Sohütako (Zuberoa) ikastolaren aldeko Gabonetako otarreak

Zuberoako Sohütako ikastola finantzatzeko bertako produktuekin Eguberrietarako otartxo batzuk saltzen dituzte, Ahuski Otarreak. Eskualde bakoitzean bertako euskara eta kultur elkarteen bidez kudeatzen da otarre-banaketa. Gurean, Eibarko Kezka dantza-taldea eta Elgoibarko Izarra kultur elkartea dira arduradunak.

Prezioa 40 eurokoa da. Orain enkargatu, eta abenduaren erdialdean ekartzen dituzte. Otarraren edukia hauxe da:

• Ardi gazta (1Kg)
• Eztia gaztainatzea (500gr)
• “Pâté” ahate gibelarekin egina (200gr)
• Biskotx poltxa bat “artisanala”

Zuk ere eskaera egin nahi baduzu, eta Zuberoako ikastolak diruz lagundu, Kezkaren helbide elektronikora idatzita egin dezakezu (kezka@dantzan.com). Otarrea Kezkaren bulegoan (Eibarren) edo Elgoibarko Izarrarenean (Elgoibarren) jaso daiteke.

Lagun zuberotarrek esan bezala: “Züen parte hartzean bermatzen gira, esperantxa dügü hemenko moskinak ontsa gosatüko dütützüela”.