Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Izan eta Esan / Denon Reala

Denon Reala

Elena Laka 2005/11/13 21:50

“Kontu Publikoen Euskal Epaitegiak berriro ere zartakoa eman dio Gipuzkoako Diputazioari, 2003 urtean Real Sociedad taldeari 9 milioi euroko dirulaguntza ematea erabaki zuelako (…). Ondorioztatzen du dirulaguntzei dagokien arautegia betetzen ez duela, eta kontsignatutako aurrekontu gabe eta arauaren kontrako prozedura bidez eman zela”. El Pais, 05-11-12.

Albiste batzuk hauts alerik txikiena harrotu gabe argitaratzen dira. Gipuzkoako erakunde gorenak mila eta bostehun milioi pezeta eman zizkion orduan Astiazaranen menpe zegoen enpresa pribatuari. Bi urte beranduago talde berak dirulaguntza halako hiruko zuloa dauka, eta hilabete batzuk beranduago, Kontu Publikoen Epaitegiak “irregultartasunak” antzematen ditu dirulaguntza-emate erabakian. Ura joanda, presa egin, esaten diote horri nire herrian. Kontuen Epaitegiak ebatzi du, baina ez du konturik eskatu. Ez berak, ez beste inork, guk dakigula. Gastatutakoak gastatuta, bueltak amari?

Kontutan izanda zenbat euro atera den Gipuzkoako zergapeko bakoitzaren patrikatik konturik bariko “irregultartasun” hau ordaintzeko, baten batek, sikiera, emango al digu azalpenik? Konturik ez, erantzukizunik ez. Garbi asko adierazi du Clemente guruak: “futbolean iraganak ez dauka ia baliorik”. Ahor klabea. Joanak joan, 2003 urtea iragana da, guztiok ortzemuga berrira begira. Reala guztiona, Gipuzkoa-arena da.

Arrazoia zuen abade hark gaur egun ateorik ez egoteaz kexu zenean. Batzuk behintzat, hankabaloia dute Jainko. Pekatu gutxiko erlijioa. Dena zilegi, dena aurrera. Lastima gipuzkoarrondako apostasiarako aukera barikoa izatea. Saiatu bestela hurrengo zerga deklarazioan dirulaguntza irregular bat eskuratzen. Eta gero iraganak ia baliorik ez duela erantsi. Zergapekoen zorren zuloaren zorabioan zaramatzakete.

etiketak:
iturri
iturri dio:
2005/11/20 12:32

"9 milioi euro eman dizkiegu gure Realari eta orain tonto jartzen da Epaitegia".

"Nor daukagu hor?"

"...."

"Telefono dei bat egin beharko dugu".

"Eta arartekoari ere dei egin beharko zaio".

"Zergatik?"

"Errauskailuaren inguruan esan dituenagatik".

"Non bazkalduko dugu gaur?"

"Juan Mariri egingo diogu bisita".

"Nire kontura".

Oharra: nire kontura esaten denean, irakurri gure kontura. Beti.

Elena
Elena dio:
2005/11/14 19:39

  • Zer moduz gaur eguna, maittia? - Ondo, erabaki dugu zure enpresari bederatzi milioi euro ematea. Patata tortila afalduko dut. - Ah primeran!. Akordatu bihar izekoren urtebetetzea dela.
Luistxo
Luistxo dio:
2005/11/14 14:06

Laster konponduko da hori. Astiazaranen taldea ordezkatu du beste talde direktibo batek. Realeko lehendakariorde berria, Maria de la Peña, Gipuzkoako Foru diputatu baten emaztea da, albiste honetan irakur daitekeenez. Orain ez du inork inor engainatuko.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Elena Laka. Elena. Elenalaka. Elen. Helen. Ama. Letrada. Señora Laka. Horretxei erantzuten diet. Horretxetatik abiatzen naiz.

Azken erantzunak
Gai hau oso polemikoa izan arren, gure iritzia ... Cano eta López, 2018/03/15 12:14
Gure iritziz, gaia oso eztabaigarria da, kultura, ... Maiane eta Maria, 2018/03/15 12:14
Kaixo Eider, Zure iritzia irakurri dugu, eta ez ... Oihane eta Uxue, 2018/03/15 12:13
Gai hau hagitz nahasgarria dela iruditzen zaigu, ... Garazi Migeltorena eta Lizar Elexpuru, 2018/03/15 12:12
Normala iruditzen zait euskaldun bat hau ... Pablo, 2018/03/15 12:12
Artikulu hau irakurri eta gero, gure iritzia eman ... Xabier eta Mikel, 2018/03/15 12:11
Ni ados nago Ainhoa eta Mirari erraten ... Aritz, 2018/03/15 12:10
Gure iritziz, emakume batek burka eramatea ondo ... Gari ta Iparraguirre, 2018/03/15 12:10
Gu ez gaude burka erabiltzearen alde ez aurka, ... AMAIA ETA OLAIA, 2018/03/15 12:08
Testua interesgarria iruditu zaigunez gaiari ... Ayoub eta Izaro, 2018/03/15 11:57