Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / e-gorblog

e-gorren blog pertsonala (komikiak, informatika eta beste)

IEB 2005eko moblogging-a azkenean!

e-gor 2005/04/28 23:33
Azkenean lortu dut!

Oraintxe, nire urtebetetze eguna amaitzeko ordutxo bat falta denean, jaso dut azken oparia: Euskaltelekoek konpondu dute neskalagunaren mugikorretik MMSak bidaltzeko nuen arazoa, eta Informatikari Euskaldunen V. Bilkuran telefono mugikorrarekin egin nituen argazkiak blogera posteatu ahal izan ditut.

Orain arte deitzen nien bakoitzean bi konponbide probatzen zituzten: beraiek beraien ordenagailuan nik MMS-ak bidaltzeko aukera berraktibatzea edo niri mezu bat bidaltzea MMS-en bidalketa konfiguratzen zidana. Baina biek beti kale.

Gaur erantzun didanari insistitu diot horiek askotan probatu ditudala eta ea ezin den beste ezer egin. Esan dit: "¿y no le han intentado configurar su teléfono manualmente?". Pues ez. Orduan esan dit beste telefono batetik deitzeko mugikorra eskutan nuela, eta konfigurazioko datuak banan-banan errepasatu ditugu. Dena ondo zegoen, baina bukaeran konfigurazioa gordetzeko esan diot. Ba ez nuen uste ezer konponduko zenik, konfigurazio guztia ongi izanik, baina konpondu da, aizue!

Bidalitako mezuak automatikoki agertu dira blogean, baina oraingo data eta orduarekin. Aurreko ostiraleko data eta gutxi gorabehera bidali nitueneko ordua jarri diet. Horrez gain, technoratin IEB2005-eko beste gauzekin batera ager zitezen esteka bat jarri diet, Garik eskatu bezala.

Argazkiei buruz, oraingoan bereizmen aldetik kalitate hobea dutela iruditu zait. Baina ez daude ongi argitasunari dagokienean. Jokatu nuen mugikorrean argitasun ezberdinak probatuz, baina beti edo proiekziokoa argiegi zegoen eta ezin zen irakurri, edo aurkezlea eta jendea ilunegi agertzen ziren. Lehenean izan ezik, beste hiruetan zoom-a erabili nuen (zoom digital kaxkarra da eta ez optikoa, argazki txikiagoak ateratzen ditu aukeratutakoan zentratuta, eta kitto).

Eta honekin uste dut denbora baterako amaitu dudala moblogging-aren esperimentu hau. Nire blogaren jardun arruntean ez dut hori erabiltzeko asmorik. Agian etorkizunean egiten den beste ekitaldiren baten erabiliko dut berriro (baina ez dut gogoan besterik dudanik denbora luzean), edo noizbait mugikor berriago eta hobe bat eskuratuz gero probatuko dut ostera ere. Nork daki...

Informazio gehiago bilkurari buruz hemen: .

Zorionak niri!!!

e-gor 2005/04/28 16:15
...eta komikiak oparitan!

Gaur San Prudentzio eguna izateaz gain nire 34. urtebetetzea ere bada, eta nire neskalagun bedeinkatuak kristoren oparia egin dit: komiki batzuk erosi dizkit. Aupa!

(A ze esaldi kristaua gelditu zaidan sarreran: San Prudentzio, bedeinkatua, kristorena... Azken asteotako bonbardaketa mediatikoaren eragina nonbait, Ratzinger Z, badakizue...)

Berriz ere, beti egiten duen legez eta nik ez bezala, bete-betean asmatu du Alaitzek. Hona zein komiki oparitu dizkidan (bide batez, erran dezadan irakurri ahala hemen komentatzen joango naizela, noski):

  • Hasteko, dagoen komikirik onena oparitu nahi zidan. Nik argi daukat niretzat behintzat inoizko komikirik onena Watchmen dela eta oso-oso zaila izango du beste edozein komikik postu hori kentzea (laster hemen horri buruz hitz egiteko asmoa daukat). Hala ere, interneten googleatzen ibili zen eta jende askok Batman: El regreso del señor de la noche aipatzen zuela ikusiz, hori erosi zidan. Oso aukeraketa ona, honi buruz beti oso ondo egin didate berba. Frank Miller-ena da, Sin City bikainaren egilea. Komikizale guztion ahotan dabil orain azken honetan oinarritutako Sin City filma, Robert Rodriguez-ek Frank Miller beraren laguntzarekin zuzendu duena, filmera eramatea ederto lortu omen du eta (bai komikietako teknikak orokorrean, bai komiki honen giro iluna, bai dena). Berriki estreinatu dute AEB-etan, arrakasta handiarekin publiko zein kritika aldetik.
  • Jarraitzeko, aurten Angoulêmeko festibala irabazitako Marjane Satrapi-ren Poulet aux prunes oparitu nahi zidan, baina ez zuen aurkitu (ez dut uste Espainian oraindik argitaratu denik). Baina horren ordez egile beraren Bordados oparitu dit. Chapeau!
  • Eta horrekin guztiarekin nahikoa izango ez zelakoan edo, "dendan aurkitutako beste liburu bat" ekarri dit, ez dakiena gustatuko ote zaidan: El gran libro de Charlie Brown. Nola ez zait gustatuko Charles Schulz-en Snoopy-ren tira piloa duen liburu potolo hori?

Beno, bukatzeko, blog honen irakurleen artean bereziki komikizalea ez den norbait balego (izango da informatika atalagatik edo laguntzat naukalako jarraitzen duenik) etxean traban dituen komikirik daukana (txikitakoak oraindik dituelako, norbaitek oker oparitu izan dizkiolako...), jakin dezala atzeratutako opariak onartzen ditudala! ;-)

(Alaitzek akabatu egingo nau blogean berriz aipatu dudala jakiten badu... Beno, ez du bloglines-en harpidetzarik, beraz ea lehenbailehen idazten dudan zeozer gehiago hau portadatik desager dadin...)

Basaurikomik 2005: Basauriko komiki astearen lehenengo edizioa

e-gor 2005/04/26 21:44
Maiatzaren 5etik 8ra

Basaurikomik 2005-en kartela
Irudia: Danimaiz

Kultur Basauri elkarteak eta EIEP (Euskal Irudigileen Elkarte Profesionala)-ek antolatuta, maiatzaren 5etik 8ra egingo da Basauriko I Komiki Astea.

Hauek dira bertan antolatuko diren ekitaldiak:

Maiatzaren 5a, osteguna

  • 19:00tan: Hitzaldia. "La historia de un cómic: La pipa de Marcos". Javier de Isusi eta Fernando Tarancón.

Maiatzaren 6a, ostirala

  • 18:30ean: Mahaingurua. Egile gazteak. Alex Orbe, Enrique Vegas eta Víctor Santos.
  • 21:00etan: Music & Art. Miopía eta The Sinclair taldeak eta Danimaiz eta Javier de Isusi ilustratzaileak.

Maiatzaren 7a, larunbata

  • 18:30ean: Mahaingurua. Habeko mik. Juan Manuel Díaz de Guereñu, José Ibarroña, Rober Garay eta Carlos C. Borra.
  • 19:00tan: Ganorabako sarien banaketa.
  • 19:30ean: Cortomanía proiekzioak.

Maiatzaren 8a, igandea

  • 11:30ean: Komikia kalean. Gazte Leku fanfarrea eta Alberto Pecharomán eta Imanol Balenciaga karikaturistak.

Oharrak

Hitzaldi, mahainguru eta beste ekitaldiak zein hizkuntzatan izango diren ez dakigu. Programa gaztelaniaz iritsi zaigu eta itzuli egin dugu, izenburuak izan ezik.

Berri hau La cárcel de papel webgunetik hartu da.

Komikiak, Espainiako monarkia, blogak eta beste

e-gor 2005/04/24 00:28
Magneto - Juan Carlos Borboikoa aferaren inguruan

Espainiako Erregearen argazkia eta Magnetoren irudia parez pare
Irudia: Alberto Schommer / Mike Mayhem

Espainiako Erret-Etxea eta eguna beroni ipurdia zuritzen ematen duten Espainiako medioak (hau da, ia guztiak) aztoratuta omen daude astearte honetan, hilak 19, Telecincok berria eman zuenetik: Marvel etxeak uda honetan aterako duen "House of M: The Pulse" komikian Magneto irudikatzeko Espainiako erregearen argazki ofizial bat erabili dutela, Espainiako Armadaren Kapitain General gisa agertzen den argazki bakarra hain zuzen ere (komiki hau What if edo "Zer gertatuko zen baldin eta..." unibertso paraleloen seriekoa da, eta bertan Magneto mutanteen errege izatera iristen da).

