Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Etiam / Bukatu dira San Bartolomeak

Bukatu dira San Bartolomeak

Maite Rementeria 2004/08/29 22:29

12etan su artifizialak botako dituzte eta joan dira datorren urtera arte. Jaiak herrian pasatzea gustatzen jakuen horietakoa naiz. Hala ere, aurten parranda gutxi egin ditut. Eztarriko minez egon naiz. Jaiak hasi aurretik aire girotua topera jartzen duten jatetxe batian hoztu nintzan eta eztarriko minari buelta eman ezinik ibili naiz jai guztietan. Oraindik ere “Corleone” ematen dot berba egiten dotenian.

Bi pasadizu. Bat: txiki eguneko txarangan katalanak egiten dituzten tipoko pertsona-torreak egiteko ohitura dago Errosario kalean. Normalki mutilak ibiltzen dira baina aurten neskok geurea egin dugu. Lastima kamararik ez izatia!! Halere ezin izango naban argazkirik atera behean bait nengoen goiko neskak eusten. Ufff! Eta hurrengo egunian ze min sorbaldetan! Ze agujeta! Baina ze ondo atera zitzaigun. Hirugarren filaraino igo zan Amaia.

Eta bigarren pasadizua. Batzutan ze gutxi behar dan ondo pasatzeko. Gazteen egunian afari bat egin gendun etxian. Marmitakoa. Gero postre orduan lagun batek ponpak egiteko bote horietako bat atera zeban. Hor ibili ginan etxeko xaboi guztiak probatzen, ponpa onenak zeinek egiten zituen deskubritu arte: “Mistol”, “Fairy”, “Magno gela”, “Eroskiko eskuetako xaboia”,... Irabazlea Fairy izan zan. Ponpa bat beste baten barruan sartzen saiatu pajita batekin, zeinek handiena egin lehiaketa, zigarroaren kearekin bete eta gero zulatu, lurrera ez jausteko dantzan mantetzen saiatu,... Joko asko ematen dute ur eta xaboi piska batek. Bueno aurretik edandako ardo botilak ere izan zuten zerikusirik seguraski.

Eta bihar astelehena eta lanera. Ez dakit bihar joko daban Txarangak edo hilaren batean izango dan kalejira. Ohitura oso polit bat dago Elgoibarren: jaiak abuztu bukaeran direnez, irailaren 1ean, goizeko 7etan Mausitxa Txarangak esnatzen gaitu elgoibartarrok lanera juteko. 7etako kanpaiekin batera txapilo mordo bat botatzen dituzte eta txarangak azken kalejira egiten dau. Badut lagun bat zeharo amorratzen dala ohitura honekin: “nahikoa amorru ematen dit jaiki beharrak gainera txarangia “po...” ikutzen etortzeko” baina, neri behintzat, ilusio handia egiten dit. Eta poz pozik ez baina parretxo bat behintzat etortzen jata “para para patxun, para para patxun, para para parero, para para patxun...” entzuten dotenian.

etiketak:
Julen
Julen dio:
2004/08/30 10:44

Maite, gozada bat da zure testuak irakurtea. Segidu holan, Julen

John Whitechapel
John Whitechapel dio:
2004/08/30 13:17

Egunon Etiam,

Gauza bat besterik ez, esan duzun guztiarekin "ados" egon naiteke gauza batekin ezezik. Txaranga irailak 1en gorroto dut. Badakit usadio eta ohiturak mantentzearen aldekoak izan behar dugula guzti horrek onura suposatzen duen einean. Niri ez dit inondik inora onik egiten, are gehiago txaranga pasa aurretik beti dutxan egoten naiz, ez entzuteko asmotan baina halere dutxan begiak itxita ditudala eta gainera indar handia eginez han somatzen dut ..para para para...tatxin tatxin tatxin...eta sutu egiten nau. Ez dut esaten kendu egin behar denik, baina ez legoke gaizki, gustokoa duzuenentzat ordu konkretuan Karakate mendian elkartu eta bertan disfrutatzea. Mahoma mendira ez badoa, joan dadila mendia Mahomarena. Horrela denak kontentu. Baina ez da horrela izango eta zure afizioa ikusita lasai egon zeren ni hain bihotz onekoa izanda asteazken goizean 6 etan ( dutxa bat hartu, gosaldu eta prestatu zaitezen ) tlf-z toke bat eman eta zure bizitzan lehenengoz, txarangarakin joateko aukera zoragarrira gonbitatzen zaitut. Egunkaria erosi, besapean jarri, eta txaranga jarraitu Elgoibarko kaleetan zehar lehio eta balkoietara ateratzen diren guztiak agurtzera Corleoneren irrifarre horrekin...ahhh...diadema baduzu jarri...hobe da eta...

John Whitechapel

XME
XME dio:
2004/08/30 11:51

Beste batzuk etorriko dira.

Norberaren umorea izaten baita egitarau onena.

Corleone ahotsak igual nortasun berezia emango dizu musikarako.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna: