Blogista euskaldunen topaketa Elgetan

Blogista euskaldunen topaketa deitu dute. Elgetan, Espaloia Kafe Antzokian, apirilaren 17ko arratsalde-iluntzean. Blogs & Beers elkarretaratzea. Deialdia hemen eta baita topaketaren orri ofiziala.

Deialdi honekin bat egiten du Eibar.org elkarteak, Arrateko Amak uste baitu bat-egite honekin bere zaintzapeko blogarion borondatea adierazten duela.

Blogari batzuen artean komentatu izan da kontu hau azken asteotan (duela aste batzuetako eibarnauten afarian ere irten zen gaia), eta Espaloiak, Elgetako Kafe Antzokiak, hartu du ekimena bere gain, bere gunea ere bloga da eta; gainera, Eibar.org elkarte honetatik sortua, Iban Arantzabal Elgetako eibarnauta eta gure zerrendakidearen ekimenez.

Blogs & Beers elkarretaratzeak egiten dituzte munduko blogariek, beren blogosferako kontaktu digitaletatik munduan benetan elkartzera igarotzen direnean. Hortaz, euskaldunon blogosferako lehen Blogs and Beers antolatzeko deia da hau.

Blog euskalduna dugunok, elkar ezagutzeko eta elkarrekin egoteko aukera bat. Ez besterik.

Zabaldu deia, idatzi zuen blogetan, jakinarazi beste blogariei, eta trackback egiteko aukerarik baduzu, hona ere egizue: http://www.espaloia.com/53/tbping