Berria ez da hain berria, komikien blogosfera jarraitzen dugunok aspaldi genekien. Eta gainera ez da lehenego aldia horrelako zerbait gertatzen zaiona Espainiako monarkiari...

Notizia eta bi argazkiak komikiei buruz Espainian dagoen blog onenak, Álvaro Pons-en "La cárcel de papel"-ek, argitaratu zituen apirilaren 8an. Eta komikizaleon katxondeoaz gaindi ez zuen inongo eraginik izan. Medio tradizional baten agertu zen arte.

Gero eta ohikoagoa bihurtzen ari da hau. Gaur egun, sarri gertatzen zait blog baten berri edo erreportaje bat irakurtzea eta medio tradizional baten handik denbora batera ematea. Blogosferan gaur egun dagoen jende kopurua eta medioaren dinamikotasuna dela-eta, blogak aurrea hartzen ari zaizkie telebista, irrati, egunkari eta enparauei. Eta azken hauek gero eta gehiago erabiltzen dituzte blogak informazio iturri gisa. Blog tematikoek, komikiei buruzkoek adibidez, segituan izaten dute edozerren berri eta ia instantean argitaratzen dute, eta horrelako konpetentzia sano bat ere egoten da nork berri baten primizia eman. Anekdota gisa, esango dut nik beste inon irakurri edo entzun aurretik Frantziako Neuvième Art blogean jakin nuela ia zuzenean aurtengo Angoulèmeko komiki festibalean sari nagusia Marjane Satrapik irabazi zuela, eta nire blogean Espainiako beste edozein blogek baino lehen publikatu nuela (gero beste blog batek eman zion meritu hori bere buruari, euskarazko blogosfera beste mundu bat baita, baina nik harrotasuntxo hori izango dut beti).

Jarrai dezagun hariarekin. Telecincok astearte honetan berria eman zuenetik, gauzak nahastuz joan dira: La cárcel de papel erorita, Espainiako Erret-Etxeko zerbitzu juridikoak neurriak hartzea aztertzen... Lurrikara!

Espainiako komiki-blogosferak, zorionez, ez dauka monarkiarekiko herrialde horretako jende gehienaren iritzi bera. Blog gehienetan aipatu dute, beti barre-tonuan eta asuntoari garrantzia kenduz. Izan ere, liburu, film eta komikietako pertsonaia asko eta asko pertsonaia errealetan inspiratuta egon dira. Hala ere, komentarioetan ez da falta garrantzia kentzen ez dionik, arrazoi hauengatik:

  • Magnetoren irudia ez dago erregearenean inspiratuta soilik, guztiz anaroseatuta baizik.
  • Erregea edo beste norbait izan, irudi- eta egile-eskubideen urraketa garbia dago; egile-eskubideak Alberto Schommer argazkilari gasteiztarrarenak dira
  • "Inspiratutako" pertsonaia ere ez da nolanahikoa, diktadore ero bat baizik! (Magnetori buruz ari naiz)

Edonola ere, aurrez ere oinarritu izan dira Borbondarretan komiki-pertsonaia bat sortzeko. El Gatu-ren blogean jakin dut Hergé ere Tintin-en Le sceptre d'Ottokar komikiko Muskar XII Syldaviako erregea eta Alfonso XIII-ren arteko erlazioarena:

Muskar XII.aren irudia eta Alfonso XIII.aren erretratua parez pare
Irudia: Hergé / Philip Alexius de Laszlo

Egia da kasu honetan antza ez dela hain erabatekoa eta ziur aski Europako beste erregeak ere antzera jantziko zirela garaiotan, baina inspirazio hori dagoela pentsatzeko beste arrazoi batzuk daude: Tintinen abentura horretan, Muskar erregeak bere burua ia-ia abdikatzera behartuta ikusten du (azkenean, noski, Tintinek salbatzen du egoera); Alfonso XIII-k abdikatu egin zuen 1931n, komikiak 1939an argia ikusi baino 8 urte lehenago. Orduan ez zen horrelakorik muntatu... Agian Muskar istorioan pertsonaia on gisa agertzen delako? Edo urte hartan bazutelako arduratzeko gauza garrantzitsuagorik horrelako tontakeriak baino...

Edozein modutan, nork esango zidan niri Borboi baten argazkiren bat jarriko nuela nire blogean... Ba baten faltan, horra bi!!!

Moblogging-ak porrot

e-gor 2005/04/23 00:42
Ezin IEB 2005en argazki kronikarik egin

Gaur ezin izan dut Miramondik Informatikari Euskaldunen V. Bilkuraren moblogging-ik egin. Mezu bat posteatu ahal izan dut, baina gero telefono mugikorra arazoak ematen hasi zait.

Atzo idatzi nuen bezala, telefono mugikorra eramatea erabaki nuen, nahiz eta ez nengoen ziur erabiliko nuen. Baina goizaren hasieran CodeSyntaxeko Mikel Larreategi "erral"-ek galdetu dit ea telefono mugikorra gainean nuen, eurek CoreBlog aurkezten zutenean ondo egongo litzatekeela moblogging aukera ematen duela zuzenean erakustea, aurkezpenaren argazki bat posteatuz.

Ideia gustatu zait, baina behin hastekotan pentsatu dut gutxienez Elhuyarreko eta Elekako lankideen aurkezpenak ere publikatu beharko nituzkeela, eta horrela hasiz gero guztiaren kronika egitea hobe zela.

Eta horretan hasi naiz, lehenengo saioari, aurkezpenari, argazki bat ateraz eta blogean ager zedin MMS bat bidaliz. Dena ongi. Gero hitzaldietako baten ere egin dut eta ondoren aurkezpenetako baten.

Baina halako baten konturatu naiz mugikorrean errore mezu bat zegoela eta ez dizkidala azken bi mezuok bidali. Hainbatetan birbidaltzen saiatuta ere, alferrik. Euskaltel-era deituta ere ezin izan didate konpondu.

Mikelek CoreBlog aurkeztean esan du moblogging aukera ematen duela, nik egin nuela igandean, gaur ere horretan ari nintzela eta agian orain zuzenean ikusi ahal izango genuela (eskerrik asko aipamenagatik!). Nahiz eta ia ziur egon ez nuela lortuko, saiatu naiz, alferrik.

Horrekin penatuta, azkenean ez ditut atera benetako kronika egiteko atera nahiko nituzkeen argazki guztiak (kafea, bazkaria, mahaingurua...) eta orain damu dut. Atera ditudan beste hiru argazkiak gutxienez posteatuko ditut mugikorraren arazoa konpontzen denean (hor gordeta daude), baina atera ez ditudanak...

Blogak ematen dituen satisfakzioetako bat da jendeari bertan esaten eta egiten duzuna interesatzen zaiola jakitea. Nik moblogging-a esperimentu gisa hartu nuen, baina gero jendeari interesatzen zaiola ikusi dut (igandekoaren ondoren erantzunak jaso nituen, Luistxok, Maitek eta Joxek euren blogetan ere aipatu zuten, Oier Araolazak erantzun baten idatzi dit oso ongi etorriko zaiela kronika joan ezin direnei, Mikelen aurkezpenarena ere...)

Azkenean kale guztiei. Sorry. Tira, Oier, argazki kronika utzi du bide tradizionalez eginda (argazki kamera digitalari bide tradizionala deitzen ari natzaio!?) zure anaia Garik hemen...

Informazio gehiago bilkurari buruz hemen: .

IEB 2005 Argazki kronika IV

e-gor 2005/04/22 13:15

Coreblog-en aurkezpena
Coreblog-en aurkezpena

Informazio gehiago bilkurari buruz hemen: .

IEB 2005 Argazki kronika III

e-gor 2005/04/22 12:00

Elekako lankideen produktuen aurkezpena
Elekako lankideen produktuen aurkezpena

Informazio gehiago bilkurari buruz hemen: .

IEB 2005 Argazki kronika II

e-gor 2005/04/22 10:30

Hitzaldi bat
Hitzaldi bat

Informazio gehiago bilkurari buruz hemen: .

IEB 2005 Argazki kronika I

e-gor 2005/04/22 09:59

Aurkezpena
Aurkezpena

Informazio gehiago bilkurari buruz hemen: .

Informatikari Euskaldunen V. Bilkura bihar

e-gor 2005/04/21 23:45
Moblogging gehiago agian?

Bilkuraren kartela
Irudia: UEU

Bihar da UEUk (oraingoan Miramon digitalarekin batera) antolatzen duen Informatikari Euskaldunen Bilkura. Han izango naiz eta, badaezpada ere, berriz eramango dut Alaitz neskalagunaren telefono mugikor kameraduna, moblogging berriz egiteko aukera interesgarri bat ikusten badut-edo erabiltzeko.

Aste gogorra hau geek euskaldunontzat. Igandean lehen euskal Blogs & Beers izan zen, eta bihar IEB 2005. Sarri hilabeteak pasatzen dira ezer egon gabe, eta orain bi horrelako aste baten! Tira, broma da, ederto pasatzen dugu horrelakoetan. Bi urtean behin izaten diren Informatikari Euskaldunen Topaketen edizio guztietan egon naiz, eta oso interesgarria izan da beti.

Aurten, gainera, informatikarientzakoagoa da. Beste edizioen gaiak Informatika eta euskara, Euskara eta internet, Informatikaren irakaskuntza eta irakaskuntza informatikan eta Informatikaria gizarte elektronikoan izan dira, askoz orokorragoak, eta jende ez informatikari asko agertzen zen (irakaskuntzako jendea, euskalgintzakoa...). Edizio honen gaia Softwaregintzaren erronka berriak da, askoz espezializatuagoa eta beharbada "sekatarioagoa". Jende gutxiago egongo da ziurrenik, baina giro "etxekoagoa" ere bai agian informatikariontzat...

Telefono mugikorra ere eramango dut badaezpada ere. Igandea eta gero esan nuen moblogging-a esperimentu gisa egin nuela soilik, nire blogaren orientazioa ez dela hori. Baina agian proba gehiago egingo ditut, argazkien argitasun eta kalitatearekin batez ere. Arantza hori sartua geratu zitzaidan... Lankide batzuen mugikorrekin probatu dut eta beraienek argazki hobeak ateratzen dituztela iruditu zait. Eta akaso han badago informatikariren bat interesa duena asuntu horretan, eta horrela erakutsiko ahal izango nioke. Tira, eta inoiz ez da jakiten noiz tokatuko den inmortalizatzea gustatuko litzaizukeen une horietako bat...

Informazio gehiago bilkurari buruz hemen: .

e-gorblog

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 15etara Elhuyarren lan egiten du eta arratsaldeak neskarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.

Spider-Man
80%
Superman
70%
Green Lantern
65%
Robin
65%
The Flash
60%
Supergirl
55%
Hulk
55%
Iron Man
45%
Wonder Woman
35%
Catwoman
25%
Batman
0%
Lizentzia

Creative Commons-en baimena
Blog honetako edukia, Igor Leturiak eta beste kolaboratzaile batzuek egiten dutena, Creative Commons Aitortu-PartekatuBerdin 3.0 Unported baimen baten mende dago (irudiak salbu).

Harpidetza
  • Harpidedunak:
  • e-gorren blog pertsonala (komikiak, informatika eta beste) RSS jarioa
  • E-mail harpidetza
  • Twitter-en jarraitu:
  • Erantzunen harpidetza
  • Harpidedunak:
  • RSS jarioa
  • E-mail harpidetza
  • Artxiboa
    2004 2005 2006 2007 2008 2009 2010 2011 2012 2013 2014 2015 2016 2017
    Artikulu aipagarriak

    MythTV sorta
    2004/11

    "Pololoak" sorta
    2004/11-12 - 2006/10-12 - 2007/02-03

    Monoblogoa
    2005/01/11

    "Persepolis", xalotasunaren sakontasuna
    2005/01/25

    Elgetako Blogs&Beers 2005: nire inpresioa eta moblogging kontuak
    2005/04/18

    Firefox eta bere plugin zoragarriak
    2005/05/11

    "El País"-en komiki bilduma
    2005/05/15

    Euskarazko bi blog berri (bai, beste bi, baina hauek bereziak dira!)
    2005/05/25

    "Watchmen" sorta
    2005/09-11 - 2006/10 - 2007/10 - 2008/07

    "La cárcel de papel"-eko "Mis tebeos favoritos" saila I: 1etik 20ra
    2005/11/08

