Eibar inde-Center (I)

Flap, ez zuten agindu proiektuaren ideia bat: agindu zuten proiektu zehatz bat: zentro komertziala + blas etxeberria integratuko zuen parkea. Mala fe? Pentsatu nahi dut ezetz, baina ezin dena egin da hauteskunde aurretik gauza bat esan, eta irabazi ondoren bestelakoa egin. Bestela, egitea dute kontsulta, Txontan egin zuten bezala.

Josu, niri ere aurreko proto-proiektua "politagoa" iruditzen zitzaidan, bai, politagoa, argitsuagoa, lirainagoa, eta abarragoa, bai jauna. Ez dakit ziur zergatik benetako proiektua hain desberdina den, baina suposatzen dut gure mandatariek badakitela zertan ari diren.

"Putada" ba zela esan nuen, bai noski, hobe da aurrean parke bat polit bat edukitzea, jakina, baina horrelako "putadak" hiri estu batean bizi garen gehienok sufritu egin dugu noizbait...

Hiriak biziak daude eta denborarekin aldatzen ari dira. Beharrak ere aldatzen ari dira garai batetik bestera, horregatik hiria moldatu egin behar da tokatzen den unera...

Ez dakit aukeratuta dagoen proiektua onena den, baina garaiz gaude txarto baldin badauden gauzak zuzentzeko. Ea bada alegazioekin ze gertatzen den Baina badakizu, Josu, guztion nahia betetzea oso zaila da...

Ez gara bizi gune erresidentzialean, baina ezta Maxcenter batean, zeinetan komertzioa baino ez den bertako bizitza. Hirian, komertzioen bizitasunak hiritarren ittotasuna dakarrenean... ez goaz ondo.

Denon artean irtenbide on bat? ...

Flap, aklaratu zaitez. Zure hitzak: "politikoen fotomuntaketan sinestea ere, hori dok baloria..." eta orain "Hemen oso errez esaten dira "iruzurra", "gezurra" eta horrelako hitzak, mesedez, ez dut uste gure politikoak hain "sinverguenzak" direnik". Zertan geratzen gara?????

Oierrek egin duen hausnarketa interesgarria, oso. Eta aparkalekuena, arrazoi borobila.

Bukatzeko: ez jarri dendarien edo merkatarien interesa zuen buruen kontra, hori egia ez da eta. Ez gara bizi gune erresidentzial batean, Zuen etxeko azpian hainbat eta hainbat komertzio dituzue zuen eta denon mesederako. Komertzioek bizia ematen diote gure auzoei. Denda barik gure kaleak erdi hilda egongo lirateke. Hiri bat komertzio barik, hiri kondenatua da. Horregatik Eibarkoek hiri osasuntsu bat edukitzeko zaindu egin behar dugu gure komertzioa, ez merkatarien interesagatik, bertako merkatarien interesa, Eibar herriarena delako baizik. Herri bateko garapenean kontrajarriko interesa ager daitezke, une horietan oreka bat lortzea komenigarriena da. Ea kasu honetan denon artean irtenbide on bat aurkitzen dugun...

Barkatu nire atrebentzia, baina uste dut Eibar utopiko baten bizi nahi duzuela. Leire eta Josu, "zona 0" ri buruz egiten duzue berba. Nahiko zona 0 eduki genuen gerra zibila ondoren, segur aski espazio izugarri zegoen denbora hartan ere, baina hiri batean bizitzeko Etxebizitzak, Lantegiak, Eskolak, Merkatuak eta abar eraiki behar dira. Hiriaren itxura, bakoitzak bere ideia dauka horri buruz. Azken urteotan "demoda" jarri da Eibarko Tallerrak gauza polit bat bezala azaltzea. Beno, hortik pittin bat aldekoa naiz, baina gure nortasuna bermatzeko bakarrik. Kurioso izaten zait, baina, Eibarko tallerren alde egotea eta gero hemen dena altuegia egiten dela esatea, Eibarko tallerrak espazioa lortzeko altuak izan behar ziren eta. Eibar hiri estu bat da, leku txiki eta aldapatsu batean kokatuta, ez da orduan ideia on bat eraikin altuak egitea?? Horrela parkerako espazioa lortuko genuke, etxe orratzak eraikitzen, zergatik ez??...Baina keba, hemengo jendeari Untzagako dorreak ere ikera ematen dio, jai dugu... Bada niri Untzagako dorrea izugarri polita iruditzen zait, lastima 10 pisu gehiago ez duen... Bai neuk ere Eibar utopiko batean bizi nahiko nuke

