Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera

Jaiotze markak

Leire Narbaiza 2010/04/27 17:55
Nancy Huston-en eleberria, Alberdaniak argitaratua.
jaiotze markak

"Jaiotze markak" liburua irakurri berri dut. Azken aldi honetan hainbat euskal argitaletxek egiten diharduen ahalegina goraipatzekoa da; gaur eguneko erdal literatura itzultzea, alegia. Itzulpenen gainean, ordea, nik badut zenbait gauza esatea, baina beste baterako lagako dut.

Liburuan familia bereko lau belaunaldik kontatzen duten euren historia. Beti sei urteko ume bat izango da narratzailea, gazteenetik hasita (birlobak ematen dio hasiera narrazioari, gero ilobak, ostean amak, eta azkenik amamak). Txarto konpontzen den familiaren historia kontatuko dute: historia bitxia, berezia eta sarritan tragikoa.

Pertsonaia batzuk nahiko muturrekoak dira, eta umeren bat ere ez da oso sinesgarria (batez ere lehenengoa), baina gustura irakurtzen da, ederki eraikitzen da historia buruan, hariari segika. Gogoz jarraituko genuke ume bakoitzaren ibilbidea, bestera salto egin gabe. Baina osotasunak ere badu interes handia.

Gustura eta ondo irakurtzeko liburua. Gomendagarria benetan

Urriaren 25ean jai

Leire Narbaiza 2010/04/23 00:30
Eusko Legebiltzarrak erabaki berri du.

Urriaren 25ean jai izango dugu autonomia erkidegoko herritarrok, egun horretan izan baitzen estatutuaren erreferenduma. Egungo estatutua. Ez oso, ez ase. Populazioaren erdia baino gehiago ez dago ase, eta beste erdiak ez du osatu, ez bete.

Hori bai, ospatu egin behar. Aspaldi esan nuen moduan, ospatzeagatik jai errumaniarrak ere ospatuko nituzke jai hartuta. Beraz, festa egun bat gehiago poztekoa litzateke, beste bat kenduko ez baligute jakina; eta alde politikoari begiratuko ez bagenio.

Orduan, zein jai kenduko digute? zein santu bidaliko dugu pikutara? Maiatzaren bata, Inmakulada Konstituzioa? Gure herriko festak? Jakin nahi dugu.

Gainera, udazken aldi hori ez dago oso-oso beteta? Urriaren 12a, urriaren 25a, azaroaren 1a, abenduaren 6a eta 8a, Gabonak.....Ez da larregi? Zenbat zubi izango ditugu sasoi horretan? Zergatik ez banatu gehiago jaiak urtean zehar eta banaketa arrazionalagoa egin? Hiruhilabeteko honetan ez dago ezer, Aste Santutik uztailaren 31ra ez dago jairik! Denak udazkenean daudelako!

Bada sasoia politikoek arazo identitarioa alde batera lagatzeko. Autonomistek utziko diote euren arazotxoa inposatzeari? Nor jaikitzen da, bada, urriaren 25ean "gaur erreferendum eguna da" autonomiston eguna? Arazo larriagoak dauzkagu, lagunok :-)

Kit-katik ez

Leire Narbaiza 2010/04/21 17:00
Sustatutik hartuta. Eta Sustatuk "Zerbait esatekotan..." blogetik.

Berriro ere Nestlé!

 Greenpeacek martxan jarri du Kit-kat produktuaren kontrako kanpaina gogorra

Izan ere, txokolatea egiteko palmondo olioa erabiltzen du eta olio hori lortzeko Indonesiako azken baso tropikalen ustiapen basatia egiten duten enpresei erosten diete. Horregatik bideoa, jendeak jakin dezan zer erosten ari den.

Londres kartoizkoa da

Leire Narbaiza 2010/04/20 11:56
Unai Elorriagaren azken nobela.
Londres kartoizkoa da

Jakin nuenean Unai Elorriagak nobela berria zuela, asko poztu nintzen. Izan ere, aurreko hirurak (SPrako tranbia, Van Hoffen ilea eta Vredaman) asko gustatu zitzaizkidan. Bakoitza desberdina, bakoitzak bazuen erakarri ninduen zerbait.

Baina oraingoan? Orriak pasatu ahala pentsatzen nuen: "Animo, Leire, etorriko don". Ez zen heldu, ordea. Ez ninduen kateatu. Astuna ere ez zitzaidan egin, baina ez nion ez hanka ez buru ikusten, nobelaren osotasunak ihes egiten zidan.

Beste alde batetik, ulertu ere ez nuen ulertzen. Noiz adituko zain nengoen. Beharbada, nire hutsa izango da, trenean irakurtzen dudalako sarritan, edo nire maila literario apala,... edo agian, ez dago ezer berezirik entenditzeko. Gauza da, aurrera nindoan heinena, berdin segitzen nuela.

Momentu baten argia piztu eta parabola bat izan zitekeela pentsatu nuen. Baina parabola izateko ere zerbait zuen faltan, pieza guztiek ez zuten parabolan enkajatzen. paralelismoak ez zien hain paraleloak. Eta hori bi parabolarekin ere saiatu nintzela!

