Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / e-gorblog

e-gorren blog pertsonala (komikiak, informatika eta beste)

MythTV bideo-grabagailu eta multimedia-zentro softwarea III: MythTV

e-gor 2004/11/13 00:00
MythTV softwarea zer den
MythTV bideo-grabagailu eta multimedia-zentro softwarea III: MythTV

Irudia: MythTV

PVR eta multimedia-zentro oso bat zure ordenagailuan muntatzeko, MythTV software egokia duzu.

Ordenagailuak PVR baten funtzioak egin ahal izateko software ugari dago, aurreko atalean ikusi genuenez. Zergatik aukeratu dut ba MythTV? Arrazoi hauexegatik:

  • Librea delako
  • Aldizkari baten besteak baino hobeagoa eta konpletoagoa dela irakurri nuelako
  • Bakoitzaren webguneetan dokumentatuta niri ere hala iruditu zitzaidalako
  • Itxura aldetik ere politena iruditu zitzaidalako, eta gainera skin edo itxura ezberdinak jar dakizkiokelako

MythTV-k PVR guztiek dituzten funtzioak ditu, hau da:

  • Grabazio guztiak disko gogorrean izatea
  • LiveTV funtzioa telebista ikustean
  • Programazioan aukeratuz grabazioak programatzea
  • Publizitatea kentzea

Baina horiez gain, beste ezaugarri hauek ere baditu, aparteko aukerako moduluen bidez (oharra: horietako batzuk beste programetako batzuk ere badituzte):

  • Txartel sintonizatzaile bat baino gehiago izateko aukera (hainbat programa aldi berean grabatu ahal izateko edo leihotxo ezberdinetan hainbat programa batera ikusi ahal izateko)
  • DVDak erreproduzitu, ripeatu eta formatuz aldatzeko aukera (MythDVD modulua)
  • Beste bideo fitxategiak ikusteko aukera (MythVideo modulua)
  • Argazki albumak ikusteko aukera (MythGallery modulua)
  • Bideo-jokoekin jolasteko aukera (MythGame modulua)
  • Musika entzun eta ripeatzeko aukera (MythMusic modulua)
  • RSS bidez berriak irakurtzeko aukera (MythNews modulua)
  • Eguraldia (gaurkoa, iragarpena, satelite irudiak...) ikusteko aukera (MythWeather modulua)
  • Web bidez grabazioak programatzeko aukera (MythWeb modulua)
  • Bideo-konferentzia (MythPhone modulua)
  • Interneteko nabigatzailea (MythBrowser modulua)

Ikusten denez, MythTV PVR soil bat baino gehiago da. Multimedia eta aisia zentru gisa erabiltzeko pentsatua dago. Ordenagailu bat izan dezakegu MythTV-rekin telebistari konektatuta, eta managailu baten bidez (txartel sintonizatzaile gehienekin datoz hauek) etxeko multimedia guztia kudeatu eta ikusi, hainbat informazio jaso internetetik, telefonoz hitz egin... Beraz, horrelako aparatu batek bideo-grabagailua, DVD erreproduzigailua, musika aparatua, ordenagailua eta telefonoa ordeztuko lituzke!

Hurrengo baten kontatuko dut MythTV instalatzen izandako esperientzia.

Aurreko artikuluak:

MythTV bideo-grabagailu eta multimedia-zentro softwarea II: PVR-a ordenagailuan

e-gor 2004/11/07 00:00
Nola baliatu PVR-en funtzioez ordenagailu arruntean
MythTV bideo-grabagailu eta multimedia-zentro softwarea II: PVR-a ordenagailuan

Irudia: www.byopvr.com

PVR-ak hemen merkaturatu artean, badago aukera sistema horien abantaila eta mirarietaz gozatzeko: ordenagailu normal bat munta dezakezu PVR gisa lan egin dezan, hardware egokia baduzu eta doako softwarea erabiliz. Gaur egun saltzen diren ordenagailu ia guztiek dute PVR gisa erabiltzeko hardwarea. Hori nola egin azaltzen duten webgune ugari ere badago (Build Your Own PVR adibidez). Aurrekoan aipatutako PVR-en ezaugarriak kontuan izanik, hau da beharko dugun hardwarea:

