Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Lagun batek esan dit lagun batek esan diola / Lizardi, beste bat zulora

Lizardi, beste bat zulora

Julen Gabiria 2006/01/20 08:03

Aritzak, liburu-dendei buruzko informazioan dudan Eztarri Sakonak, abisua pasatu dit: Deustuko Lizardi liburu-denda gaur zarratuko dute. Verdesen itxieraren berri ere berak eman zidan, bide batez esateko.

Atzo arrastian pasatu nintzen handik eta bai, gaur dute azken eguna, eta igartzen zen: denda handia izanagatik, hustu samar zegoen, baina oraindik ere liburu interesgarriak han-hemenka. Batez ere, euskarazko liburu zaharrak eskuratzeko modua aurkituko duzue gaur joanez gero: Elkar argitaletxearen literatura sailaren hasierako edizio haiek, Erein aspaldikoak, Susa hasiberriak, Literatura Unibertsaleko aurrenekoak... oraindik ere perlak daude Lizardiko apaletan. Erdaretako literaturan, berriz, libururik onenak salduta daude, antza, baina eskuratzeko moduko ale eder batzuk geratzen dira oraindik.

Eztarri Sakonak esan didanez, iturri ona baita Aritza, arrazoi nagusi bi egon dira dendak pertsiana jaisteko: batetik, lokalaren jabeak alokairua dezente igo du eta dendaren arduradunek ezin izan dute kopuru hori ordaindu; bestetik, testu-liburuen denboraldia ez omen da ona izan, Lizardi ezin izan delako lehiatu prezio merkeagoak eskaintzen dituzten merkataritza gune handiekin.

Baina iruditzen zait beste zerbaitek ere huts egin duela, eta bitxia da: Lizardi nahiko leku onean dago kokatuta, Deustuko Unibertsitatetik oso gertu, baina hango ikasle euskaldun gehienek ezagutu ere ez dute egiten, eta ez euren erruz hain zuzen. Iruditzen zait Lizardikoek ez dutela asmatu euren burua saltzen eta garai berrietara egokitzen, esate baterako, unibertsitateko ikasleentzako erakargarria izan zitekeen materialean espezializatuz. Ez espezializazioan ez euren buruei buruzko irudia saltzeko orduan, Lizardik eta taldekide dituen Kirikiño eta Lauaxeta liburu-dendek ez dute asmatu, eta hor ere egon daiteke itxiera honen arrazoietako bat. Baina beharbada asko esatea da, eta ni (aitortzen dut) ezjakintasunetik ari naiz berbetan.

Edonola ere, arrazoiak arrazoi eta taktikak taktika, beste liburu-denda bat itxiko dute gaur, eta hori beti da esanguratsua, beti da zerbaiten adierazle, eta beti da galera kulturarentzat.

Joan nahi baduzue, Heliodoro de la Torre kalean dago. Hemen duzue mapa:

etiketak:
leire
leire dio:
2006/01/20 16:43

Zorionak, Julen! Egun bat beranduago, baiña nobenarixuan barruan. Disfrutau edade barrixakin! Muxu bat

Apala
Apala dio:
2006/01/20 17:51

Gure herriko GURE GAUZAK S.A.

balaklaba
balaklaba dio:
2006/01/21 23:07

Dendariak uki ezin zaitzakeen fantasma transparentea dirudien arren, ez daramat ezer kamixetaren azpian. Gehien gustatu zaizkidan 5 liburuak -kolorea, papera, usaina eta 56. orriko lehen parrafoa - diruarekin erosi ditut, apenas 10 euroren truk. Lehen 20 eurotan zegoen "WHITMAN - POESIA COMPLETA, TOMO II - edición bilingüe" 3 eurotan atera zait! Zoragarria Andereak, Kulturarentzat, neretzat, Apalarentzat...!

Noizko hurrengo fusilamendua?

Jabi
Jabi dio:
2006/01/22 21:25

Ez ditut irakurri oraingoan iragan igandean Berrian ageri ziren "euskal editoreen" (Elkar) aieneak. Liburudendak ez ei dira zenbait argitaletxe bezain "ezinbestekoak". Klaro, eurak dendari ere badira orain. Lehiakide (ttiki) bat gutxiago.

Arrazoia ere baduzu Kirikiño-Lauaxeta-Lizardi hirurkoaren estrategia komertzial eta kalipu faltaz. Bestalde, egun Deustuko unibertsitatean euskal gaien (balizko) erosleak dozena batzuk baino ez dira, duela 20 urte ehunka ziren bitartean...

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Julen Gabiria

Ostiralez jaio nintzen, neguan eta arratsaldean, Estokolmo Sindromea lehenengoz agertu zen urtean. Geroztik, neguko ostiral arratsaldeen beharra izaten dut, batez ere udaberriko astelehen goizetan.