Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Telezaborra / Etb1 berreraikitzen (I)

Etb1 berreraikitzen (I)

Telezaborra 2004/10/20 04:56

Hemen dituzue ETB1 hobetzeko ni bezalako pajero batek hartuko lituzkeen erabaki batzuk.

1: Kanpoko produkzioa indartu . ETB ko arduradunek askotan esaten dute hemengo jendeak bertako produktuak estimatzen dituela. Egia da, nik neuk (normalean) nahiago dut Euskal Herrian ondo egindako telesail bat USAko bat baino. Baina arazoa zera da, Euskal Herriko telesailak amerikarrak baino askoz ere txarragoak dira. Han diru gehiago daukate, esperientzia gehiago, gidoigile hobeagoak...

Gauzak horrela, zergatik ez dituzte kanpoko telesailak erosten? Zenbat balio du, esate baterako, Martin telesailaren denboraldi bat ekoizteak? Zenbat kostatuko luke Frieds ( Smallville , OC , CSI , Seinfild , Primos Lejanos , jarri nahi duzuena…) erosteak? Ez al da merkeagoa kanpokoa ekartzea?

Lehen egin zituzten saiakera batzuk: Bosteko Familia , Paregabeko Parea (ahaztezina!!), Parker Lwuisek ez du sekula galtzen (ohar pajero bat: telesaila estreinatu zutenean protagonista Euskal Herrira etorri zen eta Jose Maria Calleja k Teleberri n elkarrizketatu zuen.) Telesail hauek onak ziren, baina denak ordutegi txarrean emititu zituzten, bat ere ez gaueko hamarretan.

Saia daitezela. Telesail on bat, ostegunero (adibidez) gaueko hamarretan. Beharbada oker egongo naiz, baina uste dut audientzia kopuru polita izango lukeela.

Bestetik, beti kexatzen dira zinemak ETB1 n audientzia gutxi duelako.... Inork CSI euskaraz ikusiko balu, errazago joko luke zinema euskaraz kontsumitzera.

2: Kalitatezko pelikulak .

Lehenik eta behin, pelikula erakargarriak. La Muerte de Mikel gehiagorik ez! Eta mesedez, jatorrizko bertsioan espainolez dauden filmak ez ditzatela euskaratu. Inork ikusi nahi al du Airbag euskaraz, jatorrizko bertsioa ikusteko aukera izanez gero? Sentitzen dut Ipar Euskal Herriko ikusleengatik...

Duela hiruzpalau urte, larunbat gauerdian, klasikoak emititzen zituzten, jatorrizko bertsioan azpitituluekin. Alternatiba ona izan daiteke.

3: Albistegiak ordutegi arruntean . Hots, eguerdikoa 15:00etan eta gauekoa 21:00. Sikiera seriotasun itxura emateko.

Gaurkoz nahiko, hurrengo egunean, gehiago.











etiketak:
mortymer
mortymer dio:
2005/10/03 20:27

oye, el finde estoy en V/G. call me, deitu.

Anonimoak dio:
2005/10/03 20:27

oker ez banago, telecincok ordu berean emititzen ditu albistegiak. niri ez zait ordutegi txarra iruditzen. Gainera, kontuan izan teleberri eta gaur egun ordutegi berean izanda, zuzeneko konexioak bietako batek bakarrik egin ahalko lituzkeela (ez dakit aditza ondo dagoen...), edo bestela albistegien egitura aldatu beharko litzateke bi albistegiek albiste bera denbora berean ez emateko... Eta azkenik, ziur egon Martin telesaila ekoiztea merkeago izango dela friends edo OC erostea baino. Hori uste dut nik behintzat. Baina FORTAk erosiko balitu...shin chan bezala....mmm, interesgarri da hau. iep 20/10/200423:17

Kalerat
Kalerat dio:
2005/10/03 20:27

Famatua egiten ari zara, zure lan onari esker. http://gaureguneditor.blogspot.com/2004/10/merezi-ez-dugun-telebista.html

bat
bat dio:
2005/10/03 20:27

Idatzi beharko zenuke publizitate tarteak jartzearen estrategiaren inguruan. Ikaragarri iruditzen zait ETB2-koa. Zer uste dute, goizean goiz ez dugula jeiki behar ala? Atzo gaueko Teleberri agurtu zuten 21:45an, eta Vaya Semanita ez zen 22:25 arte hasi, tartean eguraldia eta mila promo eta publizitate zati. Gainera, hau kontraproduzentea zela uste nuen. Beste kanaletan tarte oso motzak edo tarterik ez dute egiten, ikuslea engantxatzeko, eta behin engantxatuta, Tori publitxiskola!

telezaborra
telezaborra dio:
2005/10/03 20:27

Bat erantzuteko, ez dakit, baina apustu egingo nuke Vaya Semanita ez zela hasi Atleticen partidua (A3) bukatu arte. Hori kate guztiek egiten dute. Asteazkenetan T5n Pecado Originalek gehiago irauten du. Horrela Hospital Central-ek ez du TVE1eko futbolarekin bat egiten. Eta A3n, TV On programa jartzen dute.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Telezaborra

Telezaborra du izena blog honek. Baina horretaz gain beste gai batzuei buruz idatziko dugu: udako abestiak, atsegin ez ditugun modak, hanburgesak... Alegia, gure gizarteko eguneroko gauzak.