Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Araba maite

Olarizura bizikletaz Eusko Jaurlaritzatik abiatuta

trebi 2009/05/17 13:22
. Gaurkoan Olarizura joan gara Eusko Jaurlaritzatik hasita, besteak leztxe, ibilbide erraza eta atsegina ume txikiekin joateko

 

1. Gasteiz etorbidetik hasi, edo Amerika Latindar biribilgunetik, baina Gasteiz Etorbidea hartu eta ia bukaeraraino joan:

Gasteiz etorbidetik goazela


2. Zuzentza jauregiraino:

Gasteizko justizia edo zuzentza jauregira ailegatu

3. Hantxe, jauregia pasa gabe, berau eskumara lagatzen dugula, Laskarai kaletik hartuko dugu:

Laskaray kaletik pasa

4. Unibertsitateko Etorbidera ailegatzeko:

Unibertsitateko Etorbidetik

5. Horren bukaera aldian Izardui Komandante kalea har genezake:

Izarduy Komandante kaletik

6. Iturritxu kaleraino. Hemen bidea errebueltaka doa jardin modoko baten erditik, polita:

Iturritxu kaletik

7. Eta hortxe Olarizu Etorbidearekin lotzen dugu:

Olarizu Etorbidean sartzen

8. Horren bukaeran Olarizuko zelaietan gaude, benetan zelai oooso zabalak, aproposak, besteak beste, janaria etxetik eramateko eta bertan jateko -harrizko mahaiak, iturriak eta gertu daude- umeak jolasteko nahi beste toki daukatela eta gurasoak eta lagunak lasai daudela:

Olarizu Etorbidean

 

Olarizura heltzen

 

Olarizuko zelaiak

 

Olarizuko zelaiak eta jantoki batzuk

9. Hantxe ere Olarizu mendia, txikitxua, baina igotzeko ahalegintxo bat eskatzen dizuna pendiz neketsua daukalako, ematen duena baino gehiago behartuko dizu arsana. Goitik ikuspegi dotoreak:

Olarizu mendia

10. Eta Olarizuko etxea edo "dehesa", zelaien albo batean, goi aldean, inoiz edo erakusketak jasotzen dituena:

Olarizuko etxea edo "dehesa"

Bost kilometro eta erdi joaten, bueltatzen beste horrenbeste. Gasteizko beste toki enblematikoa da.

Gamarrara bizikletaz Eusko Jaurlaritzatik

trebi 2009/05/11 00:35
Gaur Eusko Jaurlaritzatik Gamarrara joango gara bizikletaz, bide erosoa, kotxetik eta aparte.

 

1.- Eusko Jaurlaritzatik, edo, nahi bada, Euskaltzaindia plazatik abiatuta, Arriaga Parkearen albotik joan, Juan de Garay kaletik:

 Arriaga parkearen albotik


2.- Boulevard-aren ondotik segi, Zaramaga kaletik:

Boulevard-aren albotik, Juan de Garay kaletik


3.- Eta bukatutakoan fabrika artean doan bide estuan sartu, Suzuki kontzerionarioaren ezkerretik, ondo markatuta dago, Harrobi bidea da. Hortik aurrera fabriken bizkarretik joango gara:

Fabrika artean 1

Fabrika artean 2


4.- Zurbano-ko Atea kalea gurutzatu eta fabrika batek egiten duen ataritik segi:

Fabrika artean 3, Zurbanoko atea pasatzen


5.- Eta ailegatzen gara Gamarrara. Hor gura baduzu segidu dezakezu, bidegorriak aurrera darrai eta, gogorik badago, pantanoraino joan zaitezke:

Fabrika artean 4

Fabrika artean 5

Gamarratik segidu


6.- Eta nahikoa egin baduzu, bertan geratzerik duzu. Gamarran denetarik duzu, piszinak, jantokia, etzateko tokia, palan egiteko... oso instalazio zabalak:

Gamarra ikusten


7.- Sarrera ondoko tabernan geratzen bazara, toki zabala topatuko duzu, bai barruan eta bai kanpoan, bertako mokaduak ez daude txarto, otartekoen karta ere badaukate, eta bistak... ederrak, guk argazkietan jaso ditugunak baino hobeak:

Gamarrako tabernaren terraza

Ilunabarra-1

Ilunabarra-2

 8.- Joakera egiten baduzu, guztira 4'5 km dira, joan-etorrera egiten baduzu 9 km, jeneralean nahiko lauan. Ume txikiekin egiteko oso aproposa.