"Zona 0" aittatuta, hementxe argazki bat, zelan dagon dana hutsik: http://www.flickr.com/photos/supermendikute/2386921661/

Aupa Oier, ez nuen nahi zuri ezer leporatu, oraindino blog honetan, neu bakarrik proiekturen alde agertu naiz eta horregatik nire postetan zuri eta besteei saiatzen naiz erantzuten, ez hartu nik esaten dudana era pertsonalean... Zuk, Oier, eta baita ere Leirek gerra bat dagoela diozue, eta gerra honen ondorioz, herriaren benetako nahia ahaztuta geratu dela, diozue ere. Beno hori zuen iritzia da, nik berriz, uste dut lan izugarri egiten ari dela bai dendariak, herriko zinegotziak, eta baita beste kolektiboak ere, Eibar hiria hobetzeko. Interes asko daude jokoan eta batzutan hiria aurrera eramateko, hiritar batzuk kaltetuta sentitu ahal daitezke...Ondo dago protestatzea eta bakoitzaren interesak defendatzea, ondo dago zarata pixka bat egitea eta hedabideetan agertzea, herriko jende guztia hobeto informatuta egoteko. Horregatik oso ondo iruditu zait Blog hau sortzea. Baina gauzak ez nahastatu, Blog honetan herriko biztanle batzuen interesak defendatzen ari dira, eta ez herriko biztanle guztionak. Zoritxarrez, interes horiek garbi ez agertzeko, erabiltzen ari zarete betiko erroilu eta hitzak: Iruzurra, gezurrak, ez dakit ze mesedeak, eta horrelako esaerak... Benga ba, erroilu aldatu eta ez bota beti "errua" politiko "gezurtiei" mesedez...

Aizu flap, nik esan ez ditudanak ez niri leporatu. "Hemen oso errez esaten dira "iruzurra", "gezurra" eta horrelako hitzak" diozu. Nik ez dakit erraz esaten diren ala ez, baina nik behintzat ez ditut esan, beraz, ez etorri niregana horiekin. Gainontzekoan ez zait iruditzen nik esandakorik ukatu duzunik. Komertzialki erakargarria izan daitekeen gune berri bat sortzera doala Alfako solairuan eta herriko eje komertziala ez dadin urrundu errebalen beste amu bat jartzea pentsatu dutela. Baina horrek ez die erantzuten zuzenean Eibarrek herri bezala izan ditzakeen beharrei, baizik eta sektore espezifiko baten interes ekonomikoei. Horrek interes orokorrari mesede egin diezaiokeen? Zalantzakoa iruditzen zait. Herri erdian parke eder bat izateak baino mesede gehiago? Aparkatzeko toki zabal eta dohaineko bat izatea baino mesede gehiago? Eta aparkamentuen auzia bai dela etsigarria. Gaurko DVn: "Alertan de la falta de plazas de aparcamiento en Eibar ante el incremento de coches. (...) El Ayuntamiento de Eibar tiene registrados en la actualidad más de 13.700 vehículos, lo que supone que en los últimos años se ha producido un incremento anual de unos 200 coches y ello supone un problema para el tráfico ante el déficit de plazas de aparcamiento." Eta inork kontatu al ditu azken urteotan Eibarko erdigunetik kendu dituzten aparkamendu publiko eta dohain guztiak? Txaltxa-zelai osoa eta Ardantza artean bakarrik zenbat zientoka toki desagertu dira ba? Eta nun daude ordezkoak? Ez dago azterketa sakonik egin beharrik jakiteko zein den hirietatik kanpo dauden merkatal zentroen arrakastaren gakoetako bat: aparkamentua nahi beste eta dohain daukazula!

"Interes asko daude jokoan" diozu flap. Bai noski! Batzuk interes ekonomikoak dituzte honetan, eta beste batzuk herri atseginago bat izateko interesa daukagu. Hemen inork ez du herri osoa ordezkatu nahi, baizik eta jarrera baten edo bestearen atzean interes mota desberdinak daudela azaleratu nahi da. Eta zuk zein interes duzu? Ez duzu proiektua bera defendatzeko moduko argudiorik ematen, eta kritikak neutralizatzeko behin eta berriz tranpa bera egiten ari zara. Esan dizut nik ez didutala hitz horiek aipatu ere, zure azken erantzun hau nire mezuak bakarrik eragin du, eta hala ere, aurreko katramila biktimista bera darabilzu.

Barkatu nire euskara traketsa..."ez dut uste hain itzela denik" nahi nuen esan...

Nik uste dut Errebal Center proiektua onuragarri izango dela Eibar herriarentzat. Aurkeztu duten zentroa gustatzen zait, bakoitzak bere gustua du eta. Ez dut uste kaltegarria izango denik Errebal eta alboko kaleko biztanleentzat. Hori da nire iritzia honi buruz. Beste gauza bat da, prioektua hobetzea, eta horregatik oso ondo dirudit alegazioak jartzea eta oker dauden kontuak bihar den moduan egitea... Nirea, Eibarko herritar bat iritzia da, besterik ez, Nire Interesak?? agian behingoz Eibarren zer edo zer bukatuta ikusteko nahia edo...

Orduan zergaitik esaten duzu "Ez dut uste kaltegarria izango denik Errebal eta alboko kaleko biztanleentzat"?????? Mandatariek ez dute dena ongi egiten, eta are gutxiago herriari egia esaten ez bazaio. Denon nahia betetzea ezinezkoa izango da, baina egin ezin dena da batzuen plazarra besteen kaltearen gainean eraiki.

Beste post batean idatzi nuen gorrotakoak direla konparaketak baina badirudi ezin dugula haien faltarekin bizi. "Beste herri batzuetan espazio zabalagoak egiten dabiltza" diozu. Zein herrietan baina? Agian Bilboko Abandoibarran? Durangon edo beste horrelako herrietan? Eibar baino askoz zabalagoak diren lekuetan? Jode gure mesederako edo madarikaziorako Eibarren bizi gara eta Eibar, ba Eibar da, dagoen kokatuta herri handiegia akaso... Errealitate horri buruz egiten ari gara eztabaida, kontuz ba eta ez imajinatu Eibar birtual bat (horretarako Second Life lekuan daukagu aukera) Halaber, azken urteotan Eibarren espazio berriak lortu dugu gure aisialdirako: Txaltxa zelai ingurua, Untzaga plaza (ez zarete akordatzen behin kioskoren plaza aparkaleku moduan erabiltzen zela) eta gero eta gune peatonal gehiago dugu ere. Badakit Leire, gure mandatariek, arbolarekiko sentsibilitate eskasa erakusten dutela eta horri buruz zurekin nator. Baina Anbulatorioko parkean saiatu ziren zuhaitzak birlandatzen, baina badirudi zuhaitz gehienak "gaixotuak" zeudela, hori esan zidaten behintzat... Gero eta biztanle gutxiago dauzkala herriak diozu, gai horrek hausnarketa sakon-sakona behar du, baina nik galdera bat nahi dizut egin: Eibar zabalagoa edo txukunagoa al zen biztanle gehiago eduki duen garaian ala???

Flap, hau esan duzu:"Blog honetan herriko biztanle batzuen interesak defendatzen ari dira, eta ez herriko biztanle guztionak. Zoritxarrez, interes horiek garbi ez agertzeko, erabiltzen ari zarete betiko erroilu eta hitzak: Iruzurra, gezurrak, ez dakit ze mesedeak, eta horrelako esaerak... Benga ba, erroilu aldatu eta ez bota beti "errua" politiko "gezurtiei" mesedez..." Lehen ere esanda daukat: Amañan egiten diren onurak denondako dira, baita niretako ere. Kalteak, denondako diren moduan. Ganorazko zeozer, itogarria suertatzen ez dena, Azitangoendako zein Urkikoendako ere ona da. Nik ez dut izango etxe aurrean, Bidebarrietakoa naiz. Gainera, ez nago ziur merkataritza gune horiek dendariok uste duzuen beste onura ekarriko dituen, beharbada konpetentzia desleal asko, zuen kalterako.... Bestetik, zergatik ezin ditugu iruzurra eta gezurra berbak erabili? Hori egin dutenean. Garbi daukat: gauza bat agindu, beste bat egin. Horri nik engainua deritzot, gezurra. Berba erabiliegiak direla? Bai, baina errealitatea adierazten digute. Beste herri batzuetan espazio zabalagoak egiten dabiltza, hemen ez. Gero eta biztanle gutxiago dauzka herriak, baina dena eraikitzaileen mesede.

