Dokumentu Akzioak
Serafin kultura gizona
Joan zen asteburuan omenaldia egin zion Eibarko herriak Serafin Basauri euskaltzaleari. Hainbat urtez euskararen eta kulturaren alde egindako lana eskertu nahi izan zen. Ekitaldian, besteak beste, Jesus Mari Gisasola "Trunboi" eibartarrak idatzitako bertsoak kantatu ziren, Serafinen omenez idatzitakoak. Hementxe dituzue.
Serafin kultura gizona
Hara Serafin gaurkuan nahi da
zure lana aittatzia
isil antzian egina dana
aberatsa ta jantzia
oso gazterik ikasi zendun
kulturaren garrantzia
euskeria be etxetikua
gurasuen herentzia
bixak uztartuz burura jatzun
euskal kultura lantzia.
Kultura maillan Eibar genduan
basamortuen antzera
aurretik zeuan oasisa be
frankismuakin atzera
gogo faltarik ez zeken batzuk
ez zeben laga galtzera
gelditzen ziran illinttixekin
ekingo zetsen atzera
solte ziranak animau ziran
kultur giruan batzera.
Arratiakin hasi ondoren
Ikastolia gogora
gazte jendiai eskeiñi asmoz
euskal kulturaren lora
eta kitto ta hiztegigintzan
Badihardugun gerora
euskal munduan ez dozu ixa
ezer laga-ta albora
gure aldetik esan geinkena
Serafin Basauri gora!
Jesus Mari Gisasola, "Trunboi"
Ekitaldiko kronika Leirek, eta argazkiak Asierrek.
Serafin Basauri, 4 seme-alabekin eta iloba Patxirekin.