 

Bizikletaz Armentiara Eusko Jaurlaritzatik hasita

trebi 2009/04/24 00:26
. Pasiadatxo errez eta laburra egin gura duzu bizikletaz Gasteizen? Hona hemen posibilitate bat, ume txikiek nahiz nagusiok denok ondo pasatzeko.

 

1. Amerika Latindarraren plazatik abiatuta, Honduras kalea hartzen dugu, eta ondoren Gasteiz ibilbidea osorik, bukatu arte. Bidegorria kalearen albo batean dago eta bakarrik kalearen erdiraino heltzen da. Gero espaloitik joan zaitezkete, problema barik, zabala da eta.

- Gasteiz etorbidea, bidearen hasiera:

Gasteiz etorbidea, bidearen hasiera


2. Gasteiz ibilbidea bukatzean trenbidearen zubiaren azpitik pasa eta Prado parkera sartzen zarete. Hor hasten da ostera ere bidegorria.

-Gasteiz etorbidea bukatzen Prado parkera pasatzeko:

Gasteiz etorbidea bukatzen Prado parkera pasatzeko

-Prado parkera sartzen:

Prado parkera sartzen


3. Hor hasten da paseoaren zatirik ederrena, dena peatonala eta zuhaitz artean. Jende asko dabil bertatik, bidea gozatuz.

 -Prado parkearen albotik, Francisco de Vitoria kaletik:

Prado parkearen albotik, Francisco de Vitoria kaletik

 -Zerbantes pasealekutik:

Zerbantes pasealekutik

 

4. Aldatza igota, Armentia gaintxo bat da, iristen gara. Orain errepidea luzatuz dihardute, eta bukatzen dutenean are pedalkada geihago egin ahal izango dugu.

 -San Prudentzio etorbidea, Armentia begi bistan dugula:

San Prudentzio etorbidea, Armentia bistan dugula

 

5. Armentia basilika erromanikoa da. Paraje ederrean kokatua. Urte askotxo dira eraldatu egin zutela, ez da gorde horren argitasun idatzirik, eta kanpoko itxura zeharo aldatuta dago. Atariarekin zer edo zer jazo eta tinpanoa eta gainerako eskulturak jatorrizko tokitik aldatuta daude, pareta bati itsatsita. Hasierako elizaren hormak berriago egin zuten beste "harrizko kaja" baten barruan dago, kanpoan absidea besterik ez dela gelditu. Eliza arakatzen egon zirenean halaxe topatu zuten, kanpoko pareta berria, karrajo txiki bat tartean eta barruko pareta zaharra. Sartzen den jendea, esaten ez badiote, ez da ezta konturatzen.

 -Armentiako basilika, absidea:

Armentiako basilika, absidea

-Armentiako basilika, tinpanoa:

Armentiako basilika, tinpanoa

- Armentiako basilika, beste zati bat:

Armentiako basilika 3


6. Urtero, San Prudentzio egunean, erromeria izaten da. Bertan zelai zabaltxua dago. Herri txiki edo tarteko batentzako ondo, baina erremeria egiten hasi zirenetik gaur arte Gasteiz asko hazi da, eta gaur egun egun hori zoratzekoa da, bidea ezin estuago bihurtuta alboan jartzen diren saltzaileen kontura, eta belardia eta inguruak txikiegiak dira doan jende guztientzako. Gasteitarrentzako egun ederra da, maitagarria, baina Gasteiz ez da garai bateko herria.

- Armentiko zelaiak: 

Armentiako zelaiak

- Armentiako herria, eskuman basilika:

Armentia herria, eskuman basilika

- Umeentzako jolastokia Armentian:

Umeentzako jolastokia Armentian

 

Guztira, joaten, lau kilometroko bidea da, ez zarete nekatuko. Bueltatu beste lau, guztira zortzi. Nekatzea ere gaitza da, eta umeekin joateko oso aproposa.

