Roberto Perez, Ondo gogoan
Ondo goguan!
Berrogei urtez isildu dute
Robertoren heriotza
demokrazia benetakoak
sentituko luke lotsa
inoren alde esku hutsian
erabiliaz ahotsa
armarik gabe zihoan arren
jaso zuen bala hotza
egun horretan erdibittu zen
aita t´amaren bihotza
Berrogei urtez isiltasuna
erraietako samiña
lagun artean arindu zaie
etxekoei bihotzmiña
hauek badute aintzinatikan
oroimenaren premiña
sufridu dute eta ez gutxi
beste hainbatek adiña
biktima zein den aukeratzeko
nork jarri du esamiña?
Hara Roberto borrokalari
libertadeen laguna
adiskideok nahi dugu sortu
oroimenaren eguna
ekin ta ekin jardungo dugu
zaittian zu ezaguna
geroa, behintzat, izan dedila
gaurkoaren oihartzuna
ta etxekoek jaso bezate
dagokien begiruna.