Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Joana Albret

MARMOTAREN EGUNA (IV)

Joana Albret 2018/04/24 11:12
Digitalizazio-alor horretan bizi dugun kaosarekin bukatzeko ezinbestekotzat jotzen dugu Euskakiko Liburutegia ahalik eta azkarren abian jartzea.

2011 urtean JAKIN 185 zenbakian hau adierazi genuen: “Koordinazioari dagokionez, aurreko urteetako gabeziekin jarraitzen dugu.  Aspalditik aldarrikatzen dugun erakunde nagusia sortzeko oraindik ez gara gai izan. Erakunde horren beharra, berriz, gero eta premiazkoa da.  Azken urteetan Joana Albret Bibliotekonomia Mintegiak eta beste mugimendu batzuek egindako aldarrikapenek  eta proposamenek  fruituak eman zituzten eta 2007an, eta Euskadiko Liburutegiei buruzko 11/2007 Legea indarrean jartzea lortu genuen.  Oraindik lortu ez duguna Euskadiko Liburutegia da, nahiz eta Legeak propio ezarri Legea indarrean sartu eta gehienez ere 18 hilabetera eratuta egon beharko lukeela. Hortaz, 2009ko maiatzetik hona, dagoeneko bi urteko atzerapena daramagu. Noiz arte?”

“Digitalizazio-alor horretan bizi dugun kaosarekin bukatzeko ezinbestekotzat jotzen dugu Euskakiko Liburutegia ahalik eta azkarren abian jartzea,  digitalizazio-eremuari dagozkion eskumenak erakunde horrek har ditzan. Biblioteka guztien burua eta koordinatzailea izan dadin, alegia.”

“Euskal Herriko digitalizazio politikaren ezaugarri nagusia koordinazio ezak  izaten jarraitzen du…”

Irtenbidea Liburutegi Nazionalaren sorreran datza… Tristea da, gaur egun ere, euskal liburu eta aldizkariren bat kontsultatu nahi izanez gero, hamaika erakunde desberdinetan, erakundez erakunde Interneten kontsultatzen ibili beharra izatea, eta oraindik askoz okerrago, Frantziako edo Espainiako Liburutegi Nazionaletara jo beharra izatea”

“Bitxia da, Euskal Herria liburutegi eremuan duela urte batzuk mundo osan aitzindaria izanda, gaur egun hain deskoordinaturik eta atzeraturik egotea. Jon Bilbaoren Eusko Bibliographiaren proiektua…”

“Halaber, esan behar dugu esukal liburutegi digitala sortzeko ez legokeela oztoporik, ez alor teknikaoren aldetik, ez alor kulturaletik, ezta alor politikotik ere. ..”

MARMOTAREN EGUNA (III)

Joana Albret 2018/04/20 13:24
Erakunde NAGUSI hori ere ez dugu sortu.

2009 urtean JAKIN 172 zenbakian hau adierazi genuen: “egun, liburutegi digitalei dagokionez, antzeko egoeraren aurrean aurkitzen garelakoan gaude, nahiz eta azken bi urte hauetan bi proiektu azapimagarri martxan jarri diren: BiNaDi… eta Ondarenet… “

“Kontua da, orain lehen bezala, Euskal Herrian ez dagoela ekoizpen digitala jasoko duen erakunderik; orain ez da sortu Euskal Liburutegi Nazionala, eta hortaz, ez dago euskal ekoizpen digitala jasotzeaz arduratzen den erakunde  nagusirik. Aurreko artikuluan argi samar geratu zen digitalizazio politika planifikatua eta koordinatua edukitzeak daukan garrantzia edozein herrirentzat;  eta bereziki, liburutegi nazionala izateak, liburutegi digitalaren ardatza izan dadin, gure inguruko Herri gehienetan gertatzen den bezala. Euskal Herriaren kasuan, tamalez, oraindik esparru hori koordinatzeko erakunde nagusi horren faltan gaude.”

MARMOTAREN EGUNA (II)

Joana Albret 2018/04/18 18:25
Esaten dute Liburutegi Digitala bai Liburutegi Nazionala ez. Zeinek kudeatuko du Liburutegi Digitala?

2007 urtea 160 JAKIN aldizkariaren zenbakian  Euskal Herrian proiektu bateratua egiteko premia eta abantailak zehaztu genituen. Egun ere berdin-berdin eta arrazoi berriekin gauza bera esango genuke. Pena urte hauetan Eusko Jaurlaritzan ibili diren agintariek kasurik ez digutela egin.

“ Herri gehienetan liburutegi digitalaren ardatza liburutegi nazionala izan da. Areago, gainerako herriek liburutegi nazionala erakunde kulturalik kuttuena bezala zaintzen dute. Gure kasuan, aitzitik, erakunde baten ardura falta bistan dago…

“Inondik inora, gainerako Herri guztietan egiten den bezala Euskal Herrian ere erakunde ofizial batek koordinazioa eta erantzukizuna bere gain hartu beharko luke. Eta Liburutegi Nazionalaren lekua –erakunde nazionala sortu arte, behintzat- Eusko Ikaskuntza, Euskaltzaindia, Joana Albret, Principe de Viana edo antzerako erakunderen bat izan daiteke, proiektu hori aurrera eramango duen erakundea.”

“Ikus ditzagun erakunde koordinatua edukitzearen abantailak:

- Gainerako erakunde kulturalak ahalegin horretan inplikatzeko ahalmena  edukiko du;

- Euskal Herri osoko erakundea izango da, eta era horretan EAEko, Nafarroako eta Iparraldeko errealitatea gaindituz Euskal Herriko lurralde osoan lan egiten duten erakundeek parte hartzeko aukera edukiko dute;

- Erakunde publikoa da

- Proiektu horrek aurrera eramateko behar dituen baimen ofizial guztiek erraztasuna edukiko dute.”

Marmotaren eguna (I)

Joana Albret 2018/04/17 16:50
Zenbat aldiz iragarri digute Euskal Liburutegi Digitalaren sormena? Legealdi bakoitzean behin gutxienez...

Egunkariek, telebistek, blogek, txioek etabarrek egun hauetan amua irentsi dute. Behin eta berriro helarazi baitute berritzat zaharra dena.  “La Biblioteca Digital Vasca arrancará este año con los 3.000 primeros títulos”.

Asko eta asko idatzi dugu EUSKAL LIBURUTEGI DIGITALAri buruz, hobe esanda EUSKAL LIBURUTEGI NAZIONALAri buruz. Ideia nahi baduzue eduki, nahiko da Interneteko bilatzailean jartzea Euskal Liburutegi Nazionala edo Euskal Liburutegi Digitala, artikulu andana irtengo delakoan nago. Dagoeneko aspertuta gaude kontu hau errepikatzen eta errepikatzen.

Kopiatuko dut Jakin aldizkarian eta egunkari batzuetan urte hauetan idatzitakoan, esanguratsua da.

Aurretik 2003 urtean “Recorrido por las Bibliotecas Virtuales del País Vasco” izenburuko artikulua idatzi nuen Bilduma aldizkarian. Duela 15 urte ikusi genuen beharrezkoa zela eremu hau antolatzea, 15 urte hasi dira eta hastapenean jarraitzen dugu izaten.

Imanol Trebiño

Joana Albret 2017/12/20 09:39
Imanol hil da

Gaixotasun luze baten ondorioz Imanol atzo hil zen.

Hileta zibila gaur GASTEIZko GAMARRAko beilatokian 18:30ean.

 

Imanol Trebiño Barruetabeña

Joana Albret 2017/12/20 09:30
Imanol Trebiño hil da.

Atzo Imanol gaixotasun luze baten ondorioz hil egin zen Gasteizen. Eibartar hau Gasteizen bizi izan da.

Gaixotasun horrek gorputza eta memoria poliki-poliki ahuldu ditu.

Bere bizitza liburuen artean iragan du, Joana Albret Bibliotekonomia Mintegian partaide aktiboa izan da, hamaika bileratan parte hartu ditu.

Horretaz gain euskaltzale eta euskal kulturaren aldean izan da beti.  2001an "Administrazio zibileko testu historikoak" izenburuko liburua argitaratu zuen.

Gaur, Gasteizko Gamarrako beilatokian hileta zibila egingo dugu, arratsaldeko 18:30ean.

 

 

Taldea 2016

Joana Albret 2016/07/15 08:50
Aurten Leitzan bildu gara

Urtero bezala Joan Albret Bibliotekonomia Mintegiko kideak bildu gara, aurten LEITZAN izan da, gidaria Jose Luis Huarte izan da.

Aurten Imanol Trebiño ezin izan da etorri, espero dugu hurrengoan gure artean edukitzea, tartea egingo dugu argazkian sartzeko, lasai zaindu eta hurrengo urtean gure artean edukitzea espero dugu.

Taldea Leitzan 2016

Artxiboen Legea

Joana Albret 2016/02/10 12:10
Gobernu-kontseiluak Euskadiko Dokumentu Ondarearen eta Artxiboen Sistemaren Lege Proiektua onartu du.

Behin Eusko Jaurlaritzak onarturik, Eusko Legebiltzarrera igorriko da dokumentua, han eztabaida dezaten.

Blog honetako jarraitzaileok aukera eduki duzue honen gainean pentsatzen duguna jakiteko, bada aurreko zirriborroaren azterketa blog honetara ekarri baikenuen. Lehenengo zirriborroarekin (Euskadiko Dokumentu eta Artxiboen Legearen aurreproiektuaren zirriborroa 2014-10-01) oso kritikoak izan ginen.

Hilabete batzuk igaro ondoren Eusko Jaurlaritzak beste zirriborro bat aurkeztu zuen, Bere garaian esan genuen bezala (Euskadiko Dokumentu eta Artxiboen Legearen aurreproiektuaren zirriborroa –azkena- 2015-03-24)  guk egindako ekarpen gehienak jaso zituen.  Beraz, nahiz eta irakurketa sakona egingo dugun, printzipioz ñabardura batzuk salbu ados gaude aurkeztutako Artxiboen Sistemaren Lege Proiektuarekin.

Gerardo Luzuriaga

KREA

Joana Albret 2016/01/29 12:15
Gasteizko Betoñoko KREA leku aproposa Euskal Liburutegi Nazionala sortzeko jarraitzen dugu ikusten

Euskal Liburutegi Nazionala oraindik sortu barik dago. Joana Albret Bibliotekonomia Mintegiak duela bi urte, KREAren afera pil-pilean zegoela, Euskal Liburutegi Nazionalerako leku aproposa Betoñoko KREA izango zela adierazi zuen. 

Vital Kutxako arduradunei, agintari politikoei eta kulturalei hori adierazten idatzia helarazi zien. 

ALDEEk ere  (Artxibategi, Liburutegi eta Dokumentazio Zentrotetako Profesionalen Euskal Elkartea) oniritzia eman zion aipatutako proposamenari,  Euskal Liburutegi Nazionalaren beharra  adierazi zuen, nahiz eta erakunde gisa gehiegi ez zuen nahasi nahi izan.   

Aste honetan Gasteizko auzitegi batek EH Bilduk aurkeztutako helegitea onartu duenez, ematen digu aukera  erakunde publikoa eremu horretan sortzeko, Euskal Liburutegi Nazionala sortu barik dagoenez, eta horren beharra sumatzen jarraitzen dugunez,  hona hemen gure betiko ekarpena. 

Euskal Liburutegi Nazionala Gasteizen kokatzeko aukera gutxienez aztertu dezatela eskatzen diegu berriro Kultura Sailari, Vital Kutxaren arduradunei, Gasteizko Udalari, Arabako Batzar Nagusiei...

 KREA kokaleku aproposa baita, eta horrekin jabego publikoa berreskuratzeaz gain Euskal Herriak behar duen erakunde kulturala ere sortzeko aukera ezin hobea baitaukagu.

Eskaera hau ez da berria; beraz ez gara luzatuko eskaeraren abantailak zehazten, aurreko mezuetan aurki baitizkizuelako (udalak eraikinaren jabegoa berreskuratuko du, eraikina euskal biztanleen interes orokorraren aldekoa izango da).

Gerardo Luzuriaga

Iruineko San Frantzisko Liburutegia

Joana Albret 2016/01/15 19:52
Iruineko Udalak eta Nafarroako Gobernuak Iruineko liburutegirik enblematikoaren alde egin du.

san franciscoAste honetan Nafarroatik oso berri pozgarria etorri zaigu. Joseba Asiron, Maider Beloki eta Asun Maestro liburutegien zuzendariaren ahotik ailegatu zaigu berria, hemendik aurrera San Frantzisko Liburutegia irekita izango da egun osoa, goizeko 9etatik gaueko 9etara, eta langileek Nafarroako Gobernuak kontratatuko ditu.

Nafarroan eta batez ere Iruinean XX. kulturako erreferentzia izan den zentrua, berriro ospetsu eta entzutetsua izateko bidea ireki du Nafarroako Gobernu honek.

Hemendik aurrera iruindarrek aukera edukiko dute, (alde zaharrean ondo kokaturik dagoen La Agrícola bankuaren egoitza ohia eta Nafarroako Liburutegi enblematiko ohia), ikasteko, edozein informazio jasotzeko, aisialdia  ezin hobeto pasatzeko edo lagunekin geratzeko.

 

Atzean geratu dira urte ilunak, non Nafarroako liburutegietan zentsuraturik zeuden Gara eta Berria egunkariak. Atzean geratu da egindako langileen externalizazioa.

Gerardo Luzuriaga

Katalogatzeko Terminologia

Euskaraz katalogatzeko terminologia Joana Albret mintegikideen ahaleginez egindako lana da. 2000 urtean argitaratu zen Eusko Jaurlaritzako IZOren gainbegiratuarekin eta Iametza enpresaren laguntzarekin internet datu-base bezala eskaintzen da hemen.