Lehenengo bietan egon nintzen eta hemen kontatu nuen (2005eko lehenengo eta 2006koa ondoren). 2007koan pira egin nuen Alaznek gogoratuarazi zidan bezala, eta 2008koan, joan den otsailaren 23an, hantxe bildu ginen berriz. Iturburun 8 urtian zihar alkarrekin ibilittakuak.

Asko egunero edo behintzat sarrittan kalian alkar ikusten dogunak, beste batzuk ixa pistia galduta dakarazenak, baina Iturburuko 8 eta eskolaurreko 3 urtien ostian, zeozer geldittuko zan gure artian, ala?

Aurten ez neban argazki kamararik eruan, Ecenarro ibili zan han kamara batekin, baina ez dakit ba, 2005eko erretratuen zain nago ondiokan...

Aurrekuetan moduan (2007kuan ez, ez nintzan egon-eta), zerrenda pasatuko dot. Ia holan Google-en bidez bateron bat gehixago heltzen dan honaino.

1. Iñigo Agirregomezkorta
2. Gorka Amillategi
3. Gorka Apellaniz
4. Mikel Arregi
5. Mikel Arrieta
6. Arkaitz Astigarraga
7. Miren Azurmendi Pira
8. Haritz Bergara Pira
9. Unai Campo
10. Jon Etxaide Pira
11. Miren Ecenarro
12. Iker Garate Pira
13. Ixone Gomez 
14. Miren Guridi
15. Miren Ibarbia
16. Mikel Iriondo
17. Eneko Iriondo Pira, Argentina inguruan ondo ibiliko da...
    
18. Ibon Izquierdo
19. Mikel Larreategi
    
20. Ekaitz Lizundia Pira
    
21. Endika Markina Pira
22. Oihana Oregi Pira
23. Alazne Pujol
24. Gorka Suinaga (goian bego)
25. Eneritz Txurruka Pira
26. Mikel Urkiaga Pira
27. Eider Uzkudun Pira
28. Unai Vitores

Afarixan zihar, Ibarbiak, Iturburun Begoña Baroja irakaslian eskutik kantatzen genduzen bertsuak ia ordenadorian nekazen galdetu zestan. Ondo akordatzen zan Miren, Instituto garaixan Iturburuko kuadernuak eskatu netsazela eta harek kuadernuetako bertsuak ordenadorera pasau nittuala. Ba bai, ordenadorian dakaraz, eta hamenditxik bajatu zeinke artxibua.

Bertso horretan, San Andres jai batzuetan, Iturburun kantau genduzen batzuk falta dira, baina Google oso ahaltsua danez, topau dittut harek be. Bi doinu desberdinetan kantatzen ziran eta holan ziñuen lehenengo bi bertsuek:

Galerianoren kantua

Mila zortzi ehun ta hamabortzgarena
ni Hazparnen preso hartu nindutena
pluma gaineko premu orok dakitena
galeretan higatu beharko naizena...

Kantatzera nihazu alegera gabe,
ez baitut probetxurik trixkaturik ere;
nehun ebatsi gabe, gizonik hil gabe,
sekulazko galereak enetako dire...

Osorik irakortzeko hamen lotura bi: Euskal Poesiaren ataria eta Aikor.com.

Eibar.ORGeko beste blogari bat be han ibiltzen zan gurekin bertsotan, aldameneko klasian be Begoña Barojak emoten zittuan-ta euskerako klasiak. Mikel, akordatzen bertsoren batekin?

Arratsaldean lanetik irten eta Klubera joan naizenean, bidean gauza arraroak ikusi ditut. Eta ez zen denda guztiak itxita zeudelako, ez baitut sentsazio hori eduki, baina bai toki jakin batzuetan gauza ez-ohikoak ikusi ditudalako baizik.

Lehenengo eta behin, Julian Etxeberria kaleko La Caixaren bulegoak pertsiana guztiak beheraino itxita zituen. Geroago, etxerantz joan naizenean Urkizuko Kutxaren bulegoak ere pertsiana beltzak beheraino jeitsita zituen, barruan dauden kutxazainetarako sarbidea itxiz. Errebal kalean dagoen BBVAren bulegoan ere pertsiana zuria beheraino jeitsita zegoen, kutxazainerako sarbidea oztopatuz.

Greba? Ez ! Erasoen beldurra. Eta zergatik ba? Ba hemen, Euskal Herrian, ohiko bihurtu delako protesta politikoak kutxazainak eta autobusak erretzen edo zabor bilketako ontziak errepide erdian egitea.

Askotan neuk ere eduki izan dut Institutuan nebilela eta baita Unibertsitatean nengoenean Josuk duen sentsazio bera. Ez dugu geure kabuz pentsatzen.

Horrelakoak gara.

Behin komentatu nuen nolakoak ziren Euskal Xake Federakuntzaren bilerak, baina asteburu honetakoak oso atzean utzi ditu gainontzeko guztiak.

Jendea ez da Euskal Xake Federakuntzaren Batzar Nagusira joaten. Arrazoiak mila izan daitezke, baina niretzat nagusia, urtean batzar bat bakarrik egiten dela da, eta berau, derrigorrez, luzea izan behar da, eta ondorioz aspergarria. Asteburu honetan, ez gara aspertu behintzat.

Urtean bilera bakar bat egitean horrelako gauzak gertatu ohi dira eta aurtengo bilera baino hamabost bat egun lehenago, deialdiarekin batera, iazko Ohiko eta Ez-ohiko Batzar Nagusien aktak jaso nituen. Irakurri ostean ez-ohiko Batzar Nagusiaren bileran akats nabarmen bat ikusi nuen. Federaziora e-postaz abisatu eta igandeko Batzarrean aktak irakurri bezain laster, beste batzarkideei jakinarazi nien. Hitz egin banuen, hitz egin nuen. Ederra montatu zen: hori ezin dela horrela egin, "fede onez" egin zela Eusko Jaurlaritzak, aktan agertzen zena eta gertatu ez zena, eskatu zuelako, orain atzera egitea gure akatsa ezagutzea eta ondorioz "tontoak" izatea izango zela, eta abar luze bat.

Berehala arabar batek han esandakoa horrela bazen epaitegira joan eta atzera botako zutela esan zuen eta orduan hasi zen eztabaida. Ia ordu eta erdiz egon ginen aurreko aktari buruz hitz egiten. Azkenean nire aurrean zegoen bilbotar batek bozketa egiteko eskatu zuen. Harek ere hitz egin bazuen, hitz egin zuen. Batzarrak nahi badu egin behar dela bozketa (bozketa bat egingo den ala ez erabakitzeko bozketa? hori errekurtsiboa da...), ...

Azkenean egin zen bozketa. Baina hau surrealista izan zen. Beste edozein lekutan, lehenengo aldeko botoak zenbatzen dira, ondoren aurkakoak eta azkenik abstentzioak. Hemen lehenengo aurkakoak zenbatu ziren, ondoren abstentzioak eta azkenik aldekoak !! Nik ez nekien non sartu. Bozketa eskatu zuen bilbotarrak hori ez zela horrela egin behar esaten zuen, baina ez zioten kasurik egiten. Azkenean 6 boto alde, 6 aurka eta 3 abstentzio. Berdinketa ! "Itxaron, hiru pertsona kanpoan daude"; "Sar daitezela eta bozka dezagun berriro" (guztiok barrez). Berriz ere ordena berdinean bozkatu zen eta emaitza 6 alde, 6 aurka eta 6 abstentzio. "Orduan kalitatezko botoa erabiliz berdinketa hautsiko dut", lehendakariak. "Et, et, et, hau Batzar Nagusia da, ziur zaude hemen kalitatezko botoa duzula?", nire aurreko bilbotarrak. "Eh..., bozka dezagun berriro, berdinketa dagoenean parlamentuan hiru aldiz bozkatzen da", lehendakariak. "Ea, aurkakoak.. 1, 2, 3. 3 guztira". "Eh, 6 gara!!!", berriz bilbotarrak. 6, 6 eta 6. "Fernando eta zuk ez duzu botorik ala?", lehendakariak aldamenean zuenari. "Eh, nik, ... nire klubak, ... eh, .... ez dakit...., beno bai, nik baiezkoa". Eta guztiok non sartu ez genekiela. Nik idazkariari guztia amaitu zenean: "aktan ager dadila ez nagoela ados ez-ohiko Batzarraren aktan dioenarekin, bertan dioena ez zelako gertatu, eta beraz nire aurkako botu partikularra aktan agertzea nahi dut".

Jarraian, diru kontuak aipatzean etorri zen goizeko bigarren eztabaida, lehen aipatutako arabarra eta lehendakariaren artean: "zer da kontuetan agertzen den 'parcial' hori?", eta denok barrez, urtero galdetzen delako. "Kontabilitate Plan Orokorra ezagutzen duzue?", arabarraren bigarren galdera. "Nor da Federazioko diruzaina? zorionak eman nahi dizkiot balantzea 0 eurotan biribiltzeagatik". Eta ordu laurden baten lehendakaria diruzaina nor den azaldu nahiean. "Hiru lagun ziren, orain berria etorriko da Kontabilitate Plan Orokorra ezagutzen duena, baina lehengoek ere jarraituko dute", "Baina nor da?".

