Gabonetako kontu bat
Amatiño
2009/03/29 21:26
“Un conte de Noël” da, segurutik, egunotako karteldegian dagoen filmerik konplexuena. Baita, behar bada, zinikoena ere. Eta garratzenetakoa. Vuillard familia frantsesaren Gabonetako bilera kontatzen zaigu. Ez dago, itxuraz behintzat, trajedia nabarmenik, ez dago hilketarik, ez dago lar zorigaitzik. Baina bada gatazkarik, traiziorik, gorrotorik, zauri psikikorik… malura, arrangura eta samindurarik.
Erantzunik ez
Abortuaren indarkeria-punttua
Amatiño
2009/03/24 00:10
Abortua dela-eta, ez dut nik esango ezein kasutan abortatu behar ez denik eta ez nator bat umea galtzearen kontra ezezik, espermatozoideen eskubideen defentsa ere egiten dutenekin. Beti onartuko dut legeak dioena, beronen mugen barruan amak erabaki lezakeena, eta badakit legeak abortua ahalbideratu arren, ezein emakume ez dagoela abortatzeko derrigortua. Baina, aldi berean, uste dut errazegi ixten ditugula begiak umea galtzearen aurrean.
Gorka Agirre, erbestearen seme
Amatiño
2009/03/21 00:38
Sasoiko lore, garaiko fruitu, zirkunstantzien kimu eta erbestearen seme, Gorka Agirre bart hil da Bilbon, 60 urte bete berri dituen aste berean. Agirre lehendakariaren iloba, Anberesen jaio zen 1949an eta Ekonomiaz lizentziatu Lovainako Unibertsitatean. Euskaraz, flandrieraz, frantsesez eta espanieraz mintzo zen txiki-txikitandik eta europar egitasmoan buru-belarri sinesten zuen abertzalea izan zen. Baita euskal abertzale guztien arteko egitasmo bateratuaren aldarrikatzaile ere.
Karlisten eta liberalen gerra-kontaerak
Amatiño
2009/03/15 21:37
Frantzisko Apalategik donostiarrak han-hemenka bildutako edozenbat gertaeraren hautua eskaintzen du Aita Zavalak ia mila orrialdetan. Eibarko eta eibartarren aipamenik ere ez da falta --guztira hirupalau baino ez diren arren--, ezta Debabarrengo beste zenbait herritakorik ere. Apalategi gauza izan zen kontatzaileek erabilitako hizkuntza gordetzeko baina ez, ordea, lekuan lekuko euskalkiei eusteko. Ondorioz, nonahiko direlarik ere jatorriz esatariak --nafarrak, giputzak zein bizkaitarrak alegia-- guztiok mintzo dira donostiarraren era eta moldeetan.
Kirmen Uriberen kontu arruntak
Amatiño
2009/03/12 23:35
“Esan zeure-zeureak diren kontuak, esan, horrek du benetan garrantzia. Ez lotsatu. Gainontzeko guztia arrunta da, egunkarietan ageri dena“(Elias Canetti). Estrictu sensu ez dut uste arrunta izatea denik, hain zuzen, egunkarietan agertzeko meriturik handiena, baina bat nator Kirmen Uribek bere eleberrian islatu nahi duen egunerokotasunaren garrantziaz.
Petrolio amaigabea
Amatiño
2009/03/12 00:01
Begoñak berrogei urte daramatza petrolio-sektorean eta laster erretiratzekotan dago. Orain dela hogeiren bat urte aurreratu zioten ez zuela bertan jubilatzerik izango, petrolioa dezente lehenago ahituko zelakoan. Baina, honez gero, bera lehenago etxeratuko da petrolioa burutu baino. Hain zuzen, zenbait adituk dioenez, oraindik ere barrena beste berrogei urterako erreserbak geratzen omen dira… egungo teknologiaz.
Argazkia
Amatiño
2009/03/10 00:01
Azken euskal legealdiaren argazkirik adierazgarrienetakoa, segurutik, Ibarretxek, Azkarragak eta Madrazok osatzen zuten Kontseilu Politikoarena izan zen. Neri ez zitzaidan sekula argazki hura gustatu. Beti uste izan nuen Eusko Jaurlaritzaren nahiz hitzetik hortzera aipatu ohi zen euskal gizartearen ildo zentral hartako alderdi nagusiaren ordezkaria falta zela bertan.
Eibarreses al frente del mercado de las galaxias
Amatiño
2009/03/06 18:59
Tras recibir el premio Toribio Echevarria 2008 a la Internacionalización en el acto organizado al efecto en el Salón Coliseo, el Director General de Ega Master, Aner Garmendia, se acercó al micrófono y recordó que el lugar le traía un recuerdo inolvidable de la infancia, no en vano fue en el propio Coliseo donde vio cine por primera vez. Exactamente la película “La guerra de las galaxias”.
Kanpoko etsaien ilusioen pizgarri
Amatiño
2009/03/04 17:31
Raul Castro Kubako presidenteak lehen ministroaren pareko funtzioa bete izan duen Carlos Lage kargutik kendu eta, beronen ordez, José Amado Ricardo Guerra militarra jarri du. Lage, 57 urteko osagilea, Kubako ekonomiaz arduratu izan da azken urteotan eta Guerra jeneralak, berriz, 74 urte ditu eta 1956ko belaunaldi historikoaren lekuko da.
"Slumdog millionaire" filmearen une majikoa
Amatiño
2009/03/02 23:22
Mutikotan lau zine-emanaldi izaten ziren igandetan. Bazkalosteko 3tan, arratsaldeko 5,15etan, iluntzeko 7,30etan eta gaueko 10etan. Bazkalostean umeok bildu izaten ginen, arratsaldean gazte jendea, iluntzean senar-emazteak eta afalostean, berriz, bikote ezkongabeak. Umeentzako filmea, “infantilla”, aurrena izaten zen eta ondoko hiruretan, ostera, helduentzako pelikula berbera. Orduko irizpideen arabera “Slumdog millionaire” ikusteko hiruetako saiora joan beharko genuke.