Fede txarra? Ez dakit. Baina konstruktora eta makro-denden mesedetan, bai. Merkatariek denetarik egingo zuten gure herriaren alde, ez dut dudatan jartzen, baina bat nator Oierrekin, hemen gerra bat egon da edota dago. Eroskiri handitzeko baimenik ez zitzaion eman, Corte Inglesen mesederako. eta orain Eibarko merkatariei kasu egiten, merkatu plazakoak baztertu eta Eroskiri mesede. Baina Eibarko merkatariok benetan pentsatzen duzue zuen mesederako izango direla monstruo horiek? Nik zalantza handiak dauzkat. Eta aparkalekuena ere oso-oso garrantzitsua da.

Neri egia esan errebaleko eraikin berri hau gustatzen jata, gainera estalita egongo den parke bat izango du (hemen iteun euriakin...ondo dau). Gañera gabaz argituta egongo da. bakoitzat bere gustuak ditu beraz batzuendako ondo egongo da ta beste batzuendako ez...niri gustatzen jata!

Herri txiki baten bizi gara, denok ezagutzen dugu elkar, horregatik oso "fuerte" iruditzen zait horrelako hitzak erabiltzea gure herriko zinegotziei kritikatzeko. Nik ez dut uste " a mala fe" ibiltzen direla, hori da nire iritzia politikoei buruz.

Beste kontu bat da "propaganda elektoralean" agertzen diren hitz eta irudietan "a pies juntillas" sinestea. Badakigu panfleto elektoraletan gauza guztiak agertzen direla "de color de rosa" ezta?... baina gero errealitatea beste gauza bat izaten da.

Nik klaro-klaro daukat kontua. Beste gauza bat da, orain eztabaidatzen ari garen proiektua, onena den ala ez...

Irakurri dut flap-ekin izan duzuen iritzi trukea eta aurretik pentsatzen nuena berretsi dut. Ni ere Errebal Center proiektu horren kontra nago. Proiektu horren atzean PSOE baino merkatari elkartea dagoela ikustarazi nahi digu flap-ek, baina hori niretzat oraindik okerragoa da. Ikus dezagun sekuentzia. Alfa botatzen da eta Corte Inglesari ematen dizkio Udalak bertako terreno onenak. Eibarko merkatariak haserre. Horiek pozik uzteko merkatu plazan nahi dutena egiten uzten zaie. Gero kontatuko duzue nahi duzuena hobe dela hiri erdian dagoen merkatal zentro bat kanpoan dagoena baino eta bla bla bla... Baina, hau bi merkatari talderen arteko gerra bat da, Corte Ingles eta Eibarko merkatari elkartea, eta Udala biei herriarenak diren lur eta eskubideak ematen! Corte Inglesik ez balego Errebal Center egingo litzateke? Ez, ziur aski ez. Beraz, horietako ezer behar al dugu Eibarren? Ba, ez ziur aski ez. Eibarren merkataritza eta ekonomiak funtziona dezan badakizue zer behar den? Aparkamentuak letxe, aparkamenduak! Errebal Center ez dugu eibartarrok behar, hori merkatari elkarteak behar duela uste du Corte Inglesari aurre egiteko. Eibartarrok nahiago dugu merkatu plaza txiki bat eta parke handi bat.

Oso ondo flap, hiri ereduari buruz eztabaidatu dezakegu. Neri ondo iruditzen zait eraikuntza bertikala, kaleen zabalera eta parkeak haunditzeko balio badezake. Hiri moderno guztietan kaleak boulevardizatzen dira, hiria ireki egiten da.

Errebalek aukera eman beharko luke erdigunea ibilgarriago egiteko. Komertzioaren onurarako, gainera.

Bukatzeko, nik ez dut esan "zona 0" uztearen aldekoa naizenik. Josu Garatek, bere artikuluan, orain sortu den gune irekia aipatu du, eta nik argazkia erakutsi, besterik ez.

Oier, Merkatariak edo dendariak ez dira bitxo berezi batzuk, Eibarko biztanleak dira gu bezalakoak. Herriko zati inportante bat, Industria eta zerbitzuak ematen diote Eibar herriari bere aberastasuna.
Badakigu kolektibo bakoitzak bere "buruari" ematen nahi dioela lehentasuna.  El Corte Ingles datorrela jakin eta gero, gure merkatariak argi ibili ziren bertako komertzioa zaintzeko.
Aspalditik Merkatu Plazan zer edo zer egin beharra dagoela bazekiten. Ikerketa sakon eta orokor bat egin ondoren, eta antzerako egoeran zeuden beste hiri batzuk bisitatu eta gero, dendariek proposamena Udalari aurkeztu zioten.
Udalan harrituta geratu ziren, gure politikoek ez zuten espero horrelako ikerketa sakon dendari batzuen partetik eta.
Ikerketa horrek, nahiz eta komertziori buruz izatea, Eibar hiriaren egoera orokorra azaltzen zuen. Horregatik aparkaleku arazoak, ostalaritza, aisialdiko zerbitzuak, eta beste gauza pila bat ikertuta zeuden.
Hortik aurrera Udalak eta dendariek beste kolektibo batzuekin "Eibar Merkataritza Gune Irekia" sortu zuten ikerketa horren azaltzen ziren ideiak aurrera eramateko.
Ideia horien artean Errebalen zentro komertzial bat egitea ezinbestekoa ikusten da, baina beste gauza pila bat ere.
Hortaz dihardute gure dendariek gaur ere, euren lanpostuak bermatzeko, jakina, baina baita Eibarko hiriari aberastasuna ematen ere.
Kontu hau, Oier, ez da bi merkatari arteko gerra bat, kontu honetan Eibarko etorkizunarekin "jolasten" ari gara, kontuz orduan. Hemen oso errez esaten dira "iruzurra", "gezurra" eta horrelako hitzak, mesedez, ez dut uste gure politikoak hain "sinverguenzak" direnik.
Alegazioren epean gaude, oraindik ez dago onartuta prioektua, ea ba denon artean irtenbide on bat aurkitzen dugun.

1. Estalitako parkea, lehen ere erabiltzea bazegoen baserritarren gunea arratsaldez. Baina, nik dakidala, sekula ez da erabili. 2. Argituta: hori ona da? Gora EcoEibar. 3. Bakoitzak bere gustuak... eta bizi-beharrak. Ez da gustu kontua soilik.

Lehen esan dut bezala nik uste dut exajeratzen ari zaretela...zer itotasuna eta zer istorioak, mesedez... Ulertzen dut zure jarrera Josu, zuk engainatuta sentitzen zara parketxo bat pentsatu duzula zetorrela ( hori garai batean esan dutelako eta hortik arrazoia duzu) baina hortik aparte analizatu proiektua objetiboki. Kendu parkea burutik Demagun Merkatal guneren ordez, etxebizitzak eraikiko dutela. Zer nolako altuera edukiko dutela etxebizitza horiek? ba segur aski zurea bezain altua izango zirela eta inork ez zuen ezertxo ere esango. Errebal kalea nola geratuko zen? ba orain kaleko zati batzuk dauden bezala, etxeak alde batean eta bestean ere. Non dago problema orduan? Itotasuna diozu, Agian orain kejatzen ari zaretenak ez zarete akordatzen baina 60. hamarkadan edo, Errebaleko hainbat etxebizitzan egin zuen "levante" bat. Bai, Errebaleko etxebizita gehienak txikiagoak ziren. Orduan ez zen egon inolako problemarik itotasunarekin... Bukatzeko, niri gustatzen zait orain dagoen proiektua, ez dut uste hain itzela izango zenik, baina posible bada zer edo zer hobetzea ba egin dezatela.

Zona 0 horrek zelako espaziua emoten detsan kaliari, ezta? Hizkuntza eskolatik bajatzen naizenian beti flipatzen dot. Zona 0 bat be Alfan egon zan, eta oin etxiak egin dittue, ertz-ertzian. Hazia bihar dogu zuluan!

Beste post batean idatzi nuen gorrotoak direla konparaketak baina badirudi ezin dugula haien faltarekin bizi. "Beste herri batzuetan espazio zabalagoak egiten dabiltza" diozu. Zein herrietan baina? Agian Bilboko Abandoibarran? Durangon edo beste horrelako herrietan? Eibar baino askoz zabalagoak diren lekuetan? Jode gure mesederako edo madarikaziorako Eibarren bizi gara eta Eibar, ba Eibar da, dagoen kokatuta herri handiegia akaso... Errealitate horri buruz egiten ari gara eztabaida, kontuz ba eta ez imajinatu Eibar birtual bat (horretarako Second Life lekuan daukagu aukera) Halaber, azken urteotan Eibarren espazio berriak lortu ditugu gure aisialdirako: Txaltxa zelai ingurua, Untzaga plaza (ez zarete akordatzen, behin, kioskoren plaza aparkaleku moduan erabiltzen zela??) eta gero eta gune peatonal gehiago dugu ere. Badakit Leire, gure mandatariek, arbolarekiko sentsibilitate eskasa erakusten dutela eta horri buruz zurekin nator. Baina Anbulatorioko parkean saiatu ziren zuhaitzak birlandatzen, baina badirudi zuhaitz gehienak "gaixotuak" zeudela, hori esan zidaten behintzat... Gero eta biztanle gutxiago dauzkala herriak diozu, gai horrek hausnarketa sakon-sakona behar du, baina nik galdera bat nahi dizut egin: Eibar zabalagoa edo txukunagoa al zen biztanle gehiago eduki zuen garaian ala??? Barkatu berriro, nire akatsak...jode aste honetan, praktikatu, praktikatu egin dut benetan...

Flap, lehengo eta behin esan oso-oso ondo zabiltzala idazten, esan irakasleari idazlanik ez jartzeko bolada batean jo eta sua zabiltzalako idaz-praktika egiten eta (nahiko nuke nik neure ikasleak horrela ibiltzea), eta ez duzula akatsez ezer esan behar, primeran zabiltza! Gramatikan ados, baina ideietan ez:-( Esan didazu Eibar den modukoa dela. Bai, badakit. Espazio asko irabazi direla. Txantxa? Jo, hor ere burruka itzela egon zen, urbanizatu egin nahi zuten eta. Untzaga? Konforme. Peatonalizazioa? hala moduzkoa. Gero? gero eta espazio berde gutxiago, gero eta arbola gutxiago. Gauzak konpatibilizatu daitezke. Egin dituzten urbanizazio guztietan ez dute jardinera kutreena ere jarri, beste herri batzuetan txaflanak ei dira tendentzia; hau da, kale batek plaza batekin bat egiten duen tokian angelu zuzenak egin beharrean, piska bat moztu angelu horiek eta zabalguneak sortu (ez dakit arkitekturaz, eta azaltzeko marrazki barik, gaziki). horrek zabal etaargi sentsazioa ematen dio inguruari. Bota eta berriak egin dituzten etxe asko lehen baxuagoak ziren, orain altuagoak. Zergatik hori? Eraikitzaileen mesedetan. Baina herriak behar du holakorik? Bestetik, aparkalekuak kendu eta kendu, baina ederto kobaratu zergak. Horrela, ganoraz aparkatu ahal izateko, bueltaeta buelta, gasolina kontsumoa handituz eta kutsatuz. Baina zertarako kezkatu? Nahikoa arbola badago Arraten eta!

1. hamarkadakoa ezin oroitu 80. hamarkadako seme batek, baina altura ematea eta kalea zabaltzea hiri moderno guztietan ematen den prozesua da. Eibarren, aldrebes: superfizie haundiagoa okupatu eta altura jeitsi. Altuerak baino, kalearen zabalerak eragiten du ittotasuna, nere ustez.

Flap, ez da zarata egitearren. Nik ez dakit zein intentzio on eta txar daukan bakoitzak hemen. Dakidana da engainatua sentitu naizela, proiektu bat guztiz sinestarazi didatela, eta nuen ilusio guztia zapuztu didatela. Gainera, hauteskundeak pasa eta gero. Eta, uste dut, hori ez dela zilegi.

Hortik aurrera, proiektu hau erabakitzeko arrazoia dago. Eibarrentzat, komertzialki, ez dut uste txarra izango denik. Baina merkatarien interesa merkatariek defendatu behar dute, eta Udalak ahalegina egin behar du interes horiek herritarren ongizatearen interesekin txertatzen. Proiektu honek merkatarien ustezko interesari baino ez dio erantzuten, eta arrazoia Oierrek modu ezin argiagoan azaleratu du.

Eta ustezko, diot, uste dudalako gune irekiek merkatariei mesede ere egiten dietela.

Inguruko biztanleentzat txarra ez denik ez esan, badakizu-eta etxe parean horrelakoa jartzea inori ez zaiola gustatzen; zuk zeuk onartu duzu, bertan bizi garenontzako "putada" dela (zeuk erabilitako hitza).