Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Lagun batek esan dit lagun batek esan diola / Zer da euskal zinema?

Lagun batek esan dit lagun batek esan diola

Zer da euskal zinema?

gabiria 2006/01/11 08:05

Blog honetan eta Xabierrenean nahikoa lore bota dizkiogu Jose Mari Goenaga zinegile ordiziarraren "Sintonía" laburmetraiari, ondo merezita gainera.

Aurrekoan, elkarrizketa egin zioten Berrian, eta hortik ataltxo bat aukeratu dut, interesgarria iruditu zait eta. Sarritan galdetu izan da zer den euskal zinema, edo, beste modu batez esanda eta zinemaren esparrutik irtenda, kultur produkzioan zeri jar dakiokeen eusko labelaren etiketa eta zeri ezin zaion jarri.

Bada, Goenagak argi dauka, zinemari dagokionean:

"Zinema-sormen bakoitza gauza askoren isla da, eta gure lanetan bizipenen arrastoa geratzen da. Hortaz, gure-gurea den ingurunearen isla ere badago. Euskal zinema hemen ekoizten den guztia da nire ustez. Hemen gertatzen dena erakusten ez duen zuzendari baten lana ere hemengoa da, Euskal Herrian ekoiztua bada betiere, erakutsi nahi ez izate hori ere zerbaiten isla baita. Batzuetan euskaraz sortzen da, eta besteetan beste hizkuntzatan, baina hori ere hemengo errealitate baten isla da".

etiketak: zinema, Berbak
Luistxo
Luistxo dio:
2006/01/13 14:37

Euskal zinema tostoi bat da.

urruti
urruti dio:
2006/01/13 02:25

Eta zer da ekoizpena? Money? Baina diruak badu aberririk? Eta kanpoan ekoitzi eta euskaraz egin bada filma? Aitzpea Goenagak TVEk ekoitzita Bartzelonan errodatzen badu, euskal filma da? Eta Alex de la Iglesiak Bilbon eta Madrilen errodatzen badu filma, hango produktora batekin, talde erdia Madrilen diharduten euskal teknikoz osatuta? Bai baina ez? Oscarretarako hautagai joandako Nacho Vigalondorena zer da? Bera kantabriarra (baina, Athletic-ek dioen legez, hemen "formatu da"), kortoa Madrilen errodatua, dirua Jaurlaritzarena, Kimuak-i esker... Utzi "euskal" eta bestelako berbak listoei eta oso listoei eta bakoitzak berea, idatzi, egin gidoiak, bota ideiak, eta osatu daitezela behingoan hemen gelditu eta lan egiteko baldintzak...

ptx
ptx dio:
2006/01/11 11:05

Eta? Ados, hemen egiten den guztia da euskal zinema?

Ni ez nator bat definizio horregaz. Eta uste nuen, eztabaida hoiek duela 25 urtekoak zirela. Bistan da, eztabaida mailan ez dugula askorik aurreratu, kultura eta hizkuntzaren alorrean behinik behin.

Oraindik ere, zer den "euskal" eztabaidatzen badugu.

Hemengo izatetik, hemen sortzetik, euskal-dun izatera badago alde bat.

Besterik da, eztabida gaztelaniaz edo frantsesez burutzen dugunean, argi baitugu basque edo vasco zer izan daitekeen.

Oker gabiltza, oraindik, antza.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Julen Gabiria

Ostiralez jaio nintzen, neguan eta arratsaldean, Estokolmo Sindromea lehenengoz agertu zen urtean. Geroztik, neguko ostiral arratsaldeen beharra izaten dut, batez ere udaberriko astelehen goizetan.