Gaztetxe berria ireki da
Eraikin albotik pasatzen denak (Karmeliten elizaren alboan) gaztetxea sortzearen kartelak ikusiko ditu, baita han elkartuta dagoen gazte taldea. Herriko beste tokietan ere jarri dituzte ekintzaren inguruko pankartak.
Kalean pasatzen diren hiritarrei azalpen testutxo bat ematen diete gazte hauek:
Kaixo auzokide!
Duela urtebetetik orain arte kalian biltzen egon garen gazte talde bat gara. Gure nahiak eta proiektuak aurrera eramateko espazio baten biharrian, urtietan hutsik eta hilik egon dan lantegi honi (Cadenas Iris) bizitza ematia pentsatu dogu.
Gure kabuz gestionatuko dogun espazio bat nahi dou, erabakixak danon artian hartuko dittugun eremu bat, gure sormena garatzeko, ekimenak aurrera eramateko, ilusiñuak gauzatzeko eta herriari gauza berrixak eskaintzeko gaztetxe bat bihar dogu.
Hau dena aurrera eramateko, ezinbestekoa ikusten dugu inguruarekin hartu-eman bat eukitzia eta errespetuz jokatzia.
Horregaitxik edozein duda edo ekarpen eukiz gero, gerturatu beldur barik, eskertuko dogu eta.
Gure ametsak gauzatzen saiatuko garelako... Laisterarte.
Jakina da aurreko gaztetxea handik nahiko gertu, Asua-errekan egon zela eta duela urtebete inguru eraikina hustu eta bota zela.