Arratia 3: Zeanuri
Igorren egon ginenean kartel bat ikusi genuen Zeanurin festak zirela iragarriz. Ez genuen aparteko planik, berdin zigun Pagomakurreren ostean toki batera edo bestera joatea eta, adizu, festak izanda - abuztuaren 15ean abuztuko Andra Maria- zer hoberik horra joatea baino. Herria ikusiko genuke eta giro onean.
Ez da herri handia, azkartsu ikusi liteke osorik, eta baditu etxe batzuk interesante, horietako batzuen irudiak jaso ditugu.
Jaietako ekitaldien artean hiru bat ikusi genituen:
a) umeentzako antolatutako herri kirolak eta horrelako gauzak. Arrakasta itzela, beste batzutan ere ikusi dut antzeko prestaketa umeentzako eta harrigarria da zenbat gustatzen zaien. Oso ondo.
b) futbol partidua plazan. Neska-mutilek jokatuta, elkarrekin bikoteak orpoetatik sokatik lotuta talde bat beste baten kontra (ez mutilak nesken kontra). Ondo pasa zuten jokatzen zebiltzatenek eta baita ikusten zirenek ere bai, geuk tarteko.
Bideoan ere hartu genituen irudi batzuk:
eta c) dantzaldia, musika talde bat jotzen. Guk goiztxo ikusi genuen, familia arduratsua gara eta ez gara berandura arte gelditzen. Hantxe ginela ume batzuk eta aita-ama batzuk ibili ziren saltoka. Gero beste edade batzuetakoak mugituko ziren.
