Albisteak

Euskal Jaiak 45 urte egingo ditu Eibarren

Eibarko Klub Deportiboa 2010/05/19 15:09

Aste honetako ostegunean aurkeztuko da Eibarko Klub Deportiboko lokaletan Euskal Jaiaren edizio berria. Ekitaldia arratsaldeko 18.30etan hasiko da eta bertan izango dira Mariano Luke Deportiboko Kultur batzordeko ordezkaria, Enrike Izagirre Kezka Dantza Taldeko ordezkaria, Arrate Kultur Elkarteko ordezkari bat, Mikel Larreategi Deportiboko presidentea eta Udaletxeko ordezkari bat.

1966ko Euskal Jaiko kartela

Euskal Jaiak 45 urte egingo ditu Eibarren. Goseren kontzertua eta dantza ikuskizunak maiatzaren azken asteburua
ardatz izango duen programan. Hurrengo domekan, hilaren 23an, “Aurrez-aurre” dantza ikuskizunarekin hasiko den Eibarko 45.

Euskal Jaiak 27tik 30era arte biziko du egitarau osotuena. Eibarko Klub Deportiboak antolatzen duen programaren barruan, 27an Kalamuako Parlamentuko lehiaketa izango da jokoan; 28an urteroko Kalian Jolasianekin batera, Arrasateko Gose taldearen kontzertua izango da Untzagan; 29an goizeko Artisau eta Baserritarren Azokari jarraituz, herri-hirolak eta bertsolariak izango dira eguerdian, Eskolen Arteko IV. Herri-Kirol lehiaketarekin batera eta, arratsaldean, Bertso-Triki Herri Parrandaren ostean, Kantu Afariak eta erromeriak biribilduko dituzte eguna; 30ean, amaitzeko, Euskal Jaiko kalejira egin eta Ezpalak dantza-jauzien nazioarteko jaialdiaz gozatzeko aukera izango da. Azken egun horretako Herri Bazkariaren atzetik, egingo den erromeria eta larrain-dantzarekin amaituko da aurtengo Euskal Jaia.

Zapatuko Kantu Afarirako eta domekako Herri Bazkarirako txartelak salgai daude, 14 eta 20 eurotan, Deporren eta Kultun hilaren 23ra arte.