Batzarra Kultun martitzenian
Mikel Lizarralde
2008/04/26 11:42
Ondorengo mezua bidali digute Aralartik:
ARALARrek batzar batetara deia egiten die Errebal Center (Merkatu Plaza) proiektuari buruz interesa duten guztiei. Batzarra datorren asteartean Apirilak 29 Arrate Kultur Elkartean (1go solairuan) izango da, arratsaldeko 7:00etan.
Bileraren asmoa hurrengo pausoak zeintzuk izango diren zehaztea da, tartean, herritarren plataforma bat sortzea protesta honen gidaritza eraman dezan.
Atzo komentatu zenez, lurrazpian nahi beste egin dezakete, erositako 3.526 metro karratuetan, Udalari itzuli beharko lioketen %10ean (352,6 metro karratu) izan ezik.