Albisteak

Badator Kalamuako Parlamentua

EibarOrg 2008/11/13 10:01

Bi urtez lanian egon eta gero, Eibar.org elkartekuok laster kaleratuko dogu Kalamuako Parlamentua, Eibarko historixia eta bizimodua ezagutzeko oka-jokua. Ediziño elegantia izanda be, nahikua merke salduko da (17 euro). Beraz ez dago atxakixarik: Eibarko etxe bakotxian, Kalamuko Parlamentu bat! Hille amaieran egingo da aurkezpena Portalean eta ordutik aurrera salgai egongo da.

“Kalamuako Parlamentua”, Eibarko galdera-erantzunen jokua, Azaroko azken astian egongo da kalian. Juan dan urte eta erdixan prestatzen ibilli eta gero, Kalamuko Parlamentua prest izango dogu aurtengo Gabonetarako. Oka jokuan estiloko tablero baten gaiñian, jokalarixak gure herrixan inguruko ezagupena neurtu ahal izango dabe 1260 galderakin. Gitxienez 2 eta gehixenez 24 lagunek jokatu leikie, eta gazte unibertsitarixuak nahiz eskolarik bako aittitta-amamak irabazteko aukera bardiñak dakez.

Kalamuko Parlamentua Eibar.org internet erabiltzaillien elkartiak asmatu, sortu, diseiñatu eta argitaratutakua da, Eibarko Udalan dirulaguntziakin. Hasieratik argi izan dogu joko ona egin nahi genduala, itxuraz politta, landutako galderak, berezko balixo artistikuakin, materixal onakin... urte askotarako jokua, azken baten. Honek ekarriko leukian prezio garestixa asko arindu da Eibarko Udalan laguntziari esker, eta gure helburua lortu dogu: kalidadezko jokua, edozeiñek erosteko moduko preziuan.

Kredituak:
•    Argitaratzailea: Eibar.org elkartea
•    Laguntzailea: Eibarko Udala
•    Koordinatzailea: Oier Gorosabel
•    Ilustrazioak: Patxi Argarate
•    Diseinua eta maketazioa: Zaloa Etxaniz eta Maite Rementeria
•    Galderak: Oier Gorosabel, Asier Sarasua, Leire Narbaiza, Zaloa Etxaniz, Gari Araolaza, Josu Mendikute, Maite Rementeria, Juanan Argoitia, Eneko Astigarraga, Oier Araolaza, Asier Arregi, Aintzane Agirrebeña.
•    Galderen aukeraketa eta orrazketa: Asier Sarasua
•    Zuzenketa linguistikoa: Aintzane Agirrebeña, Leire Narbaiza eta Asier Sarasua.
•    Azpiegitura teknikua: Garikoitz Araolaza
•    Gestiñua: Eneko Astigarraga

Udalak betiko dendetan salduko dau jokua, Zabaltzen banatzaillian bittartez. Halan be, Eibar.org-ekuak be salduko dogu, oingoz hónetan lekuetan:

Aurkezpen egunian Portalean.
Durangoko azokan, Badihardugun standian.
Kalian (domeketan Tupiko arkupetan tenderetia jartzeko asmua dakat, handik ez banabe bialtzen behintzat).
Internetez (atari honetan bertan)

Aurkezpena hille honen amaieran izango da Portalea kultura etxian. Datozen egunotan emongo dogu informaziño gehixago.