Hizkuntza aukeraketa inposiblea euskal webguneetan
Euskal Herriko webguneetan, hizkuntza aukeratzeko aurkitutako pare bat adibide. Barregarriak, alde batetik, baina negargarriak benetan, ez bakarrik euskaldunak iraintzen gaituztelako, kanpoan are itxura kaskarragoa ematen dutelako erakunde hauek. Lehena Arabakolanak.com webgunean aurkituko duzue. Izena guztiz euskalduna, eta, tira, lehen begiratuan hizkuntza aukeratzeko menutxo bat eskura... baina zoazte, zoazte menu horretako aukera zabala zein den testeatzera, ja ja ja...
Bigarrena, ustez turismoa kanpoan saldu behar duen zerbitzu publiko batena, Donostiako CAT famatuaren Sansebastianreservas.com delakoan aurkitua, bonbo guztiarekin baliabide hau prentsan iragarri ondoren. Klikatzen dugu, "Reservas online" dioen tokian, era Reservasguipuzcoa.com domeinura goaz, non, ikusten denez, dagoeneko ofizialtasunik ez duen ortografia batekin jarraitzen duten. Baina tira, hor ere badago hizkuntza aukera. Banderitak airean... Españolak zer esango ote die, diot nik, Kataluniako nazionalistei, edo Kolonbiako bisitariei, edo Union Jack ezagunak Irlanda edo Texaskoei... baina bueno, identifikatzen asmatu dezake edonork.
Baina, hara sorpresa!, berdin dio non klikatzen duzun, frantsesean, Union Jack inperial britanikoan, edo ikurriñan, honako mezu hau agertzen zaizu, eta hizkuntza bakarrean agertu ere (Union Jack-en klikatu duen kaliforniarrak ere ulertuko ote du...).