    "Goienkaria"-n agertu naiz
    2005/12/08

    Komikiak eta euskal rock-a
    2005/12/14

    Ruben Arozena "Ruben" komikigilea hil da
    2006/01/02

    Zope-rako DTML Calendar Tag produktua, euskaraz
    2006/02/01

    "Joyas Literarias Juveniles" bilduma, osorik eMule-n
    2006/08/05

    Argazkigintza eta DRM-a
    2006/10/09

    Paul Auster eta Euskararen Herria
    2006/10/29

    Angoulême sorta
    2007/01-02

    Gaur duela 25 urte nire bizitza aldatu zen
    2007/04/23

    Hergé-ren defentsan
    2007/05/22

    Ubuntu-ren bertsio berria, hobekuntza askorekin
    2007/07/02

    OLPC sorta
    2007/12 - 2008/01

    Guillermo Zubiaga, Marvel-eko komikilari euskalduna
    2008/02/05

    Asus EEE PC, ordenagailu txiki eta merkeen hurrengo sorta
    2008/03/11

    Agur, Ipurbeltz, agur... :-(
    2008/08/04

    "Café Budapest", gizatasuna eta bizikidetzaren aldeko aldarria
    2008/08/25

    "Arturo Erregea" serie mitikoa, Euskal Encodings-en! (beste askorekin batera)
    2008/09/17

    "Gazteak", beste serie mitiko bat euskaraz eskuragai!
    2008/10/14

    Pottokiek 50 urte!
    2008/10/22

    Europan ere OLPC-ren XO ordenagailuak erosteko aukera!
    2008/11/12

    Microsoft-en web zerbitzuetako gehienak, euskaraz!
    2008/12/04

    "Heroes"-en 2. denboraldia: ETB kirtenkeria errepikatzera, eta Euskal Encodings konpontzera
    2009/01/23

    I. Euskal OLPC Party-a, apirilaren 23an Donostiako Doka kafe antzokian
    2009/04/16

    Elkarrizketa egin didate 7K-n
    2009/06/03

    Azpiriren Spectrum-entzako jokoen azalak liburu batean
    2009/10/06

    Asterix, heroi garaitua
    2009/10/29

    "Ihes ederra", euskarazko komikigintzaren heldutasunaren konfirmazioa
    2009/11/13

    Pololoak 3: The making of
    2009/11/22

    5 urte 5!
    2009/12/15

    Nobela grafikoa, komikien prestigiorako ala mespretxurako?
    2009/12/20

    "Pololoak 3 - Atxeritoko balada", trilogiaren amaiera borobila
    2010/01/13

    Sinclair ZX Spectrum bat oparitu didate!
    2010/01/19

    Zergatik ez dudan liburu elektronikorik erosiko (gauzak aldatzen ez diren artean)
    2010/01/27

    Errealitate areagotua: munduaren pertzepzioa aberasten
    2010/02/09

    e-gorblog, "Nick dut nik" telebista saioan
    2010/05/20

    Sarearen neutraltasunari erasoak: Interneten izaera arriskuan
    2010/06/02

    "Avatar, azken aire maisua" osoa eta "Heroiak"-en lehen bi denboraldiak, Euskal Encodings-en
    2010/07/22

    Sistema eragileen guda berria
    2010/12/14

    Anubis 3.0 albumarentzat 3D animazio ederra
    2010/12/27

    Telebistaren benetako iraultza hemen da, eta ez da LTDa
    2011/01/10

    "Asterix galiarra" eta "Urrezko igitaia" berrargitaratu ditu Salvatek
    2011/01/13

    Euskarazko komikigintza digitalizazioaren aurrean
    2011/01/27

    "Ihes ederra"ren gaztelaniazko eta katalanezko bertsioak eta "Alokairuan", kalean
    2011/02/20

    Star Wars jatorrizko trilogia, euskaraz
    2011/03/21

    Sare sozialetan preso
    2011/04/06

    Zer dudan Steve Jobsen, edo Appleren, aurka
    2011/10/14

    Gaur 100 urte Adèle Blanc-Sec-en abenturak hasi zirela
    2011/11/04

    Euskarazko 8 komiki berri
    2011/12/02

    Social networks killed the RSS star?
    2012/06/10