Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Izan eta Esan / Ama inperfektua

Ama inperfektua

Elena Laka 2010/05/02 22:47
Giro onean afaldu ostean, oheratu aurrekoak egitera joan naiz Oierrekin bainugelara

Zorriketako orratzia pasa (aste hau ehiza nagusiko sasoia izan da, baina menderatu ditugu), hortzak garbitu eta begiko tantak bota. Bukatutakoan, halako batean, besarkada bat emanez bota zait gainera, halako indarrez, komuneko tapa gainean jarri behar izan dudala ez jausteko. Altzoan estu besarkatuta neukala, hasperen egin du, eta esan dit:

- Ama, ze falta jatzu zuri?

Nik erantzuteko astirik gabe, besarkada askatu eta arpegira begiratu dit.

- Falta jatzu gauza gehixago lagatzia. Lagatzia guri gauza gehixago egitten.

Eta berriro besarkatu nau. Arpegia nire lepoaren kontra zuela, bukatu du:

- Bestela ez jatzu falta ezebe.

Piska bat gehiago egon gara estu besarkatuta, eta gero ezer esateke askatu, eta oheruntz joan da.

etiketak: ama, seme, besarkada
Ezorixe
Ezorixe dio:
2010/06/10 21:27

Ederra... Oraindino urtuta?

asier
asier dio:
2010/05/03 11:06

Bueno, bueno, bueno...! Neu be emozionau naiz eta... :-)

Elena
Elena dio:
2010/06/10 21:39

Urtuta? Jesuuuuus, honez gero hamaika buelta ere eman ditu umeak! Ama izan da berriro sorgin bat, ezer ere lagatzen ez duen hori, beti aginduak ematen ari den hori, munduko usain onena dauka hori, eta baita musurik zatarrena daukana. Etengabe muturrean bizi gara. Baina ez dut ipiniko hemen sorgina esaten didatela, askotan sinistu eta dena egiten dut-eta.

xme
xme dio:
2010/05/05 19:47

jolin, zelako gauzak esaten dizkizuten.

ezin kexatuko zara.

ramon
ramon dio:
2010/06/10 23:27

Zorionak egin dozun guraso lanagatik, ¡hori seguro¡, eta aprobetxatu ardura gehiago emoteko. Zorionak guraso bezala.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Elena Laka. Elena. Elenalaka. Elen. Helen. Ama. Letrada. Señora Laka. Horretxei erantzuten diet. Horretxetatik abiatzen naiz.