Beharbada, eragozpen handiena pertsonaiak izan dira. Lauak dira, desberdindu ezinean ibili nintzen, izen arraroak arraroak dituzte, eta ez dute pistarik ematen eurak buruan eraikitzeko, imajinatzeko. Une batean animaliak izan zitezkeela pentsatu nuen.....

Lehen esan dudan bezala, baliteke beste maila bateko nobela izatea, lau buruargik baino ulertu ezin dutena. Izan liteke. Onartzen dut nik ez dudala horrelako sakontasunik, asko irakurtzen dudala, baina nobelitak direla. Tira. Hala ere, liburuarena ere izan liteke akatsa, ezta?

Edo, agian, esan behrako nuke ez zadaila gustatu eta ez dudala ulertu? irakur ezazue eta zuek erabaki!

Andrazkuak II. Republikan

Leire Narbaiza 2010/04/15 11:43
Atzokuan harira

Atzoko eguna dala-ta, hainbat webetan republikia erabili zeben. Irakorri nittuan batzuk eta e-mujeres Facebookeko taldian oin urte biko bidio bat topau neban, oso interesgarrixa: Emakumiak eta republikia. Izan be, sasoi horretan emakumiak lehen ez zekezen eskubide batzuk lortu zittuezen.

bidiuak be erakusten dau Francon diktaduriak lortutako ixa eskubide guztiak kendu zittuazela, nabarmen atzera egin zeban emakumien bardintasun bidiak, zoritxarrez.

Boto eskubidia da aittatezn da hórretako bat. Republikiak 1933 emon zetsen eskubidia andrazkueri (Frantziako republikiak 1944). Espaiñako estatuan botua emon zeben lehengo andrak euskal herritarrak izan ziran, autonomia estatutuan erreferendimian, 1933ko nobienbrian 5ian. Beste guztiak, ostera urte bereko eta hil bereko 19xan, hauteskundietan.

Badago erretratu bat nik asko maitte dodana, Eibarko andrazko basarrittar batzuk jantzi tradizionalakin botua emoten. Edade difererentiak dake, gaiñera. Beti gustau jata asko, baiña gure loibian famelixakuak dirala jakin dodania gehixago; izan be koiñatian aurrekuak dira!!

Ez da zoragarrixa?

andrak botua emoten

 

1931-IV-14an

Leire Narbaiza 2010/04/14 07:30
goizaldian

Eibarren bigarren republikia proklamau zeben.

udaletxeko kartela

Esperantzarako denporia, gerriak hondatuta.
Gora Republikia!
Ahal izan ezkero, irakorri pasartia liburu zoragarri honetan: "Viaje por el pais de los recuerdos"

viaje pais recuerdos

Eta gaur bertan Asier Sarasuak egindako eta bere blogian jarri daben bidio zoragarrixa, lekukuak kontatzen zelan gertatu zan dana.

 

Disfrutaizue gure aurreko berbakeriakin eta ausardixakin!

Absoluzioa

Leire Narbaiza 2010/04/13 13:30
Egunkariako bost kideen absoluzioa.

Aspalditik zain geunden notizia atzo etorri zitzaigun. Absoluzioa espero genuen, baina ni ez nengoen oso ziur, Audientzia Nazionaletik ez delako inoiz ezer onik etortzen. Iban Arantzabalek, adibidez, berri hori espero zuen.

Pozik nago, baina ez pozarren. Sentimentuan gazigozoa da, ezin da bestela izan. Pozik nago ez direlako kartzelara joango, errugabeak direla esan dutelako. Baina nork ordain lezake egindako kaltea? Torturak, kartzelaldian, estatuko komunikabideetako difamazioa, trufak, samina, diru galera,.....hau guztiau inputatuei. Sufrimendu pertsonal handia.

Era berean euskal komunitateari egindako kaltea ere itzela izan da: egunkari bakarra itxi, kalte morala, haserrea, jopuntuan egotea, tristezia, negarrak (askok egin genuen negar), gure identitate kulturala erasotzea (azken baten, gure izana), dirua (Egunkarian jarritakoa, galduta; Berria sortzeko jarritakoa), beldurra (hurrengoa nor ote?), xahututako indarrak......helburu argi batekin: asimilazioa.

Hori inork ez digu ez itzuliko, ez ordainduko. Dena dela, poztekoa da, epaitegi horretatik etorri zaigun bakarra. Ez dugu ahaztu behar Eginekoak kondenatuta eta kartzelan daudela. Beste makro-sumarioetakoak bezala (atzo bertan berretsi diete epaia lau gazteri).

Orain beste epaiketaren zain, epaiketa ekonomikoa. Dena luza liteke (Gorenera jotzeko aukera baitago), espero dagigun dena irten dadila hau bezala. Hori baino ezin dut eskatu.

