Eibarrerako telebisten lizentziak banatu dittu Jaurlaritzak

Eusko Jaurlaritzak lekuko telebisten lizentziak banatzeko lehiaketa kaleratu zuen orain dela hilabete batzuk. Euskal Herria 15 barrutitan banatu, eta bakoitzean 4 lizentzia banatu ditu. Gaur kaleratu da banaketa, eta Eibarren eskatutako guztiek jaso dute lizentzia, tartean, Hamaika telebista. Euskara hutsezko katea bat ziurtatu da.

Hauek dira lizentziadunak:

• Arno Ikusentzunezkoak S.A. (Hamaika Telebista eta eskualdeko euskara elkarteak)
• Gipuzkoa Televisión S.L. (Localia)
• KTB, Kate Berria, S.L (Vocento)
• Grupo de Medios Audivisuales de Gipuzkoa (Localmedia)

Onartutako lau proiektuen artean hiru talde handi daude: Prisa-Localia, KTB-Vocento-PuntoTV, eta Grupo de Medios Audiovisuales de Gipuzkoa. Laugarrena, Arno Ikusentzunezkoak, eskualdeko euskara elkarteak (gehienbat Eibarko ...eta kitto! eta Elgoibarko Izarra), eta Hamaika Telebista enpresaren artean hitzartutako proiektua da.

Guztira, EAErako 89 eskaera aurkeztu ziren eta hasiera batean 81 onartu zituzten. Azkenean 57 lizentzia eman dituzte.

Hamaikak eta Vocentok eskatutako lizentzia guztiak jaso dituzte (15 eta 12). Euskaltelek eta COPEk, ostera, ez dute lizentziarik lortu (6 eta 4 eskatu zituzten).

Informazio gehiago Sustatun eta Berrian.