Olioa birziklatzeko, Rialto parera
Asier Sarasua
2008/02/29 10:05
Orain arte Errebalen jasotzen zuten erabilitako olioa. Errebaleko lanak direla eta, hemendik aurrera Rialto parean jasoko dute, hileko lehenengo eguaztenean.
Birziklatu!
Erabilitako olio birziklatzeko ontzirik ez dago Eibarren. Horregatik, hilean birritan, batu egiten dute mankomunitateko langileek. Orain arte Untzagan eta Errebalean izaten zen bilketa. Datorren astetik aurrera, Untzagan eta Rialton.
- Rialto parean, hileko lehenengo eguaztenean.
- Untzagan, hileko bigarren eguaztenean.
Orduketa: 9.00etatik 13.00etara.
Ezagun da: lan-orduketa berezia izan behar da birziklatu ahal izateko.
Birziklatzeko eraman daitezkeen beste zenbait gauza
Olioaz gainera, beste hainbat gai ere laga daitezke birziklatzeko:
- etxetresna elektrikoak
- erradiografiak
- telefonoak
- bateriak eta pilak
- bonbilak, fluoreszenteak...
- ordenagailuak, disketeak, tonerrak, gailu informatikoak...
2007an zehar, guztira, 4000 litro olio birziklatu ziren Eibarren.
Albistegiaren RSS jarioa
Primeran Asier, nik ere pentsatu dut eibar.org-era ekartzeko albistea zela, informazio interesgarria eta ez behar bezala zabaldua delako!
Olioarena garrantzitsua da, baina zerrenda osoa ere bai, ni behintzat askotan egoten bainaiz zenbait hondakinekin zer egin jakin ezinda. Telebistako aginterik ez dut inoiz bota, baina horiek ere jasotzen omen dituzte.