Iñorentzia da bere burua sozializatzaille eta ezkertiartzat dakan hirigintza batzorde buruak udal batzarrari eskatzen detsana: "Merkatu plazaren terrenuak eragille bati saltzia" (eurak promotoria deitzen dabe oiñ arte kontratistia zana) bertan garajiak, merkatua, jatetxia eta eztakitt zer gehixago egin deixan. Terrenua jabetzan emon barik ezin leike hori guztiori egiñ ala?.

Zelan izan leike gehixena ezkertiar dan udal batzarrera holako gai bat eruatia jakiñian atzera botako detsela?

Terreno hau igestik hona milloi t'erdi merkatu ei da herrixaren erdi erdixan. Ez dago hau irentsiko daben amaren semerik, eta ez jako iñori kolorerik aldatzen.

Urtiaren azkeneko KPI-n eragiñik baleu honek jaitsierionek, datorren urtian alogerak eta zahar-arrandak gora egin biharrian norberak ordaindu bihar ugazabari.

Igezko salneurrixan emongo balebe, Astelena erosteko dirua eukiko leukie; eta holan, ostera, astuaren putza.

Bueno, irakurle, hainbeste iñorendu, sozializatzaille, merkatu, eragille, KPI, Astelena eta egin doten morokilla ez badozu aittu, irakurri barriro patxadaz, ze neuk eskatuko detsat Arrateko Amari pazientzia kurutza hau eruateko.

Gure aurretikuak garaixan garaiko biharretara amoldatzen jakin zeben moduan, jakin nahi neuke gaurkuok zertara amoldatzen ete dihardugun. Urreko garaixak dira, tallarrak handahemen arkitektura edar batez jantzitxa sortzen ziran eñian, urjentzietako urbanismo ero batek, gerra osteko Eibar ber-des-itxuratzen zitxuanekuak. Baña…hura bizitxasuna! Eta nere inguruko garaikuok halakotxia ezagutu dogu, eta halakotxe jakin dogu maitxatzen. Eta halakotxia da azkeneko urtiotan buruan darabidan penaz eta inpotentziaz buztitxako ardura hau. Akordatzen naiz plan estratejikua aurkeztu zanekua, eta herritxar, soziedade eta herri-taldiekin billera informatibuak eitxen ziranekua, eta... Nun hegoan eta nora bidian… Etxe-Gorrixak gorritxasuna berreskuratu zebanetik ez dot ordukorik iñun topatzen. Eskillara mekanikuak besterik ez, eta etxiak altuak, altuegixak, eta espaloiak eta parkiak neri kontautakuak baño txikixaguak, txikixegixak. Eta azkena, gure Plazia. Nun hago! eta Errebal-Center doiala… Baña lehengo lepotik zer? kalia, plazia eta herritxarrondako aire eta lekuan truke, metrokuadrao komerzialak: Errebal-Center!!… Ieup! Hara oiñ: “Zona 0”. Gure basarritxar eta dendarixendako balira sikera!!! Coliseua be honetxen keizpera makurtatuta. Baitxa neu be. Inde-CENTER. Gañera! Ikusiko dozue, ikusiko dogu.