Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Etiam / Zorioneko Gabonak

Zorioneko Gabonak

Maite Rementeria 2005/01/03 22:45

Bukatu dira Gabonak neretzako, eta eskerrak. Datorren astian Erregeak omen datoz baina gurian amama jun zanetik ez dira barruko erropak lagatzera etortzen.

Aspaldian gero eta gutxiago gustatzen jataz jai egun hauek. Gabonetako agobioa kentzeko, orain nahi nituzke nik oporrak baina lan ere egin behar dela eta...

Egun hauetatik hiru oraitzapen geratuko jataz. Bat: errekauak egiteko karroari egindako tirakaden ostean euki nitxuan agujetak besoetan. Bi: ia-ia betirako errena laga nauen belauneko kolpea. Nori okurritzen zaio kortinak garbitzea? Nere ahizparen ideia izan zan eta hauek zintzilikatzen ari nintzela berogailuari jo eta han jausi nintzan behera. Eskerrak ohea zegoen azpian. Halere zelako moratoia! Eta hori gutxi balitz urak hartu ditu kortina demontreak eta motz motz geratu dira.

Hirugarren errekuerdo eta on bakarra El tren de Zhou yu deitzen da. Pasa dan asteko eguenian zineklubera jun ginan eta pelikula hori ikusi gendun. Preziosidade bat. Hain atera ginan txundituta, zine ostian zerbeza bat eta dana hartu gendula pelikulari buruz berbetan jarraitzeko. Inork ez omen zuen oso ondo ulertu zelan amaitu zan, Zhou yu hil ote zan, edo ez, edo norekin geratu zan, baina hori gutxiengoa iruditu zitzaidan neri.

Hain ziren ederrak irudi guztiak! Eta baita musika eta tren zarataren arteko erlazio perfektua ere. Plano guzti guztiak ziren kuadro bat bezala. Irudi bat bera ere ez zegoen sobran. Horri fotografia esaten omen zaio baino fotografia baino haratago zijoala esango nuke. Plano bakoitzaren kolore konbinazioa ere zaindua eta neurtua zegoela esango nuke nik.

Gainera, trena ere protagonista zan eta neri trenak izugarri gustatzen zaizkit. Ez dakit nere aitxitxak trenbidean lan egiten zabalako eta beti "primera klase"n bidaiatzen gendualako edo, baina umetako oraitzapen oso politak dauzkat trenarekin lotuak.

etiketak:
ande
ande dio:
2005/02/14 22:06

gabonetako gogorrena: hainbeste egunetan inguruko guztiei ondo ein ezinda ibili beharrak... jota utzi nau.

Iratxe
Iratxe dio:
2005/01/04 20:27

A ver neska/mutilok; Etik esaten duenez gabonak jadanik pasata, eta orain....... Orain errege eguna; momentua heldu zait...... erdalduntzeko momentua heldu zait... que estos garrulos no se coscan del vasquence... asin que.... venga...toos a pedir.... sin esa timidez que os caracteriza.... yo, lo que soy yo, ya he pedido, en bajito bajito; Aquí una pista..... para la Eti y para mi yo lo que quiero es un h....... para unos p..... s..........

Bruuu, bruuuuu, motorrak berotzen nire zozobra partikularretik ateratzen hasia naiz... asin que.... see you all later...

Mutxus muxutxus

eta animoooooo, hau hasi besterik ez da egin eta.

Patxi
Patxi dio:
2005/01/05 03:01

Ez naiz harritzen trenak gustatzea. Trenaren inguruan gauza polit asko biltzen dira: geltokietako ongietorriak, agurrak, ilusioak, desilusioak, zain emandako orduak... Treneko kristalaren kontra kopeta jarrita sortutako eta gozatutako ametsak, irakurritako liburuak, trakatatrakatak eragindako lokamutsak, neska edo mutil horri botatako begiradak, zure ondoan eseritako aitonari entzundako istorioak, ezezagun horri kontatu zenizkionak, beste inori kontatu gabekoak, barruko berotasuna kanpoan hotz denean; frexkura, kanpoan bero danean... Eta beste asko eta asko.

Datorren urtean garbitu berriz kortinak, eta erori zaitez gabonak hasi baino bi egun lehenago. Gozatu zure ingurukoak lanean ikusita, hankako eskaiola bukatzen dan toki horretan lotsagabe bere burua erakusten duen behatz potoloaren perspektibaz.

Tira, horrelakorik ez, baina (xxxxx... gezurretazko) lunbago koiuntural bat...

e-txaso
e-txaso dio:
2005/01/04 11:03

Niretzat arin-arin pasatu dira aurten. Gogorapen berezien artean, nire lehenengo gabonzaharretako ferixa Elgoibarren :)

Gomendio bat, Mai: joan zaitez 2046 ikustera.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna: