz) ?
Erantzuna:

Ingelesen hilerria

Aurkezpena

Luistxo Fernandez

Lan egiten dut CodeSyntaxen, Sustatun ere dexente editatzen dut. Eibarren jaioa naiz (1966) eta Donostian bizi naiz. Twitterren @Luistxo naiz. Azpìtituluak.com proiektuan ere banabil, eta niren kontsumo kulturala zertifikatzeko. Gainera, blog honek erdarazko bi bertsio ditu: