Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Eibarko periferiatik

Mikel Larreategiren bloga

Ezin dut gehiago

Mikel Larreategi 2010/12/07 19:55
Hankak leher eginda ditut, gaur hotza eta elurra jasan dugu eta ez dut idazteko gogorik. Gaur argazkiak bakarrik.
Notre Dameko gargola bat
Notre Dameko gargola bat
Musse d'Orsay barrutik
Musse d'Orsay barrutik
Napoleonen hilobia
Napoleonen hilobia
Tour Eiffel elurraren atzean Arc du Triumphtik
Tour Eiffel elurraren atzean Arc du Triumphtik
Champs Elissees Arc du Triumphtik
Champs Elissees Arc du Triumphtik
Arc du Triumph
Arc du Triumph

Ez dut artea ulertzen

Mikel Larreategi 2010/12/06 22:23
Atzoko kanpoko-gauzak ikustearen ostean, gaur, eta euria zela aprobetxatuz, aterpeko gauzak ikusteari ekin diogu.
Bandalismoa 1630 urtean!!

Lehenengo helmuga Louvre museoa izan da. Zer esan museo honi buruz? Ezin da adjektibo bakarra erabiliz definitu. 9 hilabete beharko omen lirateke bertako artelan guztiak ondo, idatzi denak irakurriz eta dena soseguz bisitatzeko.

Hamurabiren Kodea

Goiz baten zer egin daitekeen? Frantziar eskulturak, Napoleonen gela, Luis XVI.aren testamentua eta Maria Antonieta erreginaren azken gutuna irakurri, egiptoko hainbat eta hainbat oroigarri ikusi, Hamurabiren kodea ikusi, greziar zein erromatarren hainbat eta hainbat eskultura eta marmolezko irudi ikusi, Miloko Venus, Samotraciako Garaipenaren eskultura edo Leonardoren Mona Lisa ikusi, Canako Ezkontzen koadro handi eta zoragarria begiratzen orduak eman... Beste mila gauza ere ikus daitezke bertan, baina konturatu orduko ordubiak inguru ziren eta bazkaltzeko ordua ere iritsi da.

Greziako 3 filosofo ezagunen buruak

Saint Chapelleko kristalerak ikusi nahi genituen baina ilara luzeegia eta tenperatura baxuegia zegon. Aldameneko Convergerie ikustera sartu eta Maria Antonietaren zeldan bukatu dugu. Notre Dameko errosetoia eta bertako irudiak ere ikusgarriak dira. Dorreetara igotzeko asmoa gure muturrean atea itxi digun zaintzaileak kendu digu.

Handik berehala Panteoira joan gara. Bertan aurkitu dugun definizioak dioen bezala, Errepublikaren pertsona famatuak omentzeko tenplu laikoa da Panteoia. Bertan daude hainbat eta hainbat pertsonai famaturen hilobiak, hala nola, Marie eta Pierre Curie edo Voltaire eta baita Foucault-en jatorrizko pendulua ere.

Eta handik arte modernoa ikustera joan gara Georges Pompidou zentrura. Han bai ez dudala ezer ulertu. Edozer da artea. Edo sentsazio hori izan dut behintzat. Eta ez zait gaizki iruditzen! Hau da, orain dela 200 urteko margolan bat artea bada, paper baten egindako marra batzuk, edo argazki bat, edo Hiroshimako jendearen erropak errepresentatzen dituzten oihal zuriak ere artea dira. Edo baita musika baten bibrazioarekin musika eragiten duten beste instrumentu batzuk ere. Irteeran, museoetan egon ohi den bisita liburuan ohar bat uzteko gogoa izan dut, baina ez dut ikusi. Agian hori ere artea da.

Foucaulten penduluaArte (?) Modernoa (?)

Ze hotz egiten duen Parisen!!

Mikel Larreategi 2010/12/05 22:37
Zubiaren aitzakia hartuta Parisen nago egun batzuetarako.
Place de la Concorde-ko obeliskoa

Eskerrak hegazkina alde batera utzi eta Hendaian TGVa hartuz Parisera etortzea erabaki genuela. Eskerrak diot, ostiral eta larunbatean Espainiako aireportuetan gertatu zirenak ikusita, TGVan eguna pasatzea ondo etorri zitzaigulako.

Heltzeaz bat, izoztutako lurra ikusi genuen Montparnaseko tren geltokian. Bidebazterrak zurituta zeuden, larunbatean zehar elurra egin baitzuen. Hala ere eguerdi-arratsalde parteko eguzkia medio gehiena izoztu egin zen.

Louvreko piramidea

Gaur igandea izan da lehenengo eguna, ibilbide polita eta hotza, hotz handia egiten du hemen eta datozen egunotan ere hotza izango omen da. Tuilerietako jardinak, Orangerie museoa eta Moneten Les Nymphéas, Concorde plaza, Madeleine eliza, Opera plaza eta eraikina, Vendome plaza eta urrezko miliako dendak, Louvre museoa kanpotik, ... Hainbat gauza dago ikusteko Parisen. Gainera gaur, hileko lehenengo igandea izanda, museoetarako sarrera doakoa da, eta noski bai Louvre zein Pompidou zentruan sekulako ilarak zeuden. Bihar edo etzi ikusiko ditugu lasaiago.

Sacré Coeur

Handik metroa hartu eta Sacré-Couer eta Montmatré-ra joan gara. Ederra eliza eta auzoa. Artisten auzoa omen da, baina turistentzat guztiz prest.

Eta metroari buruz zer esan? Bai, debilidade antzeko bat dut metroekin, gustatu egiten zaizkit. Londresen (eta ez Londonen) joan zen hilean ikusitakoak errepikatuko nituzke. Multikulturalitatea eguneko ogia da. Eta igandea izanda ere metroa goraino beteta. Musikariak edozein bazterretan eta tristeena: eskaleak eta etxerik ez dutenak metroan lo egiten. Kanpoan dagoen hotzarekin metroko geltokietako bazterrak bilatzen dituzte gaua pasatzeko. Hori bai, zikina iruditu zait metroa. Txiza usaina nonahi.

Bihar astelehena egun luzea izango dugu ea Louvre ondo ikusten dugun.

Parisko bista Sacré Coeuretik

 

 

mikel map
Aurkezpena

Mikel Larreategi

Mikel Larreategi Arana

(Eibar, 1981). Informatikaria ikasketa eta ofizioz, CodeSyntaxen egiten dut lan Eibar.ORG bezalako webguneak egiten. Ikastolan nengoela xakean jokatzen hasi nintzen eta horretan jarraitzen dut.