Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Izan eta Esan / AHT ez

AHT ez

Elena Laka 2007/12/17 16:05

 Asteleheneko Goienkarirako

AHT bertan behera uzteko eskatu dute milaka herritarrek Arrasateko kaleetan. Egitasmoa gelditzeko eta eztabaida pizteko gizarte mugimendua indartu nahi dutela diote antolatzaileek (…)

Biteri plazarako bidea hainbat zatitan banatuta egin zuen jendeak, eta ibilbidearen erdian bat egin zuten hainbat manifestarik denbora luzea beren borondatearen kontra errepidean geldi eman ondoren (…) «Suntsipenaren» eta «inposizioaren» aurkako oihuekin heldu zen manifestazio burua helmugara. Biteri plaza jendez lepo bete zen amaiera ekitaldia jarraitzeko”. Berria, 07-12-16.  

Gobernuak ekin die trenaren megaproiektuaren lanei. Aldi berean, zapatuko manifestazioan argi geratu zenez, herritar asko, talde ugari, ez dago ados abiadura handiko trenaren ezarpenarekin.

Gobernuak proiektuarekin aurrera egiteko arguditzen dituenak ez naute konbentzitzen, arrazoi baino, kontsigna iruditzen zaizkit.

Gehiengoak nahi duela dioenean, Legebiltzarrean ordezkatuta dauden alderdien gehiengoak oneritzia eman duelako. Ez dut uste tren honen moduko obra publiko erraldoia huteskunde orokorretako botuetan neur daitekenik. Obra publikoak aldaketa ikaragarria dakarkio herri txiki honi, lurraldearen orografian, ingurugiroan eta antolaketan, eta aldi berean, diru-morrontza inportantea Administrazioari beste arlo batzuren kaltetan. Lurraldearen kudeaketa, ingurugiroa eta zerbitzuetako baliabideak ikututua, herritarren bizitza eraginda gertatuko da. Eta hori ezin da Legebiltzarreko gehiengoaren aterkinpean sartu. Espainiako Legebiltzarreko hauteskundeetan euskal herritarrek botua emateak, ez du esan nahi herritar horiek Euskal Herriko autodeterminazioari uko egiten diotenik.

Horrexegaitik hain zuzen ez dut ulertzen abiadura handiko trenari buruzko galdeketa egiteari ezetz esate isil eta tematia. Eskubideari buruz galdeketak planteatzen badira, zergaitik ez herritarrengan horrelako eragina izango duen proiektu bati buruz?

Modernitatearen kontsigna daukagu gero. Komunitate Erkidegoko hiru hiriburuak lotuko dituen tren azkarraren alde egotea, kontra egotea baino modernoagoa dela diote. Esplikatuko didate horren arrazoia, zeren, hiriburuan bizi ez naizen herritarren gutxiengo horretako kide naizen aldetik ez diot, hiritarraren mesedetan, lurraldea suntsituko didanari abantailarik ikusten. Helburua denok hiritar bihur gaitezela ez bada, behintzat.

Eta aurka daudenen aldean egonda, ez nau bat ere lasaitzen ETA aldekide izateak. Lemoiz, Leizaran, aurrekari dauzkagu, eta ez dut inondik inora onartzen obra publikoaren oposizioaren izenean inor hiltzeari. Ezetza borobila oposizio-mugimedua kriminalizatzeko eta indarkeriari lotzeko argudio txikiena ere emateari.

 

mai
mai dio:
2008/01/18 17:58

Kaixo!
Bada gaurko euskarako argudio testurako gaia AHTn oinarritzen da eta zure artikulu honek ideia batzuk garatzera eraman dit.
Oso blog interesgarria iruditu zait, nik zinemari buruzko bati heldu diot eta primeran doakit.
www.zinematik.jakintzazu.net

ea aldaketarik egin dezakedan
artikulu interesgarrigoren bat idatzi
etabar.
pasa eta utzi iruzkin bat;)

Segi horrela blogarekin, eskertzekoa da informazio iturri erabilgarriak horren eskura izatera.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Elena Laka. Elena. Elenalaka. Elen. Helen. Ama. Letrada. Señora Laka. Horretxei erantzuten diet. Horretxetatik abiatzen naiz.

Azken erantzunak
Gai hau oso polemikoa izan arren, gure iritzia ... Cano eta López, 2018/03/15 12:14
Gure iritziz, gaia oso eztabaigarria da, kultura, ... Maiane eta Maria, 2018/03/15 12:14
Kaixo Eider, Zure iritzia irakurri dugu, eta ez ... Oihane eta Uxue, 2018/03/15 12:13
Gai hau hagitz nahasgarria dela iruditzen zaigu, ... Garazi Migeltorena eta Lizar Elexpuru, 2018/03/15 12:12
Normala iruditzen zait euskaldun bat hau ... Pablo, 2018/03/15 12:12
Artikulu hau irakurri eta gero, gure iritzia eman ... Xabier eta Mikel, 2018/03/15 12:11
Ni ados nago Ainhoa eta Mirari erraten ... Aritz, 2018/03/15 12:10
Gure iritziz, emakume batek burka eramatea ondo ... Gari ta Iparraguirre, 2018/03/15 12:10
Gu ez gaude burka erabiltzearen alde ez aurka, ... AMAIA ETA OLAIA, 2018/03/15 12:08
Testua interesgarria iruditu zaigunez gaiari ... Ayoub eta Izaro, 2018/03/15 11:57