Gasteizko jaiak 4: txosnak, gaua eta bukaera
Kotxez hurreratu gara erdialdera eta trenbidearen bestaldean, hegoaldean, aparkatu egin dugu. Unibertsita-teko paseobidetik erdialderuntz abiatu gara, lasai asko, girotzen joateko. Paseatzea besterik gozoa da, tenpera-tura ederrean, egonean egotea nahikoa gustora egoteko.
Azkenengo urteetan unibertsitateko campusean jartzen dituzte txosnak. Inguru hau gehinbat gaueko kontsertuengatik ezaguna da baina ez da hori bertan egin daitekeen bakarra. Bertatik igaro garenean jendea afaltzen zegoen, besterik gabe, mahaietan trankil eseri eta menua aukeratu, beti-edo ogitarte zerrenden artekoa. Beste batzutan gu izan gara eguneko azken otordua bertan egin dugunok.
Kontzertu tokiak ere ohiz kanpoko itxura dauka ordu hauetan.
Erdialdeko kale nagusietan gizasemeak gure modura zebiltzan, egotaroaz gozatzen. Ikusten denez ez ziren hankabikoak falta zirenak.
Tarteka ikuskizunen bat. Suarekin jolastuz egiten direnek, sardinak erretzeak legez, aproposak dirudite kanpoan egiteko, ez da kontua teatro bat erretzea. Ikusi duzue inoiz su malabaristen ikusgarri bat antzoki batean? Ezetz ez? Banengoen ba ni!
Eta bai, gaur azken eguna da, Zeledon bueltatzen da bere dorrera eta ez da jaitsiko datorren urtera arte. Esaten dute jendea nekatuta bukatzen dituela jaiak eta deseatzen dagoela normaltasunera itzultzeko. Gezurra!! Etsita dagoenak egun bateko deskantsua har dezala eta ziur egon zaitezkete biharamunean sasoi betean dagoela atzera ere parrandan segitzeko, eta metro bateko irrifarrez. Auzi horren harira seguru ere ez dutela lagatzen halako herri galdeketa bat egiten.
Agur Zeledon! Agur! Ez ahaztu bidea datorren urtean, zain gauzkazu! Ba al dago inor zu baino maiteago Gasteizen? Bai zera!
