www.armia-eibar.net
Gaur goizean aurkeztu da prentsaurrean Eibarko armagintza museoaren webgunea: www.armia-eibar.net
Eibarko Armagintza Museoaren proiektuak ia-ia 100 urte ditu. Aspalditik dator gure herrian armagintzaren inguruko museoa eraikitzeko gogoa eta asmoa. Azkenean, azken urteotako lanaren ondoren, aste honetan irekiko da Museo berria, AYA arma-lantegian, gaur egun Kultura etxe eta Museo bihurtuta dagoen eraikinean.
Museoak ateak ireki aurretik, baina, webgunea aurkeztu dute gaur goizean Nerea Alustiza zinegotziak, Marina Barrena museoaren arduradunak, eta Amaia Trebiño prentsa arduradunak.
Museoa bera ostegunean irekiko dute, arratsaldeko 19.00etan egingo den inaugurazio ekitaldian, eta asteburu guztian zehar ateak irekita izango ditu, eibartar guztiok doan museoa bertatik bertara ikusi ahal izateko.