zazpi@2007 lehiaketa eta EibarOrg
Astebete eskas falta da bozketa amaitzeko, 2007ak utzi dituen Interneteko gertakari, aplikazio eta atari onenak aukeratzeko. Urtarrila hasieran jarri zuen martxan Joxe Rojasek lehiaketa bere webgunean: zazpi@2007.
Orain arteko bozen arabera, iazko produkturik onenen artean dago EibarOrg webgune hau.
Joxe Rojas harrituta eta kexu da, mailbombing-ak goregi jarri omen duelako gure ataria.
Tira, ba. Ez diogu inori esango gure alde bozkatzeko: joan Teknopataren txokora, begiratu zerrenda, eta 7 produkturik onenak aukeratu. Baietz EibarOrg egon tartean! :-)
Aizue, aizue! Harrituta bai, baina ez kexu! Batez ere zuen gorakadaren abiadurak utzi nau ahozabalik.
Uste dut
mailbombing
hitza txarto erabili dudala: kontua da eibar.org (eta beste baten baten) gorakadak bat egin duela bete-betean bozketa orrira hotmail, gmail eta halakoetatik zuzen-zuzenean iritsitako klik andana batekin. Pozgarria ere bada hori, batzuek behintzat zerrendan agertzeko gogoa duten eta, ondorioz, zerrenda bera interesgarritzat jotzen duten seinale.Enpin, asteburua pasata publikatuko ditugu berriro bozketaren emaitzak, eta hortik 30ra arte suspensea mantenduko dugu, jejeje. Zorte on eta eskerrik asko interesagatik!