Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / ARRATE KULTUR ELKARTEA / Mende Baten Aldarriak, Hogeigarrenean Jarriak

Mende Baten Aldarriak, Hogeigarrenean Jarriak

Eneko Astigarraga 2005/05/11 11:51

Eibarko XL Euskal Jaiaren egitarauaren barnean, maiatzak 26an, osteguna, arratsaldeko 19:30etan Arrate Kultur Elkartearen lehen solairuko aretoan, Xabier Amuriza eta Jon Maia bertsolariak izango ditugu gure artean: Mende baten aldarriak, hogeigarrenean jarriak emanaldiarekin.

Sarrera doan izango da, denok gonbidatuta zaudete.

Mende Baten Aldarriak, hogeigarrenean jarriak. Xabier Amuriza eta Jon Maia.

Hogeigarren mendeak bide eta bidagurutze amaigabeak utzi ditu gure oroimenean eta Euskal Herriaren historian.

Bertsoaren esparru erlatiboki txikian ere, emaitza amaigabea utzi digu mende horrek. Inoiz oihu, sarritan auhen, hemen aldarriak bakarrik jaso ditugu, MENDE BATEN ALDARRIAK HOGEIGARRENEAN JARRIAK, hautatze nahitaez estuan bereiziak eta, hori bai, Euskal Herri osoa ordezkatzen dutenak.

Gehienak bertso jarriak izanik, batzuetan bat-batean sortuak ere sartzen dira. Nola kantatu du bertsolaritzak gure hogeigarren mendeko ibilera politikoa eta soziala?

Horixe da emanaldi honek eskaintzen duena: hogeigarren mendea, bertsolaritzatik kontatua eta kantatua. Gerrak, gerraurreak, gerrosteak, gertaera politikoak, egoera sozialak, pertsonaiak historikoak…

Horretarako, bertsolari askoren sortetatik aleak hautatu eta, denen artean argumentu bat eginez, historia bat garatzen da.

Hemen agertuko dira Elizanburu, Kepa Enbeita, Etxahun Iruriko, Otxalde, Otaño, Txirrita, Markano eibartarra, Zabaleta, Alkain, Basarri, Uztapide, Lazkao Txiki, Iantzi, Xalbador, Arrese-Beitia, Etxeita, Iturzaeta, Joxe Agirre, Lopategi, Azpillaga... Baita zenbait bertso anonimo ere. Bertsoak, historia aldetik esanguratsuak eta kalitatez ere ahalik onenak hautatu izan dira, historia argia ez ezik, historia ederra ere gerta zedin.

Eguna: Maiatzak 26a, osteguna

Tokia: Arrate Kultur Elkartea

Ordua: Arratsaldeko 19.30etan

Sarrera doan.

Eibarko XL Euskal Jaiaren egitarau osoa.

etiketak: Orokorra, Ekitaldiak
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Kulturala

Arrate Kultur Elkartea

Euskal Jaia Eibarren

Eguen zuri argazki lehiaketa

Txango kulturalak

Diaporamak

Topalekua

Margolaritza ikastaroak

Gastronomia Azaroan

Bertsolaritza

Ikastaroak

Hitzaldiak