Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Eibarko periferiatik / Beste Alfa

Beste Alfa

Mikel Larreategi 2013/03/10 14:03
San Andres pasealekutik eraitsia, Torrekuan jasoa, Arrigorrin itsasora begira koloniak zituena, Isasi kaleko eraikinen sotoan ekonomatoa zuena eta Aldatzen ikastola. Sirena ere errekuperatu zuen norbaitek eta Ipuruan jarri S.D. Eibarren golak ospatzeko. Zer ez da izan Alfa eibartarrontzat?
Beste Alfa

Alfa ikastetxearen eraikina

Gaur bertan horietako toki baten ondotik pasatu naiz: Aldatze gaineko eskolatik. Igande goizeko isiltasunean, bertako frontoian pelotan jolasten zebilen baten zarata besterik ez zen entzuten. Haizearen uluekin, agian txoritxoren baten txorrotxioak, baina besterik ez.

Ni ez nintzen Alfako ikasle izan. Juan Antonio Mogel ikastolaren erakin bat zen Alfa, baina ni Iturburun ibili nintzen. Agian Alfa izan behar zen nere lekua, aita Alfako langilea zen-eta. Uste dut pare bat aldiz joan ginela Alfara klasera. Elurra izango zen arrazoia seguraski. Nahiz eta elurra egiten zuen gehienetan Iturburura bertara ere iristen ginen gu. Autobusa igotzen ez bazen oinez igotzen ginen. Leihoak itxita, pertsiana batzuk jasota eta beste batzuk jeitsita. Atzealdetik begiratu eta utzita dagoen eraikin bat dirudi. Aurretik begiratu eta ate nagusian kate berri-berri bat, funda laranja batekin atea ixten. "Propiedad Privada" kartela besterik ez da falta.

Baina Alfara itzuliz, zer dago han? Erabiltzen da zerbaiterako? Garai baten, Juan Antonio Mogel ikastolak bere ikasleak Iturburun bildu zituenean, garai hartan Unibertsitate Laboralean zegoen Hizkuntza Eskola Ofiziala Alfara ekarri behar zutela esan zuten. Gero, ordea, Ignazio Zuloaga institutura ekarri zuten, honek bere ikasleen erdiak hezkuntza erreformaren ostean galdu eta gero.

Atzetik belarrak eta zikinkeriak jango duela dirudien honetan inork inoiz pentsatu du zerbait eraikin honentzat? Erabiltzen da egun zerbaiterako? Nork erabiltzen du? Norena da?

etiketak: eibar, eraikinak, alfa, ikastola
Gari Araolaza
Gari Araolaza dio:
2013/03/11 07:38
Udan behintzat, Astixaren udalekuetarako erabiltzen dira.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Mikel Larreategi

Mikel Larreategi Arana

(Eibar, 1981). Informatikaria ikasketa eta ofizioz, CodeSyntaxen egiten dut lan Eibar.ORG bezalako webguneak egiten. Ikastolan nengoela xakean jokatzen hasi nintzen eta horretan jarraitzen dut.