Albisteak

Asteburu honetan Amañako jaixak

EibarOrg 2010/07/02 08:51

Asteburu honetan hasiko dira Amañako jaixak, Eibarko auzuetan barrena eitten diran jaixen artian ezagun eta haundixenak. Aurten be ekitaldi-sorta borobila antolatu dau Amañako Jai Batzordiak: musikia, jolasak, bertso-afarixa, paellada erraldoia... Jaixak gaur bertan hasiko dira, barixakuan, umiendako jolasekin eta Soziedad Alkoholika taldian kontzertuakin (Norman eta Piperrak taldiekin batera).

uztailak 2, ostirala

• 19.00. Jaietako txupinazoa, Miguel de los Toyos Eibarko alkatearen eskutik.
• 19.00. Kalejira, Tolosako Oria txarangarekin.
• 19.45. Jokoak eta ikuskizuna, Gorriti eta bere abereekin: ponyak, astoak, basurdeak, bigantxak, txerrikumeak...
• 21.00. Entzierro txikia.
• 23.45. Musika kontzertu potentea, Norman, Sociedad Alkoholika eta Piperrak taldeekin.

uztailak 3, larunbata

• 12.30. 350 bat lagunendako paella erraldoiaren prestaketa, Amañako plazan.
• 14.15. Herri bazkaria. Menua: paella, ura, ardoa, freskagarriak eta postrea.
• 16.30. Jone Uria eta Miren Gisasola trikitilarien emanaldia, Amañako plazan.
• 17.15. Umeendako jokoak, Gorriti eta bere abereekin.
• 19.15. Herri kirolak. Harrijasotzaileak: Iñaki Perurena eta honen seme Iñaxioren erakustaldia. Aizkolariak: Fausto Mugertza, altueran egindako mozketan. Angel Arrospide eta Fausto Mugertzaren arteko desafioa: 70
zm.ko enbor bi moztuko dituzte, bat horizontalean eta bestea zutik. Txingak eramatea: Juanjo Agirregabiriaren erakustaldia.
• 21.00. Entzierro txikia.
• 23.15/00.30. Helduen danborrada, Elgoibarko Mauxitxa txarangarekin.
• 00.00. Su artifizialak, Pirotecnia Zaragozanarekin.
• 00.15. Danborradak jarraituko du Amañako plazan. Omenaldia Su Ta Gar taldeari 20 urteko ibilaldia egin dutelako euskerazko musikaren alde lanean eta Euskal Herria bihotzean eramanez.
• 00.45. Berbena, Zaragozako Oasis orkestarekin, ikuskizun paregabean.

uztailak 4, igandea

• 11.00. Meza, Amañako parrokian.
• 12.00. Salda eta txorizoa bildutako guztientzat, Amañako plazan.
• 12.30. Umeen danborrada, dorreetatik Amañako plazaraino, Tolosako Oria txarangak lagunduta. Amaieran, ogitartekoak eta freskagarriak izango dira parte-hartzaile guztientzat.
• 13.30. Lorontzi lehiaketa, sari askorekin, Amañako plazan.
• 16.45. Umeendako jokoak, sorpresa eta opari mordoarekin.
• 18.00. Txirri, Mirri eta Txiribiton Junior pailazoen emanaldia, Amañako plazan.
• 19.15. Umeendako txokolate-jana, gailetekin.
• 19.15. Kale-antzerkia, Zangunago antzerki taldearekin. Ikuskizuna: “La Mecánica de la Naranja”, barre asko eragingo duena.
• 20.15. Nafarroako jotak, Alma Navarra taldearekin.
• 22.00. Jai-amaiera, txapligu jaurtiketarekin.

uztailak 9, ostirala

• 21.30. Bertso-afaria, Unai Iturriaga eta Igor Elortza bertsolariekin. Caserio jatetxean. Ticket-ak bertan salduko dira.

uztailak 11, igandea

• 11.00. Auzoan hildakoen eta eibartar guztien aldeko meza, Goruntz abesbatzarekin, Amañako parrokian.
• 13.30. Autobusen irteera Krabelin jatetxera, han egingo den Amañako jubilatuen bazkarirako.
• 14.00. Jubilatuendako bazkaria, Amañako sozietateen (SCR La Perla, SCR Amaña eta SCR Urko-Azpi) eta Amañako Euskadiko Kutxaren laguntzarekin. Krabelin jatetxean. Omenaldia egingo zaio orain dela gutxi hil den Miguel Angel Basurko Amañako parrokoari.