Garaio 2008, alderditxo bat

trebi 2009/04/15 23:35
. Garaioko parkea izan daiteke Araban atseden toki ezagunenetako bat. Toki nahiko handia da, eta hemen bakarrik horko txoko baten irudi eta bideo batzuk jasoko ditugu. Beste batean gehiago.

 

    Garaio izan liteke Araban atseden tokirik ezagunenetako bat. Ulibarri-ko urtegian, hego-ekialdean dago, N-1 Errepidean Argomanizen irten eta karretera arruntatik apurtxo bat ekialderuntz joaten, Aguraireruntz, segituan dagoen ezkerreko bidean segituz, Gebara herrirako bidean.


    Pantanoak hor bihurgune pila bat egiten du eta eta horko sakonunetan hainbat hondartza daude -zainduak zer izango dira? bi edo hiru?, belarra nonnahi, kerizpeak ere nahikotxo, nahiz eta eguzki galda denean gehienak hartuta egon litezkeen. Ooooso toki zabala da, ez dago beldurrik bata bestearen gainean egoteko, eta hain ondo komunikaturik egonik Gasteizko jende pila joaten da.


    Oraingo honetan gune horretako baten irudiak jasotzen ditugu. Izango dugu aukera beste bazter batzuen irudiak jasotzeko. Lehenengo hiru fotografia, gero hiru bideo:

Garaio 2008-1:

Garaio 2008-1

 

Garaio 2008-2:

Garaio 2008-2

 

Garaio 2008-3:

Garaio 2008-3

 

Garaio 2008, bideo 1:

 Garaio 2008, bideo 2:

 

Garaio 2008, bideo 3:

Gamarra: igerilekuak 2008an

trebi 2009/04/09 00:36
. Gamarrako igerilekuak 2008 urtean berritu egin zuten. Joaten bazarete ondorengoa topatuko duzue.

 

  Gamarrako igerilekuak 2008 urterako berritu dituzte:

  0. Sartzeko prezioa, 2008 horretan, helduentzako 5,54 €, umeentzako 1,13. Bost urtetik beherakoak-edo ez dute ordaintzen.

  1. Badira hiru igerileku nagusi, bi umeentzako eta bat helduentzako; eta laugarren bat haur txikientzako.
  Umeentzako bi haundi horiek aldatzean sakontasuna kendu diete; eta guztien inguruko hesiak kendu dituzte. Orain, inguruan, errez igaro daitezkeen ohol-langa batzuk jarri dituzte, eta horrekin, lehen zeuden lau tokien aldian, toki bakar baten itxura dauka, ur-tokiak han eta hemenka daudela, edozeinetara errez joan daitekeela. Aldaketa horrekin bakarrik asko irabazi da.

  2. Arbolape itzelak ditu. Lehen ere bai, eta bistakoa da igerileku ingurukoak askoz gehiago erabiltzen direla urrinduxeagoak daudenak baino. Gamarrako bereizgarritasunetako bat dira.

  3. Jolastoki handi berri bat jarri dute, enborrez egindako jarduerak, jostagarriak eta bistarako erakargarriak. Ondo.

  4. Komunak ere berritu dituzte. Kanpotik prefabrikatu itxura daukate, baina barrutik zabalak eta txukunak dira. Beren kolorearengatik errez ikusten dira, eta hori ere eskertzen da.

  5. Ludoteka ere bazen egon garen egunean, eta gure umeak gozatu dute bertan antolatu dizkieten jardueretan. Umeak gustora eta geu ere bai.

  6. Sarrera batean etxe berria egin dute eta, besteak beste, jantoki handia jarri dute. Self Servece moduan dabil, eta, bai, eskaintza aldetik (sei bat lehenengo plater eta hiru edo bigarrengo), bai prezioarengatik (bederatzi euro), merezi du. Eta jaiegunetan ere zabalik dago, udan zein neguan, eta astean zeharreko prezio berean. Pagotxarik badago hauxe bat. Gainera tokia bera be gozagarria da.

 Ondorio moduan: aurten egindako aldaketak zelakoak ziren aditu nuenean eskas geratu zirela eritzi nion, baina orain, ikusi dudanean, benetan asmatu dutela uste dut. Orain arte gabezi handiak zituen, toki mordoa oso txarto erabilita. Orain asko irabazi du, eta konponketa gehiago egitekotan dira, txalupak jarri errekan ibili ahal izateko... Ikusiko dugu nola bukatzen duten, baina hasiera ona izan dute.

    Argazkirik ikusi nahi? Hona dozena eta bat gehiago:

    1. Gamarra: sarrera eta frontoiak:

Gamarra: sarrera eta frontoiak

 

    2.Gamarra: sarrera eta tunbonentzako tokia:

Gamarra: sarrerak eta tunbonentzako tokia

 

    3.Gamarra: igerilekuetara iristen:

Gamarra: igerilekuetara iristen

 

    4.Gamarra: komun modernoak:

Gamarra: komun modernoak

 

    5.Gamarra: ludoteka:

    Gamarra: ludoteka

    6.Gamarra: arbolape bat:

Gamarra: arbolape 1

 

    7. Beste arbolape inguru bat:

Gamarra: arbolape 2

 

    8. Igerilekua nagusientzako:

Gamarra: igerilekua nagusientzako

 

    9: Igerilekua umeentzako

Gamarra: igerilekua txikienentzako

 

   10. Umeentzako beste igerileku bat:

Gamarra: igerilekua umeentzako

 

   11. Gamarra: beste igerileku bat:

Gamarra: beste igerileku bat

 

   12. Gamarra: umeentzako jolastoki bat:

Gamarra: jolastoki bat

 

   13. Gamarra: beste jolastoki bat:

Gamarra: beste jolastoki bat

 

 

Armiñonen "Euskara Añanan Mingainean" festa

trebi 2009/03/22 00:04
. 2008 urtean "XIII. Euskara Añanan Mingainean" festa, orduan Armañonen. Egun ederra ikuskizunez gozatzeko, parte hartzeko eta familian gustora egoteko. Familian egun pasa egin nahi duzuela irailean? Aukera ona.

    Añako eskualdean urtero iraila aldian ospatzen dute bertako euskara festa, "Euskara Añanan Mingainean", aurten XIII.a, eta urtero herriz aldatzen dute. Ikastolen jai erraldoikin konparatuta txikiagoa izan daiteke erromeria hau baina familian pasatzeko beti ederra. 2008ko programan izan genituen: artisautza erakusketa, Pirritx eta Porrotx, bai, PIRRITX ETA PORROTX!, dantzariak, pelota partiduak, Wushu Kunfu erakusketa bat, trikitilariak, txosna bat jan-edanaz ondo hornitua, umeentzako dibertsioak -herri kirolekin lotuak aurten, eta zelako arrakasta!, ikaragarria umeei zenbat gustatzen zaien!-, eta musika talde inportante bat, ihaz Oskorri, aurten Gozategi. Primeran gertutik ikusteko.


    2008 horretan Armiñonen izan zen eta herriak berak bere gune dotoreak ere eskeini zizkion festari: erreka ederra eta bertan bainatzeko aukera eta alboko zelaian gustoara jan ahal izatea... Ondo egoteko ez dugu gehiago eskatzen. Armiñon eta Añanako euskara festa ez baduzue ezagutzen zuek galtzen duzue!

1. Armiñon, errekaren erriberatik:

Armiñon zubiaren beste aldetik ikusita

2. Armiñon, erriberako jantokia:

Armiñon, zubiaren beste aldeko zelai jantokia

3. Armiñon, erriberan jaten:

Armiñon, zubiaren beste aldean jaten

4. Armiñon, kaleko giroa 2008ko "Euskara Añanan Mingainean" festan:

Armiñon, kaleko giroa 2008ko euskara festan

5. Armiñon, bertsolariak:

Armiñon, bertsolariak

6. Armiñon, aizkolariak:

Armiñon, aizkolariak

7. Armiñon, txalapartariak:

Armiñon, txalapartariak

8. Armiñon, ingudea altxatzen:

Armiñon, ingudea altxatzen

9. Armiñon, trontxalariak:

Armiñon, trontzalariak

10. Armiñon, lastoa jaulkitzen:

Armiñon, lastoa jaulkitzen

Inkesta elektoralen iruzurra

trebi 2009/03/13 00:32
Orduan irakurri zenituen boto aurreikuspenak ahaztu dituzue? Normala, saldu zizkizutenak dira interesatuenak haiekin inor ez dadin akordatu. Gogora itzazue.

 

   Halako batean akordatu eta, tira, elekzioak pasata eta gero, argitaratu ziren inkesta elektoralak eta benetako emaitzak konparatzea otu zitzaidan. Ez zen hain erraza izan inkesten bilduma bat ateratzea, baina azkenean, eta Wikipediari esker, oso lagin politta lortu dugu: http://tinyurl.com/basfg2

     Argitaratu zutena eta errealitatea alderatuta, normala komunikabide konbentzional horiek inkesta horiek izkutatu nahi izatea.
 
    Gogoratuko dizkizuet benetako emaitzak: PNV 30, PSOE 25, PP 13, Aralar 4, EB 1, EA 1, UPD bat. 
 
    Eta orain komunikabide denajakintsu horrek saldu zutena. Batasunarenak edo botu anulatuenak ezin aipatu komunikabide horientzako ez direlako esistitzen. Ez ditut denak jasoko, horretarako baduzue goiko helbide elektronikoa, baina batzuk aipatzeagatik:
 
    1. "Euskobarometroa", Paco Llera katedratiko prestuarena: PNV: 26-28, PSOE 25-27, PP 13-15, EB 3, EA 2-4, Aralar 1, UPD 0.
 
    Hau da, PSOE eta PPrenak bai asmatu zituen, jartzen zituen aukeren artean mail apalenean; baina PNV, EB, EA, Aralar eta UPDren kasuetan ez zuen inondik inora ere asmatu. Zazpitik bi bakarrik asmatu zituen. Kalitate horretarako gutariko inork egiten duen edozein aurrikuspen edo porrak balio bera dauka, ez genuen gutxiago asmatuko, eta askoz diru gutxiago gastatuz. Emaitz enpirikoak frogatu dute Euskobarometroa kaka bat dela, horregatik horiek egiteari lagako dio? Apustuak onartzen dira, nik diot berdin-berdin egiten segituko duela.
 
    2. CIS, Centro de Investigaciones Sociológicas. Espainiako ikerketa zentroen bedeinkapen guztiekin: PNV 27-28, PSOE 26, PP 11-12, EB 3, EA 3-4, Aralar 3, UPD 0-1.
 
    Guztira, zazpitik asmatu du bat, UPDrena. Eta CISek bere burua erakunde serio moduan saltzen du bere burua. Berriro diot, halako argitalpenak ez dira tabernetako porrak baino fidagarriagoak.
 
    3. El Diario Vasco-El Correo Español: PNV 27-29, PSOE 26-28, PP 11-12, EB 2-3, EA 2-4, Aralar 3, UPD 1.
 
    Kalitate berbera, zazpitik ere bakarra asmatu, UPDrena, bestetan huts. Eta hauek dira EKAn gehien saltzen diran egunkariak. Sinesgarriak.
 
    Eta jeneralean antzeko erresultaduak ematen zizkieten: PSOEri errealitatea baino gehiago, PNVri gutxiago, eta EA, EB eta Aralarrekin errakuntza totala.
 
    Hurrengo hauteskundeetan egiezue kasu halako inkestei, aurtenguak ikusi eta gero ez baduzue ikasi.

Urduñako igerilekuak

trebi 2009/03/06 00:14
. Urduñako igerilekuetara 2008an egindako bisita, ikusi gura duzu ea interesatzen zaizun?

 Urduñako (erdaraz Orduña, Bizkaia) igerilekuak, "La Muera aisialdia" izenekoak, Urduña herriko kanpoko aldean daude, Bilborako errepidean, kilometro eta erdi batera edo.


 Hiru igerileku ditu, bat txikientzako, beste bat nagusientzako (hauek biok bata bestearen ondoan) eta beste bat handiagoa, olinpikoa edo, gu egon garenean konpontzen zebiltzatela.


 Jateko nahiko ondo, tabernan (erreserbatu daiteke: 945 383394) entsalada hiru mota (razio handia), plater konbinatuak, hainbat, bestelako razioak..., mahaia atonduta, toldope zabala... Ondo. Horrez gain, tabernaz gain, hortik zehar dauden kanpoko mahaietan ere jan daiteke, tabernan erosita edo etxetik eramana. Primeran.


