Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia

Lagun batek esan dit lagun batek esan diola

Babel

gabiria 2005/09/01 11:04

Babes ofizialeko etxebizitza eman diote lagun bati, eta bertara joan da bizitzera.

Duela gutxi etorri zitzaidan, esanez beste zerbait espero zuela. Bazekiela absurdoa zela, garaiak ere aldatu egin direlako, baina beste giro bat espero zuela. Batuagoa edo. "Gure gurasoek etxea erosi zutenean bezala", esan zidan: "denak herrikoak izaten ziren, edo, bestela, denak maila ekonomiko edo sozial berekoak, edo zer dakit nik...", etsita igarri nuen laguna.

Esan zidan gustura dagoela etxe berrian, baina batasuna-edo falta duela. Ez zekiela zertan, baina batasunen bat. Eta etxe hark (eta, akaso, babes ofizialeko etxe batek ere ez) ez daukala batasunik.

Duela egun bi, Euskadi Irratiko Mezularia saioa entzuten nengoela, Parisko etorkin afrikarren etxeen baldintza kaskarrei buruz hasi ziren berbetan, azken asteetan izan diren suteak direla eta. Vanessa Sanchez kazetaria aritu zen horretan. Holako batean, hasi zenean esaten afrikarrei ez dietela babes ofizialeko etxebizitzarik ematen, lapsus batean "babel ofizialeko etxebizitzak" irten zitzaion.

Orduan ulertu nuen, egia osoa argitzen duten lapsus horietako bati esker, lagunaren kezka. Babel ofizial batean bizi da.

etiketak: Belarriak erne
ANE
ANE dio:
2008/02/05 16:53

Elegantea bai, kaletik ikusi nun Vanesa.....zelako lotsa...gainera guapa dala uste du. Horrela zelan izango da kazetari ona, perzepzioa horrekin...

patxi lurra
patxi lurra dio:
2005/09/07 14:55

Hi, Xabi: Vanessa guztiak EZ dituk bardinak. Vanessa Sánchez beste kontzeptu bat dok, eleganteagoa, euskalduna,...

Oso sentsibilizauta nagok kontu honegaz.

Xabi
Xabi dio:
2005/09/06 00:45

Batasunik eza kontuan hartzen badugu, uste dut denok bizi garela Babel handi batean, ez bakarrik zure lagun horrek.

Kuriosoa iruditu zait kazetariak zein eta Vanessa izatea izena ;-)

Xabi
Xabi dio:
2005/09/06 00:47

Ops! Barka beza berorrek eta irakurleok: "zure lagun HORI"

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Julen Gabiria

Ostiralez jaio nintzen, neguan eta arratsaldean, Estokolmo Sindromea lehenengoz agertu zen urtean. Geroztik, neguko ostiral arratsaldeen beharra izaten dut, batez ere udaberriko astelehen goizetan.