Burutapenak 2
Euskal Herria
Askatasuna
* Klandestinoek, azpilanean ari direnek, sasikoek alegia, horiek dira batez ere leku eta une bakoitza direla behin-behineko babeslekua bizi dutenak, edozein unetan alde egiteko leku eta unea alegia. Euskal ihesleri eta liberatuek esperientziaz ikasi eta bizia duten printzipioa.
* Herriak egiten gaitu, neurri handi batean garen bezalakoak, baina geuk egiten dugu herria den bezalakoa.
Vs Espainia
* Ekintza bortitzak konpondu dira, baina borrokak dirau nahiz beste forma batean.
* Oraino bota ezin izan duten zuhaitza da Euskal Herria.
Kontzientzia
* Atzerritarren bisitaldia dirudite sarri kanpoan bizi diren euskaldun askoren presentzia.
* Aberri nomada gara bidaian gabiltzanean.
* Zapalkuntza, gerra, eta gehiegikerien segida ohi da abertzaletasuna.
* Bere jarrera propioa du bakoitzak estatu txikiei buruz, bizipenen araberako.
* Sakonean berdinak eta anaiak dira herri denak.
* Administrazioak ez du inoren natura egiten.
* Herri batekoa izateari ez dio uzten inork, edonon erroldatzen edo nazionalizatzen delarik ere.
Ahala
* Ez dago herri gorago edo beheragorik. Herri bakoitza, denik kaskarrena ere, naturaren mirari bat da
Gaurkoan
* Adiskide minak eta aldi berean pentsaera erabat ezberdinekoak izatea da familia eta lagunarte askotako egoera, baina eztabaida eta haserrerik gabe diraute harremanak, politika ez da mahairatzen eta kito.
Geroa
* Garailea beti ahaleginduko da aurkariari egia kontatzea galarazten. Euskal Herriak ondotxo ikasi du hori.
Baldintzak
* Beste zerbaitekin lotu behar da aberria ideia, mistika batekin, erakargarri eta eragile bihurtzeko.
Memoria
Benetako egia eta justizia aplikatzeak, ofizialetik haratagokoa, urteak behar ditu. Urte askotako perspektiba behar da ekintza iraultzailean bere egiazko eraginkortasunean kokatzeko. Egun batean, gerago, idatziko da ofizialki Euskal Herriko beste historia bat, beste egia bat.
* Memoriarik gabe ezer ez garelako, ezin dugulako aurrera egin ere, memoria sakon bat berreskuratzea da Euskal Herriaren azken urteetako ahalegina, bere izaera gorde nahi duelako aurrerantzean ere.
Damutuak
* Euskaldunongan barkamena eskatzeko eta damua erakusteko ezintasuna ez da berezkoa, urte luzeetako esperientziak eragindako jite eta jarrera baizik: lubakien alde bietako jarrera eta jiteak orekatzea luze iraungo duen afera da.
Euskaldunak
* Euskal Herrikoak gara nonbaitekoak izatekotan, askori ahaztu zaion ebidentzia.
* Europak eta Urruneko Europak funtsezko eragina du gure geneetan.
Euskara 2
* Bizitzeko hizkuntza izan behar du Euskarak.
* Zuhaitzaren barne izerdia bezalakoa da hizkuntza herri baten kulturan, bere izaeran, beraz iraupenean ere.
* Euskara, flotazio linea euskaldunentzat.
* Hiztunak behar dituzte hizkuntzek, eta hiztunek historia, kultura, mundu ikuskera bat.
* “Zergatik idatzi nederlanderaz...”. Munduan kokatzen gaitu euskaldunak Euskarak.