Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Izan eta Esan / Dena ondo dago

Izan eta Esan

Dena ondo dago

Elena Laka 2006/05/03 15:57

Urte bete joan da Oierri retinoblastoma hura ikus ziotenetik. Apirilaren 19an izan zen, Aita Santu berria aukeratu zuten arratsaldean. Gogoan daukat okulistak esan zigunean bururatu zitzaidana: “hau da medikuak zure semeak minbizia duela esaten dizunean”. Sentsazio arraroa, egoeratik kanpo ikusiko bazenu bezala.

Tira, kontua da gauzak abiada handian joan zirela orduz geroztik: gaixotasunaz jabetzea, La Pazeko kontsultak, kimioterapia saioak…Dena joan zen oso azkar.

Kimioterapiak ez zuen lortu tumorea sendatzea, eta abuztuan operatu egin zuten Oier. Retinoblastoma eta begia. Ondo joan zen operazioa. Ostiral arratsaldean egin zioten eta astelehen goizean Debako hondartzan zebilen umea jolasean. Gaitza errotik kentzea lortu zuten.

Irailaren hasieran, Arrate egunez, Bilboko okularistak bere lana egin zuen, eta Oierrek ondo eta guapo hasi zuen ikasturtea.

Harrez geroko errebisioetan, irailean, abenduan eta apirilean, gaitzaren zantzurik ez da ageri. Hemendik aurrera errebisioak bost hilabetez behin izango dira. Oier primeran dago, berritsu, guapo eta alai. Dena ondo dago, pasa da ufala

etiketak: dogma
Elena
Elena dio:
2006/05/08 11:46

Eskerrik asko denoi, eta musu bana.

newton
newton dio:
2006/05/03 23:12

Ez dugu elkar ezagutzen baina pozteko ezta beharrik ere, zorionak!!! Ea dena ongi dihoan eta aprobetxatu orain datozen eguraldi onak.

Patxi
Patxi dio:
2006/05/05 13:16

Neu ere, Oier ezagutu gabe ere, izugarri poztu naiz berriarekin.

Muxu haundi bat Oierri!

Andoni
Andoni dio:
2006/05/06 14:03

Atzo, ostirala, Euskadi Irratian Mezulariak saioan entzun nuen lehen aldiz zure ahotsa. Legazpirako bidean nengoen, Bittoriano Arrazolari eskeini zioten omenaldian parte hartzeko.

Joxe Aranzabalen Faroan izan genuen Oierren berri. Zorionak, Elena!

Joxe Aranzabal
Joxe Aranzabal dio:
2006/05/07 20:03

Zorionak, Elena! Izugarri poztu nau, gainerako blogariok bezala, jakiteak dena ondo doala. Aupa Oier, eta aupa zuek.

Besarkada handi bat.

Iban Arantzabal
Iban Arantzabal dio:
2006/05/03 18:52

Asko pozten non. Ez dakin ondo zenbat. Biba!

Iban

Julen
Julen dio:
2006/05/03 19:47

Hau poza, Elena. Sarritan akordatu naiz Oierrekin, esate baterako Bergaratik pasatzean, eta benetan pozten naiz.

Muxu handi bat bioi.

iturri
iturri dio:
2006/05/03 20:01

Kaixo Elena:

Azken bolada honetan zuri e-mail bidaltzekotan nengoen, baina mezu hau irakurtzea poztekoa izan da.

Gozatu!

Serafin Basauri
Serafin Basauri dio:
2006/05/03 20:15

Ikaragarri pozten naiz. Aupa zuek!

Serafin

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Elena Laka. Elena. Elenalaka. Elen. Helen. Ama. Letrada. Señora Laka. Horretxei erantzuten diet. Horretxetatik abiatzen naiz.