Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Albisteak / Ikastolak 50 urte: Mahai-ingurua eta bideo-emanaldia

Ikastolak 50 urte: Mahai-ingurua eta bideo-emanaldia

EibarOrg 2010/03/11 08:19
Gaur, martxoak 11, 50 urte bete ditu Eibarko gure Ikastolak, Juan Antonio Mogel Ikastolak. Urteurrena ospatzeko, Untzagako zaharren egoitzan mahai-ingurua izango da arratsaldeko 7etan. Eta mahai-inguru horretan bertan Ikastolaren sorrera laburbiltzen duen 20 minutuko bideoa ere botako da.

Eibarko ikastola 1960. urtean sortu zen. Hasiera batean, erdi-klandestinitatean, "Academia Urco" izenarekin. Lehenengo klasea 1960ko martxoaren 11an eman zuen Mari Tere Munduate andereñoak Bidebarrietako etxe batean. Harrezkero, eta batez ere ikastolako gurasoen bultzadari esker, gutxinaka-gutxinaka handituz joan zen, Eibarko ikastetxerik garrantzitsuenetakoa bihurtu arte.

Ikastolaren historiaz hitz egiteko eta, gehienbat, hasierako urteen inguruan berba egiteko, mahai-inguru irekia izango da gaur arratsaldean Eibarren. Untzagako zaharren egoitzan arratsaldeko 7etan. Mahai-inguru irekia izango da, bertaratzen diren guztien artean esperientziak eta kontu zaharrak trukatzeko. Gainera, ekitaldiaren hasieran, ikastolaren sorrera laburbiltzen duen bideo txiki bat ere botako da.

Informazio gehiago:

 

etiketak: , ,
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna: