Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Lagun batek esan dit lagun batek esan diola / Internet gaiztoa

Internet gaiztoa

julen 2004/10/27 02:00

Gero eta harrituago geratzen naz, komunikabideek nerabeen gaiak tratetan dabezanean, ikusten dodanean internet beti alde batetik edo bestetik agertu behar dala, txarrerako beti, zelan ez. Eta harrituta, ikustean inoz ez jakola benetako gaiari fundamentuz heltzen, eta bai holako anekdota periferikoei.

Aurrekoan, Japoniako 9 gazte euren buruaz beste egiteko geratu ziran; antza, internet bidez zita eginda (ez dakit posta elektroniko bidez edo beste moduren batez). Eta komunikabideek behin eta barriro azpimarratzen ebena horixe zan, hain zuzen: internet bidez geratu ostean, 9 gazte suizidatu egin zirala.

Atzo beste bullying kasu bat agertu zan, guztiz erlazionautakoa gainera Hondarribiko Jokinen kasuagaz. Jakingo dozue, baina oingoan neska bat da, Jokinen ikasgelakoa. Eta kasu lazgarri ha pasau ostean, Donostiko beste institutu batera eroan eben. Ba oin, Talaia institutuko ikasle batzuek abisua pasau deutsie Donostiko beste institutuko ikasleei, neska horren kontrako presinoa egin dagien. Ba beitu, oingoan be, errua internetena, messenger-ena hain zuzen.

Berrian ez da internetik aitatzen, eta eskerrak. Baina:

1) Garan: "el «acoso» prosiguió en el nuevo centro escolar porque «a través del messenger, están organizados los acosadores» de ambos colegios"

2) Deian, Garako testu bera: "el «acoso» prosiguió en el nuevo centro escolar porque «a través del messenger, están organizados los acosadores» de ambos colegios"

3) Diario Vascon: "Al parecer, éstos habrían sido contactados a través de un chat por los adolescentes de Hondarribia que también le hostigaban, quienes les habrían puesto en antecedentes de la situación y les habrían animado a continuar con el acoso" eta titularrean: "Una compañera de Jokin que también sufrió acoso es hostigada en su nuevo colegio. Ex compañeros de la menor contactaron por un chat de internet con alumnos del nuevo centro y pidieron que continuaran maltratándola La adolescente abandonó el centro de Hondarribia tras el suicidio"

4) Correon gauza bera.

Eta abar.

Esaldi hori, "a través del messenger están organizados los acosadores", makarrada hutsa da. Jakin gura neuke zer pasauko zan Japoniako gazteek edo Hondarribikoek telefonoa erabili izan balebe... edo, txarrago ondino, kalean topo eginda berba egin balebe... "Los acosadores están organizados a través del teléfono"?

etiketak:
mikel
mikel dio:
2006/02/07 03:42

bullying!!! eta zein izango da hurrengo itza?

bullying-a, oraintxe bertan jokinen "zirikatzaileei" egiten ari zaiona da!!

(bullyina, pertsona bat bere buruas beste egitera eramateari deitzen badiogu)

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Julen Gabiria

Ostiralez jaio nintzen, neguan eta arratsaldean, Estokolmo Sindromea lehenengoz agertu zen urtean. Geroztik, neguko ostiral arratsaldeen beharra izaten dut, batez ere udaberriko astelehen goizetan.