Atzo izan zen Bilboko Kafe Antzokian Irratia.com-ek antolatutako Blogs & Beers 2.0 topaketa (BBBilbo). Lehen topaketa, apirilean, gertuago izan genuen, Elgetako Espaoloian, eta eibarnauta gehiago azaldu zen hartara, baina Bilbon ere izan ziren batzuk.

Irudian, Igor Leturia e-gorblog , Luistxo Fernandez, Maite Rementeria, Xabier Mendiguren (liburua aurkeztu zuen berriro, eibarnauten aurreko asteburuan bezala), Eneko Astigarraga eta Jose Antonio del Moral, ez Eibar.org-eko blogista, baina bai Eibartarrak zerrendako aspaldiko harpideduna (blogetan ere ibiltzen da Jose, erdaraz: Internet& Euskadi blogean eta bere enpresa Alianzoren Redes Sociales blogean idazten du).