 Umeak jolasteko zabuak, parrapasak, zelai zabal-zabal-zabalak eta berde-berdeak, gerizpea nahibeste. Jende guztia, gura izanez gero, nasai-nasai egoteko modokoak. Zati bat piszinetatik kanpo, baina alboan eta batetik bestera pasatzeko batere problema barik. Biblioludoteka eta bibliopiszina.


 Sarrera oso merkea, 8 urte azpikoek ez dute pagatzen eta 18 urtetik gorakoak astegunetan 2 euro (bai, beste inon baino merkeago), eta jai egunetan 3 euro heldu bakoitzeko. Komunak eta aldagelak handiak, zabalak eta garbiak. Aparkatzeko problemarik ez.


 Guztira, oso-oso onak. Ezagutzen ditugunen artean Araba osoko onenak izan litezke, nahiz eta administratiboki Araba izan ez.

    Irakurri beharrean ikusi gura duzula zelakuak diran? Segi ba aurrera

   1

Urduñako igerilekua 01

 

2

 Urduñako igerilekua 02

 3

 Urduñako igerilekua 03

4

 Urduñako igerilekua 04

5

 Urduñako igerilekua 05

6

 Urduñako igerilekua 06

7

 Urduñako igerilekua 07

8

 Urduñako igerilekua 08

9

 Urduñako igerilekua 09

10

 Urduñako igerilekua 10

11

 Urduñako igerilekua 11

Okondoko igerilekua

trebi 2009/02/21 01:03
. Okondoko igerilekua: 2008an egindako bisitaren ondorioz sortutako komentarioak eta fotografiak

    Okondo, edo Oquendo moduan ere topatuko duzue, Laudiotik kilometro gutxitara.

    Igerilekuak, eta horrekin batera kirol gunea, ez dago ondo seinalizatua, herriaren albo batean dago, Okondotik urtetzen eta Respaldizarako bidearen hasieran, ezkerreruntz jeisten den bide estu baten sartu eta gero.

    Piszinak eta ondoko taberna eta jan gunea bereizita daude, jan gunea erabiltzea libre da, bertan dagoen tabernian plater konbinatuak eta razioak ematen dituzte. Jateko tokia eta igerilekuak (umeentzako bat 0'35eko sakontasunaz, eta helduentzakoa) ondo daude. Aldagelak ere igerileku ondoan daude baina aparte, independiente erabili daitezke, hauek ondo baina agian apurtxo bat zaindu barik edo, ohikoa.

    Herriko tokirik biziena dira igerilekuak, gutxienez eguraldiak laguntzen badu. Herria pixka bat funtsa bakoa iruditu zaigu, orain dela gutxira arte oso txikia izango zan eta azkenengo urtetan etxe berri askotxo egin dute, hainbat etxebizitzetako blokeak, baina guri behintzat ez digu eman asmatu dutenik, herri estruktura eman ziezaioketen (plaza bat, biltzeko toki lasai bat...), eta edozein arrazoirengatik ez diote eman. Azken batean etxe batzuk hor solteka.

    Sarrerak: nagusiak 3,40 €, umeak 0'90 €.

    Hemen gure bisita fotografikoa:

1,

Okondoko igerilekuak 1

 

2.

Okondoko igerilekuak 2

 

3.

Okondoko igerilekuak 3

 

4.

Okondoko igerilekuak 4

 

5.

Okondoko igerilekuak 5

 

6.

Okondoko igerilekuak 6

 

7.

Okondoko igerilekuak 7

 

8.

Okondoko igerilekuak 8

 

9.

Okondoko igerilekuak 9

 

 

Soinujolearen semea / Bernardo Atxaga; eta El Paiseko kritika

trebi 2009/02/06 00:45
. Liburuaren eta kritikaren kritika: barrikadetara! Gora Euskadi askatuta! Arriba España!

   Azken aldian Bernardo Atxagaren Soinujolearen semea leitzen egon naiz. Denbora behar da, 475 orrialde ditu eta, baina denbora laburra da gustoko jardueretan.  