Ordurako ordubiak eta laurden izango ziren (goizeko hamaiketan, ordu erdiko atzerapenarekin hasita). Jarraian etorri zen goizeko puntu interesgarrienetako bat, teknifikazio planari buruzkoa. Galdera eta eztabaida askoren ondoren aho-batez onartu zen plana. Zorionak Santi!

Ondoren pintxoak eta arratsaldean beste bilera bat. Hauteskunde araudia, uste dut araudia irakurri duen pertsona bakarra neu naizela, lehendakariari araudiaren artikulu pare bat, Estatutuen beste bat eta Jaurlaritzaren Dekretuaren beste bat irakurri egin behar izan bainizkion.

Egun atsegina izan zen. Azkenean Donostian amaitu genuen, zerbait afaldu, billarrean eta futbolinean aritu Tauren partiduaren bukaera ikusiz eta Eibarren garaipena ospatuz. Aupa !

Nahi baduzue, esan eta gonbidatuko zaituztet hurrengo bilerara. Erik etorri zen, eta oso ongi pasatu zuen, ezta? ;)

Noticias de Gipuzkoa egunkaria irten zenetik etxean horixe hartzen dugu. Ez gure gipuzkoartasuna beti gogoan izateko, baizik eta Gasteiz edo Balmasedako albisteak irakurri ordez, Elgoibar edo Bergarakoak jakiteko. Ez, gurean ez da Delirio Vasco erosten, eta horretarako, eta arrazoia ez da Realan eta Badiolan kontra idatzi dabelako edo Badiolan aldekoak garelako. Benetan kuriosua da Euskal Herrixan gertatzen dana. Badiolak berak atzo esan zeban moduan (berak Gipuzkoagaittik esan zeban, baina Euskal Herrira zabaldu leike), kuriosoa da hauteskundeetan erakusten den gehiengo politikoaren aurkako egunkariek dutela salmenten gehiengo absolutua.

Igandean, larunbateko derbyaren kronikan, zera zioen Noticias de Gipuzkoa egunkariak 53. orrialdean:

CÁNTICOS> "El año que viene volvemos otra vez", entonó la afición eibarresa.

Un centenar de seguidores eibarreses esperó al equipo junto al autocar del conjunto armero tras el encuentro. Este grupo de aficionados azulgranas entonó diversos cánticos de ánimo a los suyos, entre los que destacó un sorprendente "el año que viene volvemos otra vez". O estos seguidores sueñan con un doble ascenso por parte de los dos conjuntos guipuzcoanos, o prefieren que su club convenido no suba a Primera, con todos los inconvenientes que, para su equipo, esto conlleva.>N.G.

Ederto. Eurek nahi dutena egin behar dugu. Zein mundutan bizi dira?

Baina gauza ez da hor amaitzen, gaur bertan, egunkari guztietan, Noticias de Gipuzkoan barne, albiste nagusia atzo Iñaki Badiola Errealeko presidenteak eman zuen prentsaurrekoa hizpide denean, zera irakur daiteke Noticias de Gipuzkoan bertan. Badiolaren prentsaurrekoari bi orrialdeko errepasoa eman ostean, Badiolak erantzundako kazetarien galderak agertzen dira. Egindako galdera batek zera dio:

¿Qué beneficios saca la Real de su convenio con el Eibar, cuando el club armero pugna por los puntos con el equipo txuri-urdin?

Ederto. Hitzarmenak bi aldeen onerako egiten diren akordioak zirela uste nuen. Kazetariak ahaztu egin dira, dirudienez, Garitano edo Cifuentesen fitxajeengatik ordaindu zuten diru kopuruaz, edo Amorrortu liga bukatu baino hiru aste leheneago fitxatu zigutenean, edo edozein jokalari saldu aurretik Realari dei egiteko kontuaz. Hitzarmena euren aldeko puntuetan bakarrik hartzen dute hizpide.

EAJren Ahaldun Nagusigaiak, Markel Olanok, azken Foru Hauteskundeetan, Eibarrek Gipuzkoako periferia izateari utzi behar ziola esan zuen (hemen Josuren analisia). Baina ez. Eibar periferiaren periferian dago (Enriquek, "el sector crítico del sector crítico esango lukeen bezala). Ba bai. Eta gustora asko gainera. Bide batez blogaren izenburua aldatzeko aukera eman dit ditxosozko periferiak.