Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua

Hobe da argi baten phiztea, eziz ülhünpeaz kurrinkatzea

Kelpi.com : kode zatiak

Gari Araolaza 2007/07/25 12:28

Hau informatikarientzat da nagusiki:

Kelpi.com kode informatikoa gorde eta trukatzeko webgunea da. Script txikiak, adibide motzak, nola egiten den funtzio hori, PHP, Python, Java edo Assemblerrean.

Kelpi kodea trukatzeko webgunea Nando Quintana lankideak sortu du bere denbora librean Python-en programatuz eta Zope3 dauka atzean.

Merezi du buelta bat eman eta erabiltzen hasteak!

TomTom-ek TeleAtlas erosi du

Gari Araolaza 2007/07/23 22:48

Nire ustez hau da urteko albistea Internet geografiaren inguruan.

Askok ez duzue TeleAtlas ezagutuko. TeleAtlas da mundu osoko mapa eta informazio geografikoaren hornitzaile nagusia. Bigarren bat ere badago, Navteq baina alde handia ateratzen dio TeleAtlasek.

TeleAtlasenak dira Google Map gehienetako datuak. Beraienak dira autoko GPS tresnetako mapa gehienak eta errepide bat falta zelako inoiz galtzen bazara, TeleAtlasena da errua.

Konturatzen zarete zein garrantzitsuak diren datuak TomTom-entzat? Autoko GPS baten hiru konposagaietatik (hardwarea, softwarea eta datuak) nire ustez garrantzitsuena dira datuak.

Horregatik jarraitzen dut OpenStreetMap proiektuan, datu libreak behar ditugulako, enpresa bakar baten eskutan egon beharrean. Gai honetaz gehiago jakiteko, Jesus Encinarren bloga gomendatzen dizuet.

Enpresako txangoa ostiralean

Gari Araolaza 2007/07/23 13:01

Urtero bezala ostiralean enpresako txangoa izan genuen. Aurtengoan honako egitaraua izan genuen:

Esan beharrik ez dago oso ondo pasatu genuela.

Egilea: Iñaki, autobuseko gidaria.

CIA eta Mondragon Unibertsitatearen arteko lotura

Gari Araolaza 2007/07/12 09:04

Zein lotura dago hauen guztien artean?

Erantzuna:

Denek darabilte Plone beraien webgunea kudeatzeko.

Jakin nahi baduzu beste zein webgune dabilen Plonerekin, begiratu zerrenda luzeago honetan

(Bai, publizitate artikulua da hau. gure enpresan Plonerekin egiten dugu lan.)

2007/07/22 Eguneraketa: Novell ere Plonera pasatu da!

Eduki guztia Creative Commons

Gari Araolaza 2007/07/05 09:39

Derrepente konturatu naiz nire blogak ez duela lizentzia argirik. Nola liteke, hainbeste bultzada eman lizentzia libreei, hainbat lagunei gomendatu, eta nik hori ez jartzea?

Azalpena garbia eta tontoa da: despistatuta nengoen eta akordatzea ahaztu. Hau da hau.

Orain bai. Hemendik aurrera (eta baita lehendik idatzitako guztiak ere lizentzia honekin publikatzen ditut. Barkatu, norbait aurretik konturatu eta gaizki hartu badu.

Creative Commons License
Lan hau Creative Commons-en baimen baten mende dago.

Facebook: beste sare sozial bat besterik ez?

Gari Araolaza 2007/07/04 18:52

Zer diren sare sozialak

Webguneak dira, non izena eman eta zenbait aktibitate egiten diren, jende ezagunarekin lotu eta berria aurkitu. Zentzu zabalenean Flickr eta Tagzania sare sozial moduan hartu ditzazkegu, baina benetan sare sozialak deitzen zaie Orkut , LinkedIn edo horrelakoei. Twitter ere sar genezake maila batean sailkapen honetan.

Sare sozial guztietan sartzen saiatzen naiz frogatzeko gutxienez, baina oraindik ez dut askorik lortu sare sozial puru hauetan.

Zertarako sare sozialak?

Auskalo. Edozertarako eta ezertarako. Bestela esateko, laneko kontaktu interesgarriak egiteko, lehendik lagunak direnak gertuago jarraitzeko eta baita ligatzeko ere. Zer espero genuen Interneten sartu ginen lehenengo aldian? Auskalo. Ba berdin.

Facebook

Facebook da modako azkenetako sare soziala. Oraindik ere ez diot probetxu askorik atera, baina zenbait desberdintasun berezi aurkitu dizkiot:

  • Abiadura: sare normal batean oso geldoa da kontaktuak sortzea. Bestalde, normalean lehendik ezagutzen zenuen jendearekin egiten duzu kontaktua, eta noski, interesgarriena da jende berriarekin kontaktatzea. Facebook-en oso azkar (hiru bat egunetan) sortu ahal izan dut hasierako sare hau.
  • Kanpoko garapenak: Facebookeko jendeak hurbilpen interesgarri bat hartu du: zu aplikazio garatzaile bazara, tresna bat prestatu eta Facebook-en jar dezakezu jendeak erabili dezan: argazki galeriak, mapak, Tagzaniarekin lotura, bilatzaileak, bideoak eta abar. Horrek ikaragarrizko irekitasuna eman dio tresnari, eta imajina daitekeen edozer egin daiteke Facebook-en.
  • Lagunen gertuko jarraipena: lagunak zertan ari diren oso gertutik jarraitzen da eta horrek bidea ematen du guk ere pausoak emateko. Tresnaren aktibitateak aktibitate gehiago elikatzen du beraz.

Gehiago jakin nahi duzula?

Bada, frogatu Facebook eta ikusiko dugu elkar. Hemen dago Gariren profila

Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.