Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Lagun batek esan dit lagun batek esan diola / Artistaren definizioa

Artistaren definizioa

Julen Gabiria 2005/03/10 13:03

Maider Lopez (Donostia, 1975) artistari elkarrizketa egin diote gaur hainbat egunkaritan, Veneziako Bienalera gonbidatu dutelako. Baina elkarrizketa guztietatik, Ainara Gorostitzuk Berrian egindakoa gustatu zait niri gehien, gogoetarako aukera gehiena horrek ematen duela iruditzen zaidalako.

Artearen eta publikoaren arteko harremanaz ari da Maider Lopez, eta detaile interesgarriak botatzen ditu airera, norbaitek harrapatu nahi baditu:

Publikoak garrantzi handia du zure obran. Hari begira egiten duzu lan?

Ez, baina publikoa beharrezkoa da pieza horrek zentzua izan dezan. Interesen arabera sortzen dira ideiak, lan batek eramaten nau beste batera. Baina beste batzuetan kasualitatez gertatzen da, horiek dira niri gehien gustatzen zaizkidanak: oporretan hondartzatik bueltatu, eta bat-batean ikusten duzu ideia emango dizun zerbait. Hori gertatzen zait izan nahi ez dudan momentuan ere artista naizelako. Horrela sortu da udan egingo dudan Proyecto coches.

(...)

Horrelakoetan jendea konturatzen al da interbentzio artistiko bat dela?

Batzuek ulertzen dute, eta beste asko haserretu egiten dira. Beste batzuek diote ni ez naizela inor artista naizen edo ez esateko; nik erantzuten diet, ona edo txarra baina artista naizela, psikologo bat karrera amaitzean psikologoa den bezala.

-----------------------------------------------------------------------------------

Beltzez markatu dudan lehenengo esaldia da aspaldian artista bat zer den definitzeko entzun dudan onena. Esaldia huts-hutsean ezin dugunez testuingurutik atera, barkatuko didazue atrebentzia: negritaz dagoen lehenengo esaldi hori nolabait borobildu egingo dut (beti ere aurretik Maider Lopezek esandakoak erabiliz), nola-halako esaldi antologiko bat sortzeko. Niri, behintzat, ezin hobea iruditzen zait artistaren definizio hau:

"Ideiak etortzen zaizkit, artista izan nahi ez dudan momentuan ere artista naizelako"

Itzela. Ez dut Maider Lopezen obrarik ikusi, baina seguru nago Veneziako Bienalekoek arrazoiak soberan izango dituztela donostiar gazte hau artearen gertakari handi horretara gonbidatzeko. Seguru nago artista handia dela.

Bide batez: definizio horrek balioko ote du behingoagatik Patxitraperok artistatzat har dezan bere burua?

etiketak:
Armairutik irten gabeko artista
Armairutik irten gabeko artista dio:
2005/03/11 02:36

Nik ez nau inor artistatzat baina askotan bururatzen zaizkidan gauzak itzelak direla uste dut eta batzuetan ni ere emozionatu eta guzti egiten naiz! armariotik irten gabekoa naizela diot,zeren oso zaila da zuen kategoriara heltzea,beraz,konformatu beharko dut neure burua emozionatuz jarraitzen,pena bai zuona!

Patxi
Patxi dio:
2005/03/10 18:27

Horra bada, nere definizioa:

Artista nere ustez, gainerantzekoak baino urrutiago dijoa. Gai da beste inork sortzen ez dituen gauzak sortzeko. Egunerokotasun grixetik ateratzen gaituen horrek harritu egiten gaitu, eta gustagarria da.

Baina artistak sortzen dituenak, ez dira izaten denen gustoko. Asko askoren gustoko izanda ere, batzurentzako itsusi dira, edo zentzugabeko, edo arrunt.

Hoien aurrean, ezin esango det “artista hutsa naiz”

Ni banaiz artista. Bururatzen zaizkidan edo sortzen ditudan gauza batzuekin, emozionatu egiten naiz, eta ondorioz, “Patxi, artista hutsa haiz” esaten diot nere buruari.

Batzuk ere, harritzen zerate, eta emozionatu, eta artista deitzen didazue, eta emozio berbera konpartitzeak, asko pozten nau.

Baina beste batzuk, gutxik, askok, ez dakit proportzioa, ez dute keinu txikiena ere egiten nereak ikusitakoan. Edo normaltxua iruditzen zaie, edo zentzugabekoa.

Beraz, euskaldunon harrotasun falta erreibindikatzeko ez bada, ez espero inoiz nik inoren aurrean artista naizenik esatea.

Ordutegi jakinik gabe, goizeko bost’erdietan esnatu beharrik gabe, gustoko gauzak egitetik bizi direnak, hoiek bai artistak. Egunen batean horrelakorik lortzen badet, orduan bai. Orduan, eskilara batera igo, eta karraxi batean esango det:

ARTISTA HUTSA NAIZ!!!!

(eta ondoren... "norbaitek lagunduko al dit bigarren eskuko eskilara erren honetatik jeisten?")

Aritza
Aritza dio:
2005/03/11 13:45

Bat nator Julenegaz Aznar eta enparauen kasuan batez bere: "Gezurrak etortzen zaizkit, eta gezurti izan nahi ez dudan momentuan ere, gezurtia naizelako"

ART-aburu
ART-aburu dio:
2005/03/11 10:56

Nik ere irakurri ditut Maider Lopezeri Veneziako biurtekoa dela eta egindako elkarrizketa pare bat, eta egia esateko atseginak egin zaizkit. Zuk aukeratu eta beltzez jarri duzun zatia ere atsegin dut, artistentzako irakurri dudan definiziorik hoberena iruditzen ez bazait ere (definiziotzat harzteko ere arazoak dauzkat). Badut nik beste definizio (nere ustez) egokiago bat, baina eskura ez dudanez, ez dizuet idatziko, ez eta norena den esango ere. Ala ere, aukeratu eta beltzez idatzi duzun bigarren testua eta gero datorren urrengo esaldiak aldiz, dena hankaz gora bidaltzen dit. Ados egon naiteke karrera bukatu duena psikologoa izatearekin (estudiatu duelako da psikologo edo jarduten duelako?), bai eta kazetaritza bukatu duena kazetari izatearekin; baina ezin dut barneratu Arte ederretako karrera bukatu duen edonor artista denik, ez eta karrera egin ez dutenak artistak ez direnik, eta bere esaldian artista estudiatu duena dela iruditu zait. Artista bat beste zerbait da. Artista gutxi dago (zorionez eta zoritxarrez), ez dakit urtero leioako 5 maila bukatzen duten jende kopurua baino gehiago edo gutxiago, baina denak? Nik aurrerago aipaturiko definizio hortan, bigarren esaldi honek ez du kabidarik, eta ni oraindik definizio horrek betetzen nau, beste honek baino gehiago. Topatzean idatziko dut, bitartean zain egon. Zenbat buru, hainbat ART-aburu!!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Julen Gabiria

Ostiralez jaio nintzen, neguan eta arratsaldean, Estokolmo Sindromea lehenengoz agertu zen urtean. Geroztik, neguko ostiral arratsaldeen beharra izaten dut, batez ere udaberriko astelehen goizetan.