Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Albisteak / "Martixan 30 urte". J.M. Gisasola "Trunboi"ren bertsoak torturaren inguruan

"Martixan 30 urte". J.M. Gisasola "Trunboi"ren bertsoak torturaren inguruan

EibarOrg 2011/01/24 11:47
Trunboi datorkigu hiru bertsokin, oin dala ixa 30 urteko gertakizun latzak gogoratuz. 1981 urteko otsaillian 30 urte Joxe Arregi torturaz hil ebena; handik egunetara torturatu eben gure Trunboi be.
"Martixan 30 urte". J.M. Gisasola "Trunboi"ren bertsoak torturaren inguruan

Irudia: Berria.info

MARTIXAN 30 urte

I
Hogetamar urte juan dira
ezingo dau ahaztu baiña,
sasoi haretan sufridu ebanak
estaduaren hazaiña
Arregi hil zeben lehenengo
emongo zetsen guraiña
bakardadian neurtuko zeban
min sakon haren tamaiña
torturia dabe eskeintzen
askegurian ordaiña
politiko, prentsa, elizak
hau estaltzen lan bikaiña
noiz hartuko detsagu behingoz
injustiziari gaiña?
iñoizko baten sartu deiñian
demokrazian España.

II
Hogetamar urte honetan
gauzia ez da aldatu
lehengo lepotik dake burua
ezin da hori ukatu
herri hau gura dabelako
kate zaharretik askatu
torturiaren burdingorixaz
millaka dabe markatu
bañerako ur zikiñetan
karterua akabatu
tolosar bixak ebaindu eta
karepian lurperatu
siñistu nahi bada ez bada
demokrazian da gertatu
alde bakarrak bihar ete dau
gaur barkamena eskatu?
 
III
Guzurtzat jo dabe batzuek
tartian, gure herrixan
udazkeneko pleno batian
geratu zan agirixan
“hala balitz be, ondo dago”!!!
batek han min emon nahixan
ez dakixola tokau berari
egotia hor azpixan!!
hotz hotzian torturatzen da
kuartel ta komisarixan
inpunidade osoarekin
estaduaren kerizan
halakorik ez da izango
datorren sasoi barrixan
justiziazko bakia erne
deiñian Euskalerrixan.

Doiñua: Martxa baten lehen notak
2011-01-20

J.M. Gisasola, "Trunboi"

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna: