Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Izan eta Esan / Fitokiller

Izan eta Esan

Fitokiller

Elena Laka 2007/04/13 15:55

Azalea (ez aza-alea) eder bat oparitu zidaten orain hilabete inguru. Zuhaitz txikitxo moduko bat da, biribila, larrosa koloreko lorez beteta, ederra. Hementxe daukat bulegoan, leiho ondoan.

Oporretatik bueltan lore guztiak ximelduta topatu ditut. Hiru egunetan hortxe dihardut, ura bota eta bota, abisatu zidatelako azaleek ur asko behar dutela. Baina iruditzen zait alperrik nabilela. Ikutu orduko hostoak jasi egiten zaizkio. Pena, asko gustatzen zitzaidan nola alaitzen zuen bulegoa, loreak zabalik, bizi-bizi.

Bulegoan baita ere, leihoan dauzkadan zuhaiskak lehortu egin zaizkit. Guztiz kaka-kolore geratu dira, gezurra dirudi, horren beste euri eginda. Lankideen leihoetakoek berde-berde diraute.

Eta bart limoiondo zuhaitxo bat oparitu zidaten etxeko terrazan ipintzeko.

Pertsona ez-egokia landareez arduratzeko.

etiketak: landare, lehor, azalea, limoiondo
leire
leire dio:
2007/04/25 20:13

Aupa, Elena

Azaleak asko gustatzen jataz, baiña gatxa da bizirik mantentzia.

Egixa da ur asko bihar dabela. Zuk beti laga ura patertxuan, azpixan. Eta osto barik gelditzen bada be, ez etsi, askotan barriro be urtetzen detse-eta.

A! eta ez ahaztu ongarrixa. Suertia desio detsut, ez da erreza izaten-eta

Andoni Miranda
Andoni Miranda dio:
2007/04/13 20:52

Jarrai ureztatzen.  Hitz egin  zure loreei xamur-xamur, maitasunez.

Patxi
Patxi dio:
2007/04/13 20:50

Eskuzabalegia ote zera? Landareei lehorteak adina kalte egiten die uholdeak.

Ni oso zalea nintzen lehen, bonsai ederraskoak ere banituen, baina oporretan danak hiltzen zizkidaten nere zaintzaileek. Batzuk egarriz, eta beste batzuk itota.



Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Elena Laka. Elena. Elenalaka. Elen. Helen. Ama. Letrada. Señora Laka. Horretxei erantzuten diet. Horretxetatik abiatzen naiz.