Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Lagun batek esan dit lagun batek esan diola / Enrique Morente

Enrique Morente

Julen Gabiria 2005/02/03 08:11

Enrique Morente (Granada, 1942) flamenko kantari handiak elkarrizketa eman dio gaur Berriari, eta gauza interesgarriak esan ditu:

Errealitatea eta artea

Ez dut ulertzen errealitatetik urruntzen den musika. Lan artistikoki polita baino, nahiago dut panfleto bat egin, maitasuna, adiskidetasuna eta gizatasuna artearen aurretik daudelako.

Mendeurrenak eta omenaldiak

Beldur hori bera dut orain Cervantesekin; hau da, ez ote garen nazkatuko mendeurrenarekin. Orain dela hiru urte inor ez zen oroitzen hartaz, eta orain egunero izango dugu platerean. Duela hamalau urte, El Quijote-ren egokitzapen bat egin nuen, baina diru faltagatik ezin izan nuen aurrera eraman; ez nuen laguntzarik izan. Aurten, aldiz, Grec-ek eta Teatro Españolek berriro egiteko eskatu didate. Ziur aski egingo dut. Baina ikusiko dugu ez ote dugun Cervantes denon artean akabatuko.

etiketak:
Gabi
Gabi dio:
2005/02/03 13:42

Enrique Morente, zein gizon handia (tamainaz halakoa ez bada ere)! Orain dela urte batzuk Euskalduna Jauregian ikusteko aukera izan nuen, benetan hunkigarria izan zen kantaldia, ez naiz inondik ere flamenkologoa, baina Morenteren kantatzeko modua, sentimenduz gainezka, barruraino sartzen den horietakoa da. Gainera gure artistarik handienarekin igo zen oholtza gainera On MIKEL LABOArekin. Amaiera ikustekoa izan zen: Mikelek Haika Mutil-en zatitxo bat kantatu, eta Morentek koplatxo batez erantzun, eta horrela Euskalduna txaloz lehertu arte. Camaron eta Xalbador baino ez ziren falta koruak egiteko. Horrek biak bai direla monstruoak eta ez pelikuletakoak!!!!!!!!

Julen
Julen dio:
2005/02/03 13:46

Aupa Gabi! ondo etorri blogera! Ni be egon nintzan kontzertu horretan. Kristona izan zan, baina kantseta nengoan, eta Morentenean lo geratu nintzan. Baina ez txarra zalako: alderantziz, kristona zalako! Hain musika ederra zan, ta hain kantseta ni, lo geratu nintzan. Eta zelako gozada izan zan musika eder ha amets artean entzutea. Gogoratzeko moduko kontzertua, bai jauna!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Julen Gabiria

Ostiralez jaio nintzen, neguan eta arratsaldean, Estokolmo Sindromea lehenengoz agertu zen urtean. Geroztik, neguko ostiral arratsaldeen beharra izaten dut, batez ere udaberriko astelehen goizetan.