Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Berbak dantzan / San blas zale txikiak

Berbak dantzan

San blas zale txikiak

Ane Sarasketa 2009/02/03 16:36
Ikasi dut gaurkoan.

San blas txiki-txiki batzuk jarri ditut mahaitxo batean. Ikusteko. San Blas Eguna dela gogorarazteko. Apaintzeko.

Klasea eman dut eta San blas txiki bat falta zela iruditu zait. Baina ez diot kasurik egin. Konturatu orduko beste bat falta zen. Han aurkitu dut san blas zale txikia, san blas txikia jaten, txoko batean, gustura. San Blas horiek ez zirela jateko esan diot. "Eta zertarako dira orduan?", erantzun dit bere euskara ikasi berrian. Eta arrazoia du. Zertarako dira san blasak jateko ez badira? 

Seguruenik ez zuen san blasik aurretik sekula probatu. Orain gutxi heldu da Euskal Herrira. Baina gustatu zaizkio, eta asko. ;-)

Ikasgai polita eman dit gaur nire ikasleak. Demasak dira txiki hauek. San blasak eta san blas zaleak.

Ikasi dut gaurkoan. Oinarrizko lehentasunen aurrean bestelakoek ez dute larregi balio.

Dani
Dani dio:
2009/02/04 15:23

Nik be hartuko neban san bla bat (gitxienez) zure mahaitxik. San blas zale amorratua naiz!!! Irakurle barrixa daka zure blogak. Laztan haundi bat!

Dani

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Eibarren jaio eta hemen bizi naiz. Mendi puntan baina Eibarren. Esan ezin dudana idatzi egiten dut batzuetan. Ez nuen txoko honetan bakarrik agertzerik nahi eta bigarren eta hirugarren bati egin diet lekua; akaso, idazten ikasten dutenean lagunduko didate Izarok eta Maulek. Hemen idatzitakoek ez dute mundua aldatuko baina bihotzen bat ukituko balute gu konforme. Sentimenduez ari gara hemen.