    Hasi eta gutxira harrituta nengoen, hori ez zen nik ezagutzen nuen Atxaga, hasieratik politikoki nahiko nabarmena zen, antifrankista, XX. mendearen bigarren erdiaren historiaz guk gehixenok izan dezakegun ikuspegi bertsua zeukan, baina Espainian -eta Atxagak merkatu horretan nahiko erosle omen dauka- erdiak edo gustoko izango ez zuena. Alde horretatik Atxaga benetan ausarta izan da, ez da berdina merkatu horretan ezer saltzen ez duenak horretan inplikatzea, edo horrelako gauzak kontatuz patrikan mina izango duenak bere egi hori kontatzea.
 
    Ez dugu Atxaga deskubriduko, nobela ondo dago, oso ondo, eta gero eta aurrera egin hobeto. Baina balore literarioz gain ikuspegi ideologikoa ere oso inportantea da halako lan batean. Irakurlea kritikoa bada "frankismoaren" izenaren azpian gordetzen den guztiarekin errezago gustora leitzea, baina irakurlea frankismo horren hur badago -ez dagoela? Ja!- hasieratik amorrua sentiduko du idazle eta obra horren kontra.
 
    Nik ez nuen liburu hori erosi, erregalau egin zidaten (seguruenean zer zen jakin gabe, "Atxagaren lan bat") eta arasean izan dut harik eta egun batean aurreko eleberria bukatu eta zer hartuko nuen garbi izan ez nuen arte. Koiu nuenean ez nuen gogoratzen El Paisen bere kontra botatako artikulu-misila [http://tinyurl.com/dlsvtq], baina irakurtzen hasi eta nobelaren gaia zein zen ikusi orduko akordatu nintzen egunkari horretan jaurtikitako "kritika" horrekin. Eta biak ikusita, liburua eta kritika, dena logiko iruditu zait. Esana dut, frankismoren mundutik gertu daudenak, normala eskumikazioka hastea, normala mezulariaren kontra gaitz guztiak botatzea, normala gorrotoz idaztea eta ahalik eta min gehiena egiten ahalegintzea. Lerroalde bat jaso gura dut, hori da eta kritikalariaren diskurtsoaren ernamuina:
 
    "[A] La beatitud y el maniqueísmo de sus planteamientos hace inservible El hijo del acordeonista como testimonio de la realidad vasca. [B] A este respecto, la novela sólo vale como documento acrítico de la inopia y de la bobería -de la atrofia moral, en definitiva- que no han dejado de consentir y de amparar, hoy lo mismo que ayer, de forma más o menos melindrosa, el desarrollo del terrorismo vasco."
 
    Hau da, [A]: "kontatzen duen historia ez da egia", bai, frankisten historia ez da, eta ez da ere ez gaur egun Espainian Euskal Herriaz kontatzen den historia ofiziala, ikuspegi horretatik zeharo antiegokia da; eta [B]: Aznarrek, Mayor Orejak, Savaterrek, Garzonek eta diotena errepikatuta, dena da e.t.a. edo e.t.a.ren laguna, jakina, Atxaga ere bai. Zertarako diskutiduko dugu.
 
    Kritikariaren asmoa Atxaga izorratzea zen, dudarik ez dago, baina azkenean mesede bat egin dio, nobelari beste kapitulu bat erantsi dio eta. Halako gorroto biziak ez dira ba Atxagak kontatzen dituen hilketa, lapurreten eta etsaigoen beste erakusketa bat? Atxagak ba omen dauka bere bando partikularra, kritikariak ere badauka berea. Tangoak zioen, 70 urte ez da ezer, eta gerra "zibilatik" ona igual kontuak ez dira hainbeste aldatu.
 
    Nik oso gustora leitu dut nobela hori, gauza askorengatik, eta, irakurtzea pentsatzen ez nuenez, batez ere, edo dena, pentsatzen ez nituen gauzengatik.  
 
   
Aurkezpena

 

    Blog hau gai batzuen inguruan egiten da, egilea bera, berez, ez da eta batere interesante. Arlo bi jorratuko ditugu gehienbat:

1. famili artean Araban egin daitezkeen txangoak, eta

 2. liburu kritikak.

 Horrez gain, batek daki, idatzi ixilik ez egoteagatik, harrokeria.