Errepubikaren aldeko ekitaldia

Leire Narbaiza 2010/04/12 20:00
"Ahaztuak" antolatuta, Untzaga plazan Eibarren.
ahaztuak

Domeka goizean izan zen Ahaztuak 1936-1977 elkarteak antolatutako ekitaldian. Bandera errepublikanoa ere altxatzekoa zen, baina jaso behar zuena, Durangoko Barreña larri gaixotu eta ezin izan zen etorri.

republikia


Ekitaldian dantza, bertsoak eta kantuak izan dira, baita berba batzuk ere. Diskurtsoan hainbat biktimaz hitz egin da, zelako zailtasunak dauden estatus hori lortzeko, hainbati ez dietelako onartu, aitzakia absurduekin. Beste alde batetik, helburua ez dela huts-hutsean gorpuzkinak berreskuratzea. Hori pausu bat baino ez dela, berriro gerta ez dadin, eta benetako demokrazia lor dezagun.  

urrindik

Hizlariak aipatu du demokrazia faltsu honen adierazgarri dela Garzon epaitzea, Falagek bultzatutako salaketa bat dela medio. Faltsukeria aipatu da, Garzoenen alde egin baina status quoa salatu barik, babestu.

Nire ustez, ekitaldia xumea izan da, egokia. Beharbada jende gutxitxo (argakian baino gehiago!), eta agian bandera latxatzea falta izan da, edonork egin zezakeen bertan geudenon izenean. Ekitaldiak amaitzeko behar zuen horrelako zerbait.

Morbua

Leire Narbaiza 2010/04/11 15:45
Egunotako istripuen harira.

Morbua personokin doian sentimientua da, ez dakat dudarik. Gugandik banandu eziña da. Neurri baten danok jausten gara tranpan, eta danok lagatzen detsagu iñoiz bentanatxo bat zabalik gure artian zabaldu deiñ; batez be, Eibarko herrixari pasau jakozen geratera gatx bi hórretan: astebeteren buruan bost gazte istripuz hiltzia, eta beste bi ospittalian zaurittuta egotia.

Latza izan da, eta bada. Horregaittik, denok erabilli dittugu ahotan izenak; zeintzuk ete ziran galdetu zein famelittakuak; zelan gertatu ziran akzidentiok; eskelak ikusi ia bistaz, behintzat, ezagutzen genduazen....Gaixaz danok jardun dogu, periodikotara jo informatzeko, interneten ibilli, eta abarrak. Honaiño dana normala, neurri baten. Tragedixia da, eta gogor jo dau.

Hori bai, telebisiñuak egin daben despliegia, hori ez dot normala ikusten. Etb, tira, gertukua danez, pase bat daka. Baiña estatuko kate guztiak egin dabena? ikaragarrixa, aho zabalik lagatzeko modukua. Albistegi guztietan Eibarko irudixak, jentiari alkarrizketak ( zer erantzungo dau, bada, jentiak? Oso ondo, ederto dago gazterixia kanposantuan egon bihar da... mesedez!), funeraleko irudixak, famelixakuak zuzen-zuzenian enfokatzen, batez be negar baten zeguazenak... Ezin siñistuta egon nintzan. Funeral baten negar egittia normalena da, ezagutu barik be neri negarguria etorri jata, behin baiño gehixagotan! Faborez, zer irabazten dabe horrekin? audientzixia? Haluzinauta nago!

Gauzak, baiña, zelan kanbixau diran! Ni hamasei urteren bueltan nebillenian, holako beste istripu bi izan ziren, hamazortzi bat urteko gazte eibartarrekin. Zazpi bat hil ziran akzidente bixetan. Ha be itzela, demasa, tristia. Pentsatzen dot periodikotan agertuko zala, baitta radixuan be. Baiña telebisiñuan? Ez, eta agertzekotan ez holan, askoz be suabiago eta laburrago, urriñeko imajiñekin.

Ze jazo da aldaketa hau izateko hogei urten buruan? Norutz eruan gaittue? Gizartia nora begira dago? Eta agintarixak? Gaizki gabiz morbuak gero eta gehixago saltzen badau. Zeozer txarto egin dogun seiñale!

Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Azken erantzunak
Gainera, estadistikak ematean, nazionalizatuta ... Ni, 2017/05/23 22:41
Hona hemen aurreko albistearen lotura: ... Emakume Eibartar erahila, 2017/05/15 12:51
Pasa den astean beste emakume bat hil zuten ... Emakume Eibartar erahila, 2017/05/15 12:50
Politta testua. Artistia haiz gero! Serafin, 2017/05/11 14:44
Milla esker, Serafin! Laztan bat! leire, 2017/05/07 21:23
Oso ona Leire. Biba zu. Serafin, 2017/05/06 21:28
Cadena Ser-ek, Eibarko emisoratik gertaera jazo ... Sosola, 2017/05/05 19:35
Begiratu BERRIA, ARGIA, EiTB, DEIAn... horietan ... Emakume Eibartar erahila, 2017/05/03 13:11
Ezkutatu? Nik ustezko hiltzailearen izen abizenak ... Sosola, 2017/05/03 12:32
Jakina gizonek hiltzen dituztela, gizonak ... Emakume Eibartar erahila, 2017/05/03 12:15
Artxiboa
2017 2016 2015 2014 2013 2012 2011 2010 2009 2008 2007 2006 2005
Kontagailua