Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua

Hobe da argi baten phiztea, eziz ülhünpeaz kurrinkatzea

Googlen egotea baino hobea da RSSa edukitzea

Gari Araolaza 2005/03/31 18:04

Esaldi ausarta bururatu zait.

Demagun webgunea egin duzula eta aukeratu behar duzula:

  • Nire webguneak RSS-a izango du.

ala

  • Nire webgunea Googlen azalduko da.

Nire adibidean bateraezinak dira bi aukerak. Zer duzu nahiago?

RSSa, noski.

Hona hemen Sustaturen martxoko estatistiketan, bidaltzailea edo REFERRER esaten zaiona. Hau da, zein webgunetik etorri den Sustatura etorri den hori:

Hortaz, 4641 bisita etorri dira bilaketak eginda Googletik, 1052 Bloglines RSS tresnatik eta 848 Lezotik.

Lezoko webgunetik hainbeste etortzeak badu arrazoi tekniko bat, RSSa ematearekin lotuta dagoena. Sustatuko RSStik albisteak atera eta webgunean jartzen dituzte, eta Sustaturen ikonotxoa ere jartzen dutenez, Lezo.net-era sartzen den bakoitza gurean ere bisita moduan kontatzen du. Bale, hori alde batetara utzi.

Baina Bloglines-en kasua desberdina da. Googleren eta Bloglinesen erabiltzaile kopuruak alderatu ditzagun. Zein faktore izan genezake? Bloglinesen erabiltzaile bakoitzeko Googleren 1000 erabiltzaile adibidez? Ba begira, bisitarien aldea ez da 1-1000 erlazio bat, 1-4 baizik. Hau da, Googlen baino 250 aldiz errentagarriagoa da Bloglinesen harpidedun bat edukitzea.

Eta hori Bloglines-ekin bakarrik. Beste feed irakurgailu batzuk badaude, eta jendeak erabiliko ditu seguru. Horri gehitu RSS-ak oraindik fenomeno minoritarioa direla, eta atera kontuak. Aurrerantzean jarraitzeko bezalako gai garrantzitsua da hau.

Gainera, RSS bidez gure webguneetara etorritako lagunak fidelak dira, aktiboak, irizpide kontzientedunak (gurera harpidetu dira zerbaitegatik eta ez beste batera) eta bisita asko egiten dituztenak, eta beraien ingurukoetan iritziak markatzen dituzte. Aldiz, Googletik datorren erabiltzailea askotan gauza konkreturen baten bila etortzen da gurera gure webgunean interes orokorrik gabe, eta beste askotan txiripaz erori da gure sarean. Ederra aldea.

Noski, onena da bai Googlen eta bai Bloglinesen egotea. Lan horretan gogor saiatzen gara! :-)

Aukera guztiak eta Monty Python

Gari Araolaza 2005/03/24 09:19

Aukera Guztiak-en inguruan oraindik ez dut erabakirik entzun, baina itxura guztien arabera inpugnatuko dute eta ezingo dute hauteskundeetara aurkeztu.

Honen inguruan niri Monty Python etortzen zait burura. Garai batean ETBn bazegoen hauen fan-a zen programatzaile bat eta makina bat programa ikusi ahal izan genituen euskaraturik. Makina bat barre egin genuen beraien filma euskaratuekin.

Zehazki The Holy Grail filmako zati bat etortzen zait burura, hemen gaztelaniaz "Los Caballeros de la Mesa Cuadrada" bezala itzuli zena. Ertaroa, sorgin bat harrapatu dute eta erabaki behar erre behar den ala ez, eta nola frogatu behar den hori erabakitzeko. Ba, antzera dago asuntua Aukera Guztiakekin.

Ingelesetik itzultzera ausartu naiz. Barkatu okerrak. Testu originala hemen JENDETZA: Sorgin bat! Sorgin bat! Sorgin bat! Sorgin bat harrapatu dugu! Sorgin bat!
HERRITARRA #1: Sorgin bat harrapatu dugu, erre genezake?
JENDETZA:Erre! Erre!
BEDEVERE: Nola dakizue sorgina dela?
HERRITARRA #2: Sorgin itxura du.
BEDEVERE: Ekarri hona.
SORGINA: Ez naiz sorgina. Ez naiz sorgina.
BEDEVERE: Baina sorgin jantzita zaude.
SORGINA: Beraiek jantzi naute honela.
JENDETZA: Ez, guk ez dugu egin hori, ez.
SORGINA: Eta hau ez da nire sudurra, gezurretakoa da.
BEDEVERE: ...eta?
HERRITARRA #1: Bai, bale. Sudurra guk jarri diogu.
BEDEVERE: Sudurra?
HERRITARRA #1: Eta kapela ere bai - Baina bera sorgina da!
JENDETZA: Erre ezazue! Sorgina! Sorgina! Erre ezazue!
BEDEVERE: Zuek jantzi duzue honela?
JENDETZA: Ez, ez.. ez... bai. Bai, bai, pixka bat, pixka bat.
HERRITARRA #1: Garatxo bat dauka.
BEDEVERE: Zerk eragiten dizue sorgina dela pentsatzea?
HERRITARRA #3: Begira, ni musker bihurtu ninduen.
BEDEVERE: Muskerra?
HERRITARRA #3: Gerora hobetu naiz.
HERRITARRA #2: Erre ezazue dena dela!
JENDETZA: Erre! Erre!
BEDEVERE: Isilik, isilik, isilik! Badaude sorgina den frogatzeko moduak.
JENDETZA: Badaude? Non daude?
BEDEVERE: Esan, zer egiten da sorginekin?
HERRITARRA #2: Erre!
JENDETZA: Erre, denak erre!
BEDEVERE: Eta zer erretzen da sorginetaz aparte?
HERRITARRA #1: Sorgin gehiago!
HERRITARRA #2: Egurra!
BEDEVERE: Orduan, zergatik hartzen dute sua sorginek?
(isiltasun une bat)
HERRITARRA #3: Ba... egurrezkoak direlako...?
BEDEVERE: Ongi!
JENDETZA: A, bai, bai...
BEDEVERE: Orduan, nola jakin egurrezkoa den?
HERRITARRA #1: Berarekin zubi bat eginez.
BEDEVERE: A! baina ezin al dira zubiak harriz ere egin?
HERRITARRA #2: A, bai
BEDEVERE: Egurra uretan murgiltzen da?
HERRITARRA #1: Ez, ez.
HERRITARRA #2: Flotatu egiten du, flotatu egiten du!
HERRITARRA #1: Bota ezazue putzura!
JENDETZA: Putzura!
BEDEVERE: Zer gehiagok flotatzen du?
HERRITARRA #1: Ogiak!
HERRITARRA #2: Sagarrek!
HERRITARRA #3: Harri oso txikiek!
HERRITARRA #1: Sagardoak!
HERRITARRA #2: Saltsa ederrak!
HERRITARRA #1: Gereiziek!
HERRITARRA #2: Lokatzak!
HERRITARRA #3: Eleizek -- Eleizek!
HERRITARRA #2: Berunak - Berunak!
ARTHUR: Ahate batek.
JENDETZA: Oooh.
BEDEVERE: Hori da! orduan, lojikari jarraituz...,
HERRITARRA #1: Ba...berak... ahate baten pisu berdina badu, egurrezkoa izango da.
BEDEVERE: Eta orduan?
HERRITARRA #1: Sorgina!
JENDETZA: Sorgina!
BEDEVERE: Nire eskailera luzeena erabiliko dugu!
(garraisiak)
BEDEVERE: Ongi da, kendu euskarriak!
(whop)
(balantzaka) (zer esanik ez balantza batean jarritakoan ahate eta sorginak pisu berdina zutela.
JENDETZA: Sorgina da! Sorgina da!
SORGINA: Erabaki justua da.
JENDETZA: Erre ezazue! erre ezazue!
(...)

Internetaren faktura Gigabyten arabera

Gari Araolaza 2005/03/17 07:01

Erralek IP telefono sistemen inguruan hitz egiten du bere blogean. Ez dut oraindik berak gomendatzen duen bideoa ikusi, baina zerbait ikusten dut nik:

Orain arte telefonoaren erabilpena kobratzeko denbora hartu da kontutan. Itxura guztien arabera geroz eta gehiago erabiliko da trafikoaren tamaina Gigabytetan, hilabeteko faktura kalkulatzeko.

Denok Skype edo horrelako IP bidezko telefono sistema bat jartzen dugunean, telekomunikazio enpresek abiadura handiko Internet loturak emango dizkigute, eta kontsumitzen dugunaren arabera kobratuko digute. Gainera, beraiei komeni zaie lotura oso azkarrak ematea, horrela gehiago kontsumituko bait dugu eta gehiago kobratu ahal izango digute eta. Agur tarifa laua!

Multiplexazioaz

Teknika honi multiplexazioa deitzen zaio: kable (edo medio) berdinetik datu desberdinak pasatzea. Hasieran bi puntu lotzeko (dela telefonoz edo telebista edo dena delakoa) kable bat jartzen zen eta erabilera hori bakarrik ematen zitzaion. Gero norbaiti okurritu zitzaion frekuentzia desberdinetan emititzea kable horretatik. Horrela datozkigu 20 edo 40 telebista kanal antenaren kable berdinetik, bakoitza maiztasun edo frekuentzia desberdin batean.

Dijitalizazioak beste soluzio bat ekarri du: denboraren araberako multiplexazioa. Kableak kapazitate handikoak direnez, datuak dijitalizatu, paketetxotan antolatu, eta kable batetik pasatu iturri desberdinetako datuak. Horrela, nabigatzen jarrai dezakegu Skype erabiltzen dugun bitartean edo e-mulerekin filma bat deskargatzen ari garenean aldi berean. Hau da Internetaren funtsa: TCP/IP protokoloa.

Teknosexuala izateaz

Gari Araolaza 2005/03/11 12:34

Blog honen hasieran bota nituen termino honen inguruko definizio pare bat. Lehengoan, Joxeren post baten inguruan pentsatu nuen erantzutea, eta eman nuen definizio bat, nik zer ulertzen dudan geek edo teknosexual hitzak erabiltzean:

Bai, definizioak asko egon daitezke, eta asmatu zuenak jakingo zuen zer adierazteko asmatu zuen.

Nik geek edo teknosexuala gehiago ikusten dut informatika, Internet, gadget eta horrelakoen zaletua, horrelako gaietan gustora ibiltzen dena. Teknologikoki aintzindari ere da geek-a, gauza berriak frogatzeko beldurrik ez duena eta erabiltzaile arruntei pauso berriak eman ditzaten tiraka egiten diena.

Kuriositate ase ezina da teknosexual baten beste ezaugarrietako bat, eta besteoi gure aurkikuntzak ezagutarazi eta ulertarazi nahia.

Eman eta Jaso

Gari Araolaza 2005/03/10 22:38

Beti ez dira ongi ulertzen aditz hauek sareari gagozkionean.

Ez zaizkit batere gustatzen plaza publiko bat beraien onurarako bakarrik erabiltzen dutenak. Beti JASOTZEN.

Badaude erakunde eta pertsonak, sareko komunitateak beraien probetxurako bakarrik erabiltzen dakitenak; "Informazio interesgarri bat bidaliko diet hauei!" pentsatzen dute, "Hau da aportatzea, EMATEA, nik egiten dudana."

Batzutan bai. Informazio, iritzi edo edonolako aportazio interesgarria izan daiteke, beste inon irakurri ezin duguna.

Behin euskal erakunde batetako Internet arduradunari aurpegiratu nion komunitatean ez zutela ezer aportatzen, aukera haundia zutelarik gainera. Baietz esan zidan, beraiek beraien propaganda guztia bidaltzen zutela komunitatera. Ez zuen ezer ulertzen. Nik ez nuen beraien propaganda nahi, beraiek zuten informazio baliotsu eta eguneratua baizik.

Izan ere, hori ez da EMATEA; hori probetxua JASOTZEA da, inor ez dadila engaina. Agian informazioa EMAN egingo du, baina saretik propaganda eta probetxua JASO egiten ditu.

Eta ni autobonboaren alde nago. Gauzak ongi egiten ditugunean garrantzitsua da horiek zabaltzea. Gure egoa bultzatuz gain besteengan inbidia eta lehiakortasun apur bat sortzea. Gauza sanoa da. Baina neurria ere hartu behar zaio. Norbaiten aportazioa komunitate batean ezin da autobonboa bakarrik izan. Komunitate batean JASO egiten dugu asko, baina EMAN beharra ere badago.

Hori da adibidez Sustaturekiko euskal erakunde askoren jokaera. Ez dute posteatzen kontatzeko zerbait interesgarria dutenean, interes berezi bat dutenean baizik.

Horretarako, norberaren egoa puztutzeko, egin dezatela guk bezala, blog bat ireki, eta agian horrela noizbait izango dute aportazio interesgarriren bat EMATEKO aukera.

Hor badago kontzeptu bat azkenaldian entzuten duguna: aurrerantzean irakurleen atentzioa izango da urrea, eta ez hainbeste informazioa bera. Baina irakurleen atentzioa mantentzeko, urrezko edukiak beharko ditugu. Hor dago erronka!

Blogisten topaketa

Gari Araolaza 2005/03/10 22:10

Elgetako Espaloian antolatu dute, Joxe Aranzabalen ideiari tiraka. Euskal Blogistak elkartu, trago batzuk hartu eta bizi-bizian hango Wi-Fi-ari esker posteatzeko aukera ere, beste lagunak ezagutzearekin bat.

Gau elektorala izateak emango dio beste txispa bat. Nik zailtasun pixka bat badut egun hartan, Andoni semeak 3 urte betetzen bait ditu, baina saiatuko naiz han azaltzen.

RSSen hurrengo pausoa: publizitatea

Gari Araolaza 2005/03/01 11:20

Gaurko berria SiliconBeat blogean: Publizitatea RSS-etan.

  • Guk RSS-a sortzen dugu eta Kanoodleko lagunei bakarrik ematen diegu feed-era sarrera.
  • Kanoodlekoek, gure edukiari egoki datorkion publizitatea tartekatzen dute, eta doan eskeintzen dituzte gure edukiak+publizitatea, formatu desberdinetan itxuratuta.
  • Gure edukiak bere webgunean erakustea nahi dituenak Kanoodletik hartzen ditu, eta tartean publizitatea doa, gure albisteekin batera.
  • Kanoodle eta gure artean irabaziak banatzen ditugu.

Aberastuko garen? ez dut uste, oraingoz behintzat eta euskal munduaren tamainarekin. Sustatun bertan irailetik dauzkagu Google-ren anuntzioak eta zenbat irabazi dugun publikatu ezin den arren, esango dizuet pertsona batek ezingo lukeela oraindik afari bat egin hortik ateratako dirutzarekin. Baina gian Kanoodle-koak aberastuko dira, buztan luzeaz probetxu aterata.

Baina tontoak ez gara, eta gaztelaniaz eta inglesez ere badakigu pixka bat. Bide honetatik ez genuke gai interesgarriren bat aurkituko, edukiak landu eta publizitate bidez dirua emango ligukeena? Zerbait bururatzen zaizue?

Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.