  • Disko gogorra: PVR-ak disko gogorrean oinarritutako bideo-grabagailuak direnez, disko gogor bat beharko dugu; hau gaur egungo ordenagailu guztiek dakarte.
  • Interneterako konexioa: telebistako programazioa jaitsi ahal izateko, interneterako konexioa behar dugu; hau ere ia ordenagailu berri guztiek dute, dela ADSL, kable edo modem bidez.
  • Txartel sintonizatzailea: telebistako programak grabatu ahal izateko, gure ordenagailuak telebista ikusi ahal izatea behar dugu; horretarako erabiltzen dira txartel sintonizatzaileak; hauek ere gaur egungo ordenagailu berri askotan datoz, eta bestela ere oso merkeak dira.
  • Telebistarako irteera: ez da derrigorrezkoa, ordenagailuaren monitorean ikusi baitezakegu PVRa, baina bai beharrezkoa telebista aparatuan ikusi nahi badugu; hauek ere gaur egungo txartel grafiko gehienetan daude.
  • Soinu txartela: beharrezkoa telebista eta programak ikusteaz gain entzun ere egin nahi baditugu; hauek ere edozein ekipotan daude.
  • Urruneko managailua: hau ez da derrigorrezkoa, nahi badugu teklatuaz kontrola baitezakegu gure PVRa (gaur egun kable gabekoak oso ohikoak dira), baina erosoa bada; txartel sintonizatzaile gehienek badakarte, edo bestela aparte eros daiteke.

Hardwarea edukiz gero, hardware hori guztia PVR gisa lan egiten jarriko duen softwarea behar dugu. Horrelako software asko dago. Gama altuko txartel sintonizatzaile batzuk beraiekin badakarte PVR-en funtzio gehienak egiteko softwarea. Windows plataformarako ere horrelako doako softwarea badago (GB-PVR adibidez). Eta Linux -erako badago software libre ugari: VDR, Freevo, MythTV...

Nik MythTV zer den, nola dabilen eta berau instalatzen izandako esperientzia azalduko dut hurrengo ataletan.

Aurreko artikuluak:

MythTV bideo-grabagailu eta multimedia-zentro softwarea I: PVR-ak

e-gor 2004/11/01 00:00
PVR-ak (Personal Video Recorder) zer diren
MythTV bideo-grabagailu eta multimedia-zentro softwarea I: PVR-ak

Irudia: Tivo

Etxean telebistaren ondoan VHS bideo-grabagailu bat duzu eta laster gero eta merkeago dauden DVD grabagailu horietako bat erostekotan zaude? Ez ezazu dirua bota! Itxoin apur bat gehiago PVR-ak hemen merkaturatu arte, edo egin zuk zeuk zure PVRa.

Zer da PVR bat? PVR-k Personal Video Recorder esan nahi du. Bideo-grabagailuen hurrengo generazioa da. Bideo-zintetan oinarritutakoak izan ziren lehenengo, eta oraindik ere hori da gure etxeotan gehien ikusten dena. Gero duela urte pare bat DVD grabagarrietan oinarritutakoak etorri ziren, orain artean gutxi ikusi direnak beraien prezioa dela-eta, baina prezioa jaisten doan neurrian gero eta gehiago ikusten direnak. Baina hurrengo generazioa existitzen da jada, nahiz eta hemen oraindik ez den merkaturatu.

Hurrengo generazioa disko gogorrean oinarritutakoak dira, PVR izenez ezagutzen direnak. Hemen ez dira oraindik merkaturatu, baina AEBetan badira urte batzuk badaudela, eta hona ere iritsiko dira. Teorian luze gabe hemen egon beharko lukete, baina, ziurrenik interes komertzialak medio, atzeratzen ari da. Seguru aurrez DVD grabagailu asko saldu nahiko dituztela, egindako inbertsioa amortizatzeko, eta gero etorriko dira esaten teknologia hori hilda dagoela eta etorkizuna hurrengo generazioa dela (telefono mugikorrekin egiten duten gisan).

Disko gogorrean oinarritutako PVR hauek abantaila garbia dute DVD grabagailuekiko: ez duzula DVDak sartu eta atera ibili beharrik. Disko gogor handi bat duzu eta hor dauzkazu grabatutako filma edo programa guztiak, menu batetik aukeratu eta nahikoa. Baina ez da hori bakarra:

  • PVR aparatu horiek interneterako konexioa dute, eta konexio horren bidez telebista-kateen programazioa jaisten dute zerbitzu hori eskaintzen duen webgune batetik. Horrela grabatu nahi duguna ez daukagu era klasikoan programatu beharrik (katea - eguna - hasiera ordua - bukaera ordua), programazioan programa aukeratu eta kitto.
  • Horrela, programazioan edo ordutegian aldaketarik badago ere, ondo grabatuko digu programa (baldin eta aldaketa iragarri badute eta interneteko programazio zerbitzuan jarri badute).
  • Gainera, serie bateko kapitulu guztiak grabatzeko esan diezaiokegu, eta oporretara joan lasai...
  • Grabatutakotik publizitatea detektatu eta ezabatu daiteke automatikoki.
  • Disko gogorrean posible denez aldiberean idatzi eta irakurtzea, Live TV funtzioa erabil daiteke. Zer den hau? Ba programa bat ikusten bagaude eta zerbaitek eteten bagaitu (kakagureak, telefono dei batek...), programa hori pausatu eta gero ikusten jarraitzeko aukera. Bideo-grabagailu konbentzionalean grabatzen jar dezakegu, baina gero dena hurrengo egunean ikusteko, handik ordu laurdenera amaitzen dugunean ezin baitugu grabatutakoa ikusten hasi grabazioa gelditu gabe... Live TVren pausa-funtzioa grabatzen hasiko da, baina itzultzen garenean grabatutakoa ikusten has gaitezke berak grabatzen jarraitzen duen bitartean.

Esan bezala, AEBetan badaude horrelako asko. Informatikari askori ezaguna egingo zaizue agian TiVo (slashdot-en sarri aipatzen duten PVRa, Linux-en oinarrituta baitago). Hona ere etorriko da, interes komertzialek baimentzen dutenean. Baina bitartean, zuk zeuk egin dezakezu PVR bat ordenagailu batekin eta MythTVrekin...

...jarraituko du...

Informatika atalaren aurkezpena

e-gor 2004/10/26 02:00
Zer lortu nahi dudan atalarekin

Informatikan egiten ditudan ibilera eta aurkikuntzen berri ematea da atal honen helburua, beste batzuei lagungarri suerta dakiekeelakoan. Hemen ere, komikietan bezala, kolaborazioak onartzeko prest nago.

Xabier Mendiguren eibar.org-eko kidearen blogeko aurkezpenaren antzeko zerbait egin beharko banu, hau esango nuke: informatikaria naiz formazioz, informatikaria ofizioz, informatikaria afizioz, informatikaria bokazioz, informatikaria bizioz, informatikaria bedeinkazioz edo madarikazioz (eta bestela galdetu neskalagunari!). Tira, pixka bat exageratu dut, hori ez da nire fazeta bakarra (ikus bestela komikien atala), baina nire alde garrantzitsu hori islatuko da atal honetan.

Komikien atalaren aurkezpena

e-gor 2004/10/25 02:00
Zer lortu nahi dudan atalarekin

Ez dago gune askorik euskaraz komikien inguruan aritzeko, eta blog honen atal honen bidez hutsune hori betetzen lagundu nahiko nuke.

Ez guztiz, noski, zeren ez da foro guztiz ireki bat. Blog pertsonal bat da, eta nik dut bertan publikatzeko ardura eta baimena. Baina gune irekia izateko intentzioarekin jaio da gune hau, eta komikiren baten inguruko artikulu bat euskaraz idatzi nahi duenak ateak zabalik ditu hemen publikatzeko, niri bidaltzea besterik ez du. Eta bestalde, erantzunen aukera guztiz irekia izango da.

Nire asmoa noizean behin egiten ditudan aurkikuntzen eta nire komiki kuttunen berri ematea da, eta beste edozeini ere aukera ematea bertan horrelako gauzak publikatzeko. Euskarazko komikigintzari arreta berezia jarri nahi nioke, baina ez da soilik euskarazkoa tratatuko, bestela urtean behin soilik publikatuko nuke zeozer!

Ez da blog honen helburua komiki munduan dauden berri guztiak (komiki berriak, feriak...) publikatzea, beraz ez beza inork horren bila jo edo haserretu ez dugulako zerbaiten berri eman. Blog xume honen baliabideak murritzak dira, eta helburua noizbehinka komentario batzuk idaztea da, besterik ez. Baina nork daki, bertan laguntzeko prest dauden kolaboratzaile asko agertuz gero, agian bihur daiteke komikigintzako notizien euskarazko gunea egunen baten...

Euskara eta komikigintza, bi mundu txiki eta marjinal... Zenbat jende egongo da bi afizioak dituena? Eta gainera interneten ibiltzen dena? Inork irakurriko al du hau? Batzutan pentsatzen dut masokista naizela...

e-gorblog

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.

Spider-Man
80%
Superman
70%
Green Lantern
65%
Robin
65%
The Flash
60%
Supergirl
55%
Hulk
55%
Iron Man
45%
Wonder Woman
35%
Catwoman
25%
Batman
0%
Lizentzia

Creative Commons-en baimena
Blog honetako edukia, Igor Leturiak eta beste kolaboratzaile batzuek egiten dutena, Creative Commons Aitortu-PartekatuBerdin 3.0 Unported baimen baten mende dago (irudiak salbu).

Harpidetza
Erantzunen harpidetza
Artxiboa
2004 2005 2006 2007 2008 2009 2010 2011 2012 2013 2014 2015 2016 2017 2018 2019
Artikulu aipagarriak

MythTV sorta
2004/11

"Pololoak" sorta
2004/11-12 - 2006/10-12 - 2007/02-03

Monoblogoa
2005/01/11

"Persepolis", xalotasunaren sakontasuna
2005/01/25

Elgetako Blogs&Beers 2005: nire inpresioa eta moblogging kontuak
2005/04/18

Firefox eta bere plugin zoragarriak
2005/05/11

"El País"-en komiki bilduma
2005/05/15

Euskarazko bi blog berri (bai, beste bi, baina hauek bereziak dira!)
2005/05/25

"Watchmen" sorta
2005/09-11 - 2006/10 - 2007/10 - 2008/07

"La cárcel de papel"-eko "Mis tebeos favoritos" saila I: 1etik 20ra
2005/11/08

"Goienkaria"-n agertu naiz
2005/12/08

Komikiak eta euskal rock-a
2005/12/14

Ruben Arozena "Ruben" komikigilea hil da
2006/01/02

Zope-rako DTML Calendar Tag produktua, euskaraz
2006/02/01

"Joyas Literarias Juveniles" bilduma, osorik eMule-n
2006/08/05

Argazkigintza eta DRM-a
2006/10/09

Paul Auster eta Euskararen Herria
2006/10/29

Angoulême sorta
2007/01-02

Gaur duela 25 urte nire bizitza aldatu zen
2007/04/23

Hergé-ren defentsan
2007/05/22

Ubuntu-ren bertsio berria, hobekuntza askorekin
2007/07/02

OLPC sorta
2007/12 - 2008/01

Guillermo Zubiaga, Marvel-eko komikilari euskalduna
2008/02/05

Asus EEE PC, ordenagailu txiki eta merkeen hurrengo sorta
2008/03/11

Agur, Ipurbeltz, agur... :-(
2008/08/04

"Café Budapest", gizatasuna eta bizikidetzaren aldeko aldarria
2008/08/25

"Arturo Erregea" serie mitikoa, Euskal Encodings-en! (beste askorekin batera)
2008/09/17

"Gazteak", beste serie mitiko bat euskaraz eskuragai!
2008/10/14

Pottokiek 50 urte!
2008/10/22

Europan ere OLPC-ren XO ordenagailuak erosteko aukera!
2008/11/12

Microsoft-en web zerbitzuetako gehienak, euskaraz!
2008/12/04

"Heroes"-en 2. denboraldia: ETB kirtenkeria errepikatzera, eta Euskal Encodings konpontzera
2009/01/23

I. Euskal OLPC Party-a, apirilaren 23an Donostiako Doka kafe antzokian
2009/04/16

Elkarrizketa egin didate 7K-n
2009/06/03

Azpiriren Spectrum-entzako jokoen azalak liburu batean
2009/10/06

Asterix, heroi garaitua
2009/10/29

"Ihes ederra", euskarazko komikigintzaren heldutasunaren konfirmazioa
2009/11/13

Pololoak 3: The making of
2009/11/22

5 urte 5!
2009/12/15

Nobela grafikoa, komikien prestigiorako ala mespretxurako?
2009/12/20

"Pololoak 3 - Atxeritoko balada", trilogiaren amaiera borobila
2010/01/13

Sinclair ZX Spectrum bat oparitu didate!
2010/01/19

Zergatik ez dudan liburu elektronikorik erosiko (gauzak aldatzen ez diren artean)
2010/01/27

Errealitate areagotua: munduaren pertzepzioa aberasten
2010/02/09

e-gorblog, "Nick dut nik" telebista saioan
2010/05/20

Sarearen neutraltasunari erasoak: Interneten izaera arriskuan
2010/06/02

"Avatar, azken aire maisua" osoa eta "Heroiak"-en lehen bi denboraldiak, Euskal Encodings-en
2010/07/22

Sistema eragileen guda berria
2010/12/14

Anubis 3.0 albumarentzat 3D animazio ederra
2010/12/27

Telebistaren benetako iraultza hemen da, eta ez da LTDa
2011/01/10

"Asterix galiarra" eta "Urrezko igitaia" berrargitaratu ditu Salvatek
2011/01/13

Euskarazko komikigintza digitalizazioaren aurrean
2011/01/27

"Ihes ederra"ren gaztelaniazko eta katalanezko bertsioak eta "Alokairuan", kalean
2011/02/20

Star Wars jatorrizko trilogia, euskaraz
2011/03/21

Sare sozialetan preso
2011/04/06

Zer dudan Steve Jobsen, edo Appleren, aurka
2011/10/14

Gaur 100 urte Adèle Blanc-Sec-en abenturak hasi zirela
2011/11/04

Euskarazko 8 komiki berri
2011/12/02

Social networks killed the RSS star